Neemi 12 - Bibeli do fee

Irii woo wee ŋa do inɛi Levii ŋa

¹ Woo wee ŋa do inɛi Levii ŋa iyi à baa do Zorobabɛli amai Seatiɛli do Zozue ŋa wee. Seraya do Zeremi do Ɛsidarasi

² do Amaria do Maluku do Hatusi

³ do Sekania do Rehumu do Meremɔti

⁴ do Ido do Ginetɔ̃ɔ do Abiya

⁵ do Miyamɛɛ do Maadia do Biliga

⁶ do Semaya do Yoyaribu do Yedaya

⁷ do Salu do Amɔku do Hilikiya do Yedaya. Aŋau bɛi à jɛ inɛ ngboi woo wee ŋa do nyaanze nŋa ŋa si waatii Zozue.

⁸ Inɛi Levii ŋa iyi à wa si inɔi inɛ ŋaui í jɛ Zozue do Binui do Kadimiɛli do Serebia do Zudaa do Matania. Mataniau nŋui í jɛ inɛ ngboi woo kɔ̃ iri ŋau waati iyi à waa tɔɔ Ilaaɔ̃, nŋu do nyaanzeɛ ŋa,

⁹ nɔ Babukia do Uni aŋa iyi à waa buba do waju nŋau, aŋai à ya maa jɛ nŋa.

¹⁰ Zozuei í bí Yoyakimu. Yoyakimu mɔi í bí Eliasibu. Eliasibu mɔi í bí Yoyada.

¹¹ Yoyada mɔi í bí Zonatãa, nɔ Zonatãa mɔi í bí Yadua.

¹² Si waatii Yoyakimu, woo wee ŋa iyi à jɛ inɛ ngboi nyaanze nŋa ŋa wee. Ti Seraya ŋa, Merayai í jɛ inɛ ngboɛ. Ti Zeremi ŋa, Hananiai.

¹³ Ti Ɛsidarasi ŋa, Mɛsulamui. Ti Amaria ŋa Yohanaai.

¹⁴ Ti Meluki ŋa, Zonatãai. Ti Sebania ŋa, Zozɛfui.

¹⁵ Ti Harimu ŋa, Adunai. Ti Merayɔti ŋa, Helikaii.

¹⁶ Ti Ido ŋa, Zakarii. Ti Ginetɔ̃ɔ ŋa, Mɛsulamui.

¹⁷ Ti Abiya ŋa, Zikirii. Ti Miniamɛɛ do Moadia ŋa, Pilitaii.

¹⁸ Ti Biliga ŋa, Samuai. Ti Semaya ŋa, Zonatãai.

¹⁹ Ti Yoyaribu ŋa, Matinaii. Ti Yedaya ŋa, Uzii.

²⁰ Ti Salai ŋa, Kalaii. Ti Amɔku ŋa, Ebɛɛi.

²¹ Ti Hilikiya ŋa, Hasabiai. Ti Yedaya ŋa Netaneɛlii.

²² Si waatii Eliasibu woo wee nlau hee ku naa si waatii Yoyada do Yohanaa do Yadua à ya kɔ irii inɛi Levii ŋa iyi à jɛ ilu kpasɛ̃ ŋaui nɔ bɛɛbɛ mɔi à ya kɔ irii woo wee ŋa iyi à jɛ ilu kpasɛ̃ ŋau hee ku naa si waati iyi Dariusi í jɛ bomma si ilɛi Pɛɛsi.

²³ À nyi à kɔ irii inɛi Levii ŋa iyi à jɛ ilu kpasɛ̃ ŋau má si tiai bommai inɛi Izirɛli ŋa. Amma à kɔɔi hai si waatii Eliasibu hee ku naa si waatii Yohanaa tɔkuɛu.

²⁴ Hasabia do Serebia do Zozue amai Kadimiɛli, aŋa inɛ ngboi inɛi Levii ŋau do nyaanze nŋa ŋa à wai cingaai njɛ à waa cɔ njɛ. Aŋai à ya maa kɔ̃ iri a maa saabu Ilaaɔ̃ nɔ a maa cũu, si bɛi Davidi inɛi Ilaaɔ̃u í jilɔɔ.

