Bomma 1, 5 - Bibeli do fee

Tɔkui Rubɛ̃ɛ ŋa

¹ Rubɛ̃ɛi í jɛ ama yemmai Zakɔbu iyi à ya kpe Izirɛli. Amma si bɛi í sũò inɛ akãi aboi baaɛ, baau í so yemma ku jɛu í na Zozɛfu. A kù ka Rubɛ̃ɛ ama yemmai Zakɔbu má.

² Zudaa í ba gbugbã í re igbã do ifɔɛ ŋa. Nɔ inɛ akãi tɔkuɛ ŋai í na í jɛ ilaalui Izirɛli. Amma de Zozɛfui à ya ka bɛi igbã nŋa.

³ Amai Rubɛ̃ɛ yemmai Zakɔbu ŋai Enɔku do Palu do Esirɔ̃ɔ do Kaami.

⁴ Zoɛlii í bí Semaya, Semaya mɔ í bí Gɔgu, Gɔgu mɔ í bi Simei,

⁵ Simei mɔ í bí Misee, Misee mɔ í bí Reaya, Reaya mɔ í bí Baali,

⁶ Baali mɔ í bí Beera iyi Tigilati-Pilenezɛɛ ilaalui Asiriu í muu aru í nɛòɛ. Nