Zɔɔbu 25 - Bibeli do fee

Bida í ni, gbugbãi Ilaaɔ̃ í wai bii fei

¹ Ŋɔi Bida inɛi Suau í so ide nɔ í ni,

² Ilaaɔ̃ í nɛ gbugbã iyi í to njo. Nŋui í jɔ̀ laakai ku sũ í wa hee lele.

³ Yooi í mà jiai soogeɛ ŋa. Mà yooi inunuɛ kù waa máa inya.

⁴ Bɛirei amanɛ á ce ku nɛ ntɔ si Ilaaɔ̃. Bɛirei amanɛ á ce ku má si wajui Ilaaɔ̃.

⁵ Bii si wajui Ilaaɔ̃, cukpa kù nɛ inya kumá, nɔ inya kumái leleaɔ̃ ŋa kù la,

⁶ bɛirei amanɛ iyi í yɛ bɛi dankokoo á yɛaa, bɛirei nŋu iyi í yɛ bɛi danfɛlɛ á yɛaa.