Ɛsitɛɛ 10 - Bibeli do fee

Waju ku bɔi Maadosee

¹ Ŋɔi ilaalu Asuerusi í dasi inɛ ŋa iyi à wa si bommaɛ fei fia ku sã adɔ̃ do adɔ̃, hee do inɛ ŋa iyi à wa kɔkɔi tenkuu fei.

² Mii nla nla ŋa iyi ilaaluu í ce do wɔɔkɔ fei, do yaase bɛi í so Maadosee Zuifuu lele si inya nla nlau fei à ce faajiɛ si tiai ide ŋa iyi í ce si bommai ilaalui ilɛi Mɛɛdi do Pɛɛsi ŋau.

³ Bɛɛbɛi Maadosee í na í jɛ minjisiai ilaalu Asuerusi. Í jɛ ilu jirima nɔ Zuifu inɛɛ ŋau fei à nɛ kubiɛ. Wa dɛdɛ jiida ku jɛi inɛɛ ŋa do aranfãani nŋa.