Bomma 1, 7 - Bibeli do fee

Tɔkui Isakaa ŋa

¹ Amai Isakaa ŋa aŋa mɛɛi. Aŋa wee. Tola do Puva do Yasubu do Simirɔ̃ɔ.

² Amai Tola ŋai Uzi do Refaya do Yeriɛli do Yamai do Yibisamu do Samuɛli. Aŋai à jɛ inɛ ngboi kpasɛ̃i Tola baa nŋa. Nɔ à jɛ kaasãanɛ ŋa si waati nŋa. Si waatii Davidi, akpɔ nŋa í dedei dubu kɔnfia do minji do cĩɔ mɛɛfa (22.600).

³ Uzi í bí Yiziraya. Yiziraya mɔi í bí Mikaɛli do Abudiasi do Zoɛli do Yisiya. Yiziraya do amaɛ ŋa à dedei inɛ ngbo miiu.

⁴ Si nyaanze nŋa ŋau inɛ ŋa iyi à to igũ ku bɔ à to dubu kuntaa do mɛɛfa (36.000). À kpɔ bɛɛbɛi si na iyi í jɔ̀ à nɛ abo do amu ŋa nkpɔ nkpɔ.

⁵ Si nyaanzei Isakaa fei, aŋa iyi à jɛ kaasãanɛ ŋau à wɛɛi aŋa dubu cinɛ do mɛɛje (87.000) si bɛi à kɔɔ.

Tɔkui Bɛnzamɛɛ do Nɛfitali

⁶ Amai Bɛnzamɛɛ ŋa aŋa mɛɛtai. Aŋa wee. Bela do Bekɛɛ do Yediaɛli.

⁷ Amai Bela ŋai Esibɔ̃ɔ do Uzi do Uziɛli do Yerimɔti do Iri. Aŋa miiuu bɛi à jɛ inɛ ngboi kpasɛ̃i baa nŋa ŋa. Kaasãanɛ ŋai nɔ à ka ŋa, aŋa dubu kɔnfia do minji do kuntaa do mɛɛ (22.034).

⁸ Amai Bekɛɛ ŋai Zemira do Yoasi do Eliezɛɛ do Elioenai do Ɔmuri do Yeremɔti do Abiya do Anatɔti do Alemɛti. Inɛ ŋau bɛ fei amai Bekɛɛ ŋai.

⁹ Nɔ iri nŋa í wa si tuubai tɔkuɛ ŋau si bɛi kpasɛ̃ nŋa ŋa à to. Aŋai à jɛ inɛ ngboi kpasɛ̃i baa nŋa ŋa. Akpɔ nŋa í dedei kaasãanɛ dubu kɔnfia do cĩɔ minji (20.200).

¹⁰ Amai Yediaɛlii Bilãa. Amai Bilãa ŋai Yeusu do Bɛnzamɛɛ do Ehudi do Kenaana do Zetãa do Taasi do Aisahaa.

¹¹ Amai Yediaɛli ŋau bɛi à jɛ inɛ ngboi nyaanze nŋa ŋa. Kaasãanɛ ŋai, aŋa dubu mɛɛwa do mɛɛje do cĩɔ minji (17.200) iyi à to à so jĩnɛi igũ à bɔ igũ.

¹² Supimu do Hupimui à jɛ amai Iri. Husimui í jɛ amai Ahɛɛ.

¹³ Amai Nɛfitali ŋai Yasiɛli do Guni do Yesɛɛ do Salumu tɔkui Biliha.

Tɔkui Manasee ŋa

¹⁴ Amai Manasee ŋai Asiriɛli do Makii. Abo iyi í so wa hai ilɛi Siriui í bí ŋa. Makiii í jɛ baai Galaadi.

¹⁵ Makii í so abo si nyaanzei Hupimu do si nyaanzei Supimu. Wecĩɛi à ya kpe Maaka. Selofadii í jɛ ama minjisiaɛ. Nɔ ama inaabo ŋai Selofadi í bí zarara.

¹⁶ Maaka aboi Makii í bíaa ama inɛmɔkɔ. Nɔ à kpoo Perɛsi. Irii ifɔɛi Serɛsi. Serɛsii í jɛ baai Ulamu do Rekɛmu.

¹⁷ Amai Ulamui Bedãa. Inɛ ŋau bɛi à jɛ tɔkui Galaadi amai Makii do tɔkui Manasee ŋa.