²⁵ Matania do Babukia do Abudiasi do Mɛsulamu do Talimɔɔ do Akubu ŋai à jɛ woo degbe anu koofai kpasɛ̃i Ilaaɔ̃. Nɔ à ya maa wa andɛ gambo ŋau.

²⁶ Inɛ ŋau à ya maa ce icɛ nŋai si waatii Yoyakimu amai Zozue tɔkui Yosadaki, do si waatii Neemi ilu ilɛu do si waatii Ɛsidarasi woo wee iyi í jɛ woo kɔ inɛ ŋa si woodau.

Neemi í cua si jingaui iri ku kpai bindiu

²⁷ Waati iyi à ma bindii Zeruzalɛmuu à tã, ŋɔi à kpe inɛi Levii ŋa wa hai bii à wa fei à naa Zeruzalɛmu ku ba a jɛ jingaui iri ku kpai bindiu do inɔ didɔ̃ do iri ku kɔ̃i saabu ŋa a maa cãò sɛmbali do kundigi ŋa do mɔɔlɔ ŋa.

^28-29 Ŋɔi woo kɔ̃ iri ŋau à tɔtɔɔ wa hai si ilu ŋa iyi à wa kɔkɔi Zeruzalɛmu, do hai Netofa do Bɛti-Giligali do ilɛɛkoi Geba do Azumavɛti.

³⁰ Ŋɔi woo wee ŋau do inɛi Levii ŋau à ce buki iyi á jɔ̀ a maajuu. Nɔ à cea zamaau mɔ. Si anyiɛ nɔ à cea gambo ŋau do bindiu.

³¹ Ŋɔi amu Neemi ǹ jɔ̀ inɛ ngboi Zudaa ŋau à gũ si antaii bindiu nɔ ǹ kpɛ̃ woo kɔ̃ iri ŋau wuaa minji nla nla. Nɔ ikɔ akã í nɛ wa bɔ do awɔ njɛ si antaii bindiu wa bɔ ikpa anu koofa iyi à ya kpe anu koofai iri ankitã.

³² Nɔ Ozee do bubui inɛ ngboi Zudaa ŋau à waa too ŋa,

³³ do Azaria do Ɛsidarasi do Mɛsulamu

³⁴ do Zudaa do Bɛnzamɛɛ do Semaya do Zeremi.

³⁵ Si anyi nŋa nɔ woo wee ŋau à waa ko ŋa do kãakãakĩ ŋa. Si anyii aŋa mɔ, nɔ Zakari tɔkui Azafu hai bi Zakuu do Misee do Matania do Semaya do Zonatãa à waa too ŋa,

³⁶ do nyaanze nŋa ŋa. Si anyii aŋa mɔ, Semaya do Azareɛli do Milalai do Gilalai do Maai do Netaneɛli do Zudaa do Hanani ŋai à waa too ŋa. Inɛ bɛ ŋai à waa mu jĩnɛi ijo ŋa iyi Davidi inɛi Ilaaɔ̃ í jɔ̀ à ce ŋau wa. Nɔ Ɛsidarasi woo kɔ inɛ ŋa si woodau wa cua nŋa.

³⁷ Iyi à to si anu koofa iyi à ya kpe anu koofai isɔ̃u, do waju nŋa, à gũ bi ku tɛ̀ ku lɔò ilui Davidi hai bi geetei bindiu do lelei ilei Davidi hee ku bɔ si anu koofa iyi à ya kpe anu koofai inyi ŋau do nunui daakɔ.

³⁸ Ŋɔi woo kɔ̃ iri ŋau ikɔ akã iyi ihɔ̃u mɔ í nɛ wa bɔ ikpa awɔ canga. Nɔ amu Neemi ǹ wa do anyi nŋa wa awaò bubui zamaau si antaii bindiu. À too do bi ku degbe iyi à ya kpe bi ku sɔ̃ kaa ŋau hee ku bɔ bii bindiu í koo í cĩu,

³⁹ à bɛi à kua do lelei anu koofai Efaraimu, do gambo nwou, do anu koofa iyi à ya kpe anu koofai cɛ̃ɛ ŋa do ile bi ku degbe iyi à kpe Hananeɛli do ile bi ku degbe iyi à kpe Mea hee ku koo si anu koofa iyi à ya kpe anu koofai angudã ŋau. Nɔ à leekĩ bi anu koofa iyi à ya kpe anu koofai woo degbe ilaalu.

⁴⁰ Ŋɔi woo kɔ̃ iri wuaa minji ŋau à naa à leekĩ inɔ kpasɛ̃i Ilaaɔ̃. Nɔ awa mɔ à ce bɛɛbɛ amu do inɛ ngbo ŋa iyi à wa bi tom ŋau,

⁴¹ do Eliakimu do Maaseya do Miniamɛɛ do Misee do Eliyoenai do Zakari do Hanania woo wee ŋa iyi à waa fã kãakãakĩ ŋau,

⁴² do Maaseya do Semaya do Eleazaa do Uzi do Yohanaa do Malikiya do Elamu do Ezɛɛ. Woo kɔ̃ iri ŋau à waa faau kɔ̃ɔ wa, nɔ Yizaraya wa cua nŋa.

⁴³ Ajɔ nŋu bɛ, à ce kuwee nkpɔ nkpɔ. Nɔ inɛ ŋa à wɛɛò inɔ didɔ̃, domi Ilaaɔ̃i í mua zamaau inɔ didɔ̃ nla nla. Ŋɔi hai inaabo ŋa hee do amu ŋa fei à wɛɛò inɔ didɔ̃. Nɔ anu ku dɔ̃i inɔ didɔ̃u í fita hai Zeruzalɛmu wa bɔ hee jĩijĩ.

Ikpɛ̃ iyi à jɔ̀a woo wee ŋa do inɛi Levii ŋa

⁴⁴ Ajɔ nŋu, à cica inɛ ŋa iyi aa maa cɔ ile ŋa iyi à so à jɛ bi ku jilɛ amua ŋa do amaajɛ sinte ŋa do akã si mɛɛwa fei si amaajɛ nŋa ŋa. Nɔ à jilɛa inɛ ŋau à ya dabii si ilu ŋa a koo a gba amaajɛ ŋau wa iyi aa ya naa a na woo wee ŋa do inɛi Levii ŋau si bɛi wooda í fɔ. Ŋɔi inɛi Zudaa ŋa à nɛ inɔ didɔ̃ si na iyi í jɔ̀ woo wee ŋau do inɛi Levii ŋa à waa ce icɛ nŋa,

⁴⁵ à waa jirima woodai Aɔ̃ Lafɛ̃ɛ, nɔ à jɔ̀ inɛ ŋa à waa maaju. Bɛɛbɛi woo kɔ̃ iri ŋau do woo degbe anu koofai kpasɛ̃i Ilaaɔ̃ ŋau mɔ à waa ce icɛ nŋai bɛi Davidi do amaɛ Salomɔɔ à jilɛu,

⁴⁶ domi tako, si waatii Davidi do Azafu, à nɛ inɛ ngboi woo kɔ̃ iri ŋa do iri ŋa iyi à ya kɔ̃ a maa cĩò Ilaaɔ̃ nɔ a maa saabuɛ.

⁴⁷ Si waatii Zorobabɛli do Neemi, inɛi Izirɛli fei í ya nya ikpɛ̃i woo kɔ̃ iri ŋau wai do ti woo degbe anu koofai kpasɛ̃i Ilaaɔ̃u ajɔ akã fei. Ŋɔi à ya na inɛi Levii ŋau mɔ mii ŋa iyi à nya ikã kú jɛ tu ŋa, nɔ aŋa mɔ à ya nya a koo a na tɔkui Arɔ̃ɔ ŋa.