Bomma 1, 9 - Bibeli do fee

¹ À kɔ irii inɛi Izirɛli ŋau fei si tiai ilaalui Izirɛli ŋau kpasɛ̃ do kpasɛ̃. Nɔ à na à mu inɛi Zudaa ŋa aru à nɛò ŋa ilɛi Babilɔni si na iyi í jɔ̀ a kù leekĩ do Ilaaɔ̃ nŋu akã.

Inɛ ŋa iyi à baa hai bii à waa jɛ aru

² Inɛ ŋa iyi à tako à baa à buba si ilɛ nŋau do si ilu nŋa ŋaui à jɛ inɛi Izirɛli ŋau, do woo wee ŋau do inɛi Levii ŋau do woo ce icɛ si kpasɛ̃i Aɔ̃ Lafɛ̃ɛu ŋa.

³ Inɔ ilu Zeruzalɛmui inɛi Zudaa ŋa à naa à buba do inɛi Bɛnzamɛɛ ŋa do inɛi Efaraimu ŋa do inɛi Manasee ŋa.

⁴ Si dimii Zudaa Utai í wa si. Utai amai Amihudui, Amihudu mɔ amai Ɔmurii, Ɔmuri mɔ amai Imurii, Imuri mɔ amai Banii si nyaanzei Perɛsi.

⁵ Si inɛi Siloo ŋa, Asaya ama yemmaui í naa í buba bɛ do amaɛ ŋa.

⁶ Si tɔkui Zera ŋa, Yeuɛli do nyaanzeɛ ŋai à naa à buba bɛ. Inɛi Zudaa ŋa iyi à naa à buba Zeruzalɛmu à to aŋa cĩɔ mɛɛfa do cinɛò fɛɛwa (690).

⁷ Si dimii Bɛnzamɛɛ Salu í wa si. Nŋui í jɛ amai Mɛsulamu, nɔ wa jɛ tɔkui Hodavia do tɔku gbeejii Asenua.

⁸ Yibuneya amai Yerohamu mɔ í wa si do Ela do Mɛsulamu. Ela amai Uzii nɔ wa jɛ tɔkui Mikiri. Mɛsulamu amai Sefatiai nɔ wa jɛ tɔkui Reuɛli do tɔku gbeejii Yibuniya.

⁹ Inɛ ŋau bɛ fei aŋai à waa jɛ inɛ ngboi kpasɛ̃ nŋa ŋa. Nɔ aŋaò nyaanze nŋa ŋau à dedei aŋa cĩɔ mɛɛsã do ciitaa do mɛɛfa (956).

¹⁰ Inɛ ŋa iyi à jɛ woo wee ŋau wee. Yedaya do Yehoyaribu do Yakɛ̃ɛ,

¹¹ do Azaria amai Hilikiya, nŋu mɔ amai Mɛsulamu, Mɛsulamu mɔ amai Sadɔku, Sadɔku mɔ amai Merayɔti, Merayɔti mɔ amai Ahitubu inɛ ngboi kpasɛ̃i Ilaaɔ̃i.

¹² Adaya amai Yerohamu mɔ í wa si. Yerohamu mɔ amai Pasuui, Pasuu mɔ amai Malikiyai. Masai amai Adiɛli mɔ í wa si. Adiɛli mɔ amai Yazerai, Yazera mɔ amai Mɛsulamui, Mɛsulamu mɔ amai Mɛsilemitii, Mɛsilemiti mɔ amai Imɛɛ.

¹³ Aŋa fei à dedei aŋa dubu do cĩɔ mɛɛje do kita (1.760), aŋa kaasãanɛ ilu wɔɔkɔ ŋa iyi à waa ce icɛ si kpasɛ̃i Ilaaɔ̃u.

¹⁴ Si inɛi Levii ŋa Semaya amai Hasubu í wa si. Hasubu amai Azurikamui, Azurikamu mɔ amai Hasabiai, Hasabia mɔ amai Merarii.

¹⁵ Bakubakaa í wa si do Herɛsi do Galali do Matania amai Misee tɔkui Zikirii nɔ wa jɛ tɔku gbeejii Azafu.

¹⁶ Abudiasi amai Semaya mɔ í wa si. Semaya amai Galalii, Galali mɔ amai Yedutunui. Berekia amai Aza tɔkui Elikana iyi í wa ilɛi Netofau mɔ í wa si.

¹⁷ Si inɔi woo degbe anu koofa ŋau Salumu í wa si do Akubu do Talimɔɔ do Ahimaa do nyaanze nŋa ŋa. Nɔ Salumui í jɛ inɛ ngbo nŋa.

¹⁸ Nɔ hee ku baa nsɛi, tɔkuɛ ŋai à ya maa degbe anu koofai kpasɛ̃i Ilaaɔ̃ do nunui daakɔ iyi à ya kpe anu koofai ilaaluu. Inɛ ŋau bɛ tɔkui Levii ŋai, nɔ aŋai à jɛ woo degbe anu koofa ŋau.

¹⁹ Inɛi Kore ŋai à jɛ woo degbe anu koofai ile bi kukou bɛi bala nŋa ŋa à tako à degbe anu koofai asɔi inɛi Aɔ̃ Lafɛ̃ɛ ŋau. Salumui í jɛ inɛ ngbo nŋa. Salumuu amai Korei, Kore mɔ amai Ebiasafui, Ebiasafu mɔ amai Korei.