¹⁸ Wecĩi Galaadi iyi à ya kpe Hamolekɛtii í bí Isɔdu do Abiezɛɛ do Mala.

¹⁹ Amai Semida ŋai Ahiyãa do Sikɛmu do Liki do Aniamu.

Tɔkui Efaraimu ŋa

²⁰ Tɔkui Efaraimu ŋa wee. Efaraimui í bí Sutela, Sutela mɔi í bí Berɛdi, Berɛdi mɔi í bí Tahati, Tahati mɔi í bí Eleada, Eleada mɔi í bí Tahati, Tahati mɔi í bí

²¹ Zabadi, Zabadi mɔi í bí Sutela. Ezɛɛ do Eleada amai Efaraimu ŋa mbɛ má. Aŋai à waa dɛ mɛɛmui inɛi ilɛi Gati ŋa ku gba, amma inɛ ŋau à kpa ŋa.

²² Nɔ baa nŋa Efaraimu í kpɛ si inɔ kufɔi ikuu, nɔ nyaanzeɛ ŋa à naa ku ba a sũ laakaiɛ.

²³ Si anyiɛ, í tɔtɔɔ do aboɛ má, nɔ à bí ama inɛmɔkɔ. Ŋɔi í sɔɔ Beria, waatɔ wahala, si na iyi í jɔ̀ wahala í wa si kpasɛ̃ɛ.

²⁴ Nɔ í bí ama inaabo iyi à ya kpe Seera. Seeraui í ma ilui Bɛti-Horɔ̃ɔ iyi í wa lɔɔma do Bɛti-Horɔ̃ɔ iyi í wa si geeteu, do ilui Uzɛni-Seera.

²⁵ Beriai í bí Refa, Refa mɔi í bí Resɛfu, Resɛfu mɔi í bí Tela, Tela mɔi í bí Tahãa.

²⁶ Tahãa mɔi í bí Ladãa, Ladãa mɔi í bí Amihudu, Amihudu mɔi í bí Elisama,

²⁷ Elisama mɔi í bí Nunu, Nunu mɔi í bí Zozue.

²⁸ Ilɛ iyi à ba à buba sii í jɛ Betɛli do ilɛɛkoɛ ŋa. Do nunui daakɔi Betɛli à ba Naarãa, do nunui alɛɛ mɔ à ba Gezɛɛ do Sikɛmu do ilɛɛko nŋa ŋa hee ku bɔ Aya do ilɛɛkoɛ ŋa.

²⁹ Tɔkui Manasee ŋai à nɛ Bɛti-Seãa do Taanaki do Mɛgido do Dɔɔ do ilɛɛko nŋa ŋa. Si ilu ŋau bɛi tɔkui Zozɛfu amai Izirɛli ŋau à wa.

Tɔkui Azɛɛ ŋa

³⁰ Amai Azɛɛ ŋai Yimuna do Yiseva do Yisevi do Beria. Wecĩ nŋai Sera.

³¹ Amai Beria ŋai Ebɛɛ do Malikiɛli. Malikiɛlii í jɛ baai Biizɔti.

³² Ebɛɛi í bí Yafulɛti do Somɛɛ do Hotamu do wecĩ nŋa Sua.

³³ Amai Yafulɛti ŋai Pasaki do Bimali do Asivati. Inɛ ŋa iyi à jɛ amai Yafulɛti ŋa mbɛ.

³⁴ Amai Somɛɛ ŋai Ahi do Rohega do Huba do Aramu.

³⁵ Amu ŋa iyi Helɛmu ifɔɛu í bí wee. Sofa do Yimuna do Selɛsi do Amali.

³⁶ Amai Sofa ŋai Sua do Haanefɛɛ do Suali do Beri do Yimura,

³⁷ do Betisɛɛ do Hodi do Sama do Silisa do Yitirãa do Beera.

³⁸ Amai Yetɛɛ ŋai Yɛfune do Pisipa do Ara.

³⁹ Amai Ula ŋai Ara do Haniɛli do Risiya.

⁴⁰ Inɛ ŋau bɛ fei, tɔkui Azɛɛ ŋai. Aŋai à jɛ inɛ ngboi kpasɛ̃ nŋa ŋa. Nɔ kaasãanɛ woo mà igũ ku ce ŋai. Aŋai à jɛ inɛ ngbo ilu bɛɛrɛ ŋa. À ka ŋa aŋa dubu kɔnfia do mɛɛfa (26.000) iyi à to à so jĩnɛi igũ à bɔò igũ.