Neemi 11 - Bibeli do fee

Irii Zuifu ŋa iyi à nyi wa à naa à buba Zeruzalɛmu

¹ Ŋɔi inɛ ngboi zamaa ŋau à buba Zeruzalɛmu. Nɔ à taa zamaa iyi í gbeu kpasa ku ba a so inɛ akã si inɔi inɛ mɛɛwa fei koo buba Zeruzalɛmu ilu kumáu. Nɔ inɛ mɛɛsã mɛɛsã iyi à gbe a koo a buba si ilu nŋa ŋa.

² Ŋɔi zamaau í weea inɛ ŋa iyi à bi si idɔ nŋa aŋa a koo a buba Zeruzalɛmu.

³ Inɛi Izirɛli ŋa, hai woo wee ŋa do inɛi Levii ŋa do woo ce icɛ inɔ kpasɛ̃i Ilaaɔ̃ ŋa do tɔkui woo ce icɛi Salomɔɔ ŋa à koo à buba ide nŋa si ilu nŋa ŋa. Nɔ inɛ ngbo nŋa ŋa à buba Zeruzalɛmu.

⁴ Inɛi Zudaa gɔ ŋa do inɛi Bɛnzamɛɛ gɔ ŋa aŋa mɔ à koo à buba Zeruzalɛmu. Irii inɛ ŋa iyi à buba Zeruzalɛmu wee. Si inɛi Zudaa ŋa, Ataya nyaanzei Perɛtiu í wa si. Tɔkui Mahalaleɛlii si tuubai Sefatia do Amaria do Zakari do Oziasi.

⁵ Si bɛ mɔi Maaseya í wa. Tɔkui Silonii hai bi Zakari do Yoyaribu do Adaya do Hazaya do Kolu-Hoze do Baruku.

⁶ Tɔkui Perɛti ŋa iyi à buba Zeruzalɛmu à wɛɛi aŋa kaasãanɛ cĩɔ mɛɛ do kita do mɛɛjɔ (468).

⁷ Si inɔi inɛi Bɛnzamɛɛ ŋa Salu í wa si. Tɔkui Ezaii hai bi Itiɛli do Maaseya do Kolaya do Pedaya do Yoɛdi do Mɛsulamu.

⁸ Si anyiɛ nɔ Gabai do Salai à wa si. Nɔ à dede aŋa cĩɔ mɛɛsã do kɔnfia do mɛɛjɔ (928).

⁹ Zoɛli amai Zikirii í jɛ inɛ ngbo nŋa. Nɔ Zudaa amai Senuai í jɛ inɛ ngbo minjisiai iluu.

¹⁰ Si woo wee ŋau Yedaya amai Yoyaribu í wa si do Yakɛ̃ɛ,

¹¹ do Seraya tɔkui Asitubu inɛ ngboi kpasɛ̃i Ilaaɔ̃ hai bi Merayɔti do Sadɔku do Mɛsulamu do Hilikiya,

¹² do nyaanze nŋa ŋa iyi à waa ce icɛ si kpasɛ̃i Ilaaɔ̃u. Aŋa mɔ à dede aŋa cĩɔ mɛɛjɔ do kɔnfia do minji (822). Nɔ Adaya tɔkui Malikiya hai bi Pasuu do Zakari do Amusi do Pelalia do Yerohamu,

¹³ do nyaanzeɛ ŋa, aŋa inɛ ngboi idei baa ŋau à dede aŋa cĩɔ minji do ciiji do minji (242). Nɔ Amasai tɔkui Imɛɛ hai bi Mɛsilemɔti do Ahizai do Azareɛli,

¹⁴ do nyaanzeɛ ŋa, aŋa kaasãanɛ ŋau à dedei aŋa cifa do mɛɛjɔ (128). Zabudiɛli amai Gedolimui í jɛ inɛ ngbo nŋa.

¹⁵ Si inɛi Levii ŋa Semaya tɔkui Buni hai bi Hasabia do Azurikamu do Hasubu à wa si.