²⁰ Fineɛzi amai Eleazaai í tako í jɛ inɛ ngbo nŋa. Nɔ Aɔ̃ Lafɛ̃ɛ í wɛɛ do nŋu.

²¹ Zakari amai Mɛselemiai í jɛ woo degbe anu ile bi kukou.

²² Nɔ inɛ ŋa iyi à cica a jɛ woo degbe anu koofa ŋau fei à koo à dede aŋa cĩɔ minji do maateeji (212). À kɔ iri nŋa do irii ilu nŋa ŋa si tia. Davidi do walii Samuɛlii à dasi ŋa icɛu bɛ.

²³ Aŋai à ya maa degbe anu koofai kpasɛ̃i Aɔ̃ Lafɛ̃ɛ iyi à ya kpe ile bi kukou. Nɔ si anyi nŋa tɔku nŋa ŋai aa na a maa mɔsi.

²⁴ Woo degbe ŋau à ya wai si gonta mɛɛi ileu fei. À ya wai do ikpa nunui daakɔ do nunui alɛ, do ikpa awɔ njɛi kpãai inunu hee do ikpa awɔ cangai kpãai inunu fei.

²⁵ Woo degbe anu koofa ŋau, gɔgɔ ŋa ilu nŋai à wa. Hai bɛi à ya naa bii waatii degbeu í to si ŋa. Bii à naa azuma akãi aŋaò ŋa à ya ce icɛu.

²⁶ Si inɔi inɛi Levii ŋa, à so inɛ mɛɛ à jɛ inɛ ngboi woo degbe anu koofa ŋau. Aŋai à ya maa wa bɛ waati kãma fei, nɔ aŋai à ya maa cɔ ilaawa ŋau do bi ku singa amanii kpasɛ̃i Ilaaɔ̃ ŋau.

²⁷ Kɔkɔi ileu bɛi à ya sũ a maa degbeɛ. Nɔ daakɔ fei aŋai à ya cũu.

²⁸ Inɛi Levii woo degbe ŋau, icɛi gɔgɔ ŋai í jɛ a maa ka jĩnɛi ileu bɛi wa fita do bɛi wa lɔ wa fei.

²⁹ Inɛ mbɔ nŋa ŋai à ya maa ce laakaii jĩnɛi kpasɛ̃i Aɔ̃ Lafɛ̃ɛ ŋau fei, hai iyafũ do vɛ̃ɛu, do ikpoi oliviu do tuae ku jou do tuae ku dɔ̃ inunuu.

³⁰ Amai woo wee ŋaui à ya ce sɔɔlui tuae ku dɔ̃ inunuu.

³¹ Inɛ akãi dimii Levii ŋa iyi à ya kpe Matitia ama yemmai Salumu inɛi Koreui í ya maa cɔ icɛi kàài kuwee ŋau.

³² Nɔ inɛ mbɔi inɛi Levii gɔ ŋa iyi à jɛ dimii Kehati ŋai à jɛ woo sɔ̃ pɛ̃ɛ iyi à ya jilɛa Ilaaɔ̃ ajɔi kusĩmi fei.

³³ Ilu kpasɛ̃ si dimii Levii ŋa iyi à jɛ inɛ ngboi woo kɔ̃ iri ŋau à nɛ ilaawa nŋa ŋa si kpasɛ̃i Ilaaɔ̃. A kù na ŋa icɛ mmu kãma má, domi à ya maa ce icɛ nŋai dasãò idũ.

³⁴ Inɛ ŋau bɛi à jɛ inɛ ngboi kpasɛ̃ nŋa ŋa si dimii Levii ŋa si yaase bɛi à bí ŋa si nyaanze nŋa ŋa. Inɛ nŋu ŋau, Zeruzalɛmui à wa.

Nyaanzei Saulu

³⁵ Ilui Gabaɔ̃ɔi Yeiɛli iyi í cɛ iluu í wa nŋu do aboɛ Maaka.

³⁶ Abudɔ̃ɔi í jɛ ama yemmaɛ. Si anyiɛ, inɛ ŋa iyi à tɛkɛ siɛ ŋai Suu do Kisi do Baali do Nɛɛ do Nadabu

³⁷ do Gedɔɔ do Ayo do Zakari do Mikilɔti.

³⁸ Mikilɔtii í bí Simeamu. Nɔ aŋa mɔ à wa Zeruzalɛmu bi nyaanze nŋa ŋa.

³⁹ Nɛɛi í bí Kisi. Kisi mɔ í bí Saulu. Saulu mɔ í bí Zonatãa do Maliki-Sua do Abinadabu do Esibaali.

⁴⁰ Amai Zonatãai Meri-Baali, Meri-Baalii í bí Misee.

⁴¹ Amai Misee ŋai Pitɔ̃ɔ do Melɛki do Tarea.

⁴² Ahazii í bí Yara. Yara mɔ í bí Alemɛti do Azumavɛti do Zimiri. Zimirii í bí Moza. Moza mɔ í bí Binea,

⁴³ Binea mɔ í bí Refaya, Refaya mɔ í bí Eleasaa, Eleasaa mɔ í bí Asɛli.

⁴⁴ Asɛli mɔ í bí ama mɛɛfa. Iri nŋa ŋa wee. Azurikamu do Bokuru do Isimaɛli do Searia do Abudiasi do Hanaa. Inɛ bɛ ŋai à jɛ amai Asɛli ŋa.