¹⁶ Sabetai do Yozabadi ŋa mɔ à wa si inɔi inɛ ngboi dimii Levii ŋau má. Aŋai à jɛ inɛ ngboi wũai waduudei kpasɛ̃i Ilaaɔ̃ ŋau.

¹⁷ Matania tɔkui Azafu hai bi Zabudi do Misee ŋau mɔ í wa si. Nŋui í jɛ inɛ ngboi woo kɔ̃ iri ŋa waati iyi à waa tɔɔ Ilaaɔ̃. Nɔ hai si nyaanzeɛ ŋa mɔ Babukia í wa si. Nŋui í jɛ minjisiaɛ, do Abuda tɔkui Yedutunu hai bi Galali do Samua.

¹⁸ Inɛi Levii ŋa iyi à wa inɔ ilu kumáu à dedei aŋa cĩɔ minji do cinɛ do mɛɛ (284).

¹⁹ Nɔ Akubu do Talimɔɔ woo degbe anu koofa ŋau à wa si do nyaanze nŋa ŋa, aŋa cĩɔ do kita do mɛɛwa do minji (172).

²⁰ Ŋɔi inɛi Izirɛli ŋa iyi à gbe ŋau do woo wee ŋa do inɛi Levii ŋa à buba si ilui Zudaa ŋau fei, inɛ fei í wa si kpasɛ̃ɛ.

²¹ Woo ce icɛ si inɔ kpasɛ̃i Ilaaɔ̃ ŋau à buba si iri kutai Ofɛliu. Inɛ ngbo nŋai Siha do Gisipa.

²² Inɛ ngboi inɛi Levii ŋa iyi à wa Zeruzalɛmui í jɛ Uzi tɔkui Azafu hai bi Misee do Matania do Hasabia do Bani. Tɔkui Azafu ŋaui à jɛ woo kɔ̃ iri ŋa si inɔ kpasɛ̃i Ilaaɔ̃u,

²³ domi ilaalu í jilɛa woo kɔ̃ iri ŋau woodai. Nɔ à nɛ mii iyi aa ya na ŋai ajɔ akã fei.

²⁴ Petaya amai Mesezabeɛli si inɔi amai Zeraki inɛi Zudaaui í jɛ woo wũa idei ilaalu si wũai zamaau fei.

Zuifu ŋa iyi a kù wa Zeruzalɛmu

²⁵ Inɛi Zudaa ŋau gɔgɔ ŋa à koo à buba si ilu gɔ ŋa do ilɛɛko nŋa ŋa. Inɛ gɔ ŋa à koo à buba Kiria-Aaba do ilɛɛkoɛ ŋa, do Dibɔ̃ɔ do ilɛɛkoɛ ŋa, do Yekabuseɛli do ilɛɛkoɛ ŋa,

²⁶ do Yesua do Molada do Bɛti-Pelɛti,

²⁷ do Asaa-Suali do Bɛɛseba do ilɛɛkoɛ ŋa,

²⁸ do Sikilagi do Mekona do ilɛɛkoɛ ŋa,

²⁹ do Eni-Rimɔɔ do Sorea do Yaamuti,

³⁰ do Zanoa, do Adulamu do ilɛɛko nŋa ŋa, do Lakisi do ilɛɛkoɛ ŋa, do Azeka do ilɛɛkoɛ ŋa. À koo à bubai hai Bɛɛseba hee ku naa si lɔɔmai Hinɔmu.

³¹ Nɔ inɛi Bɛnzamɛɛ ŋa mɔ à koo à buba Geba do Mikimasi do Aya do Betɛli do ilɛɛkoɛ ŋa

³² do Anatɔti do Nɔbu do Anania

³³ do Hasɔɔ do Rama do Gitaimu

³⁴ do Hadidu do Seboimu do Nebalati

³⁵ do Lɔdu do Ono do si lɔɔmai woo ce icɛi awɔ ŋau.

³⁶ Inɛi Levii gɔ ŋa à fita hai si dimii Zudaa à baa si inɔi inɛi Bɛnzamɛɛ ŋa.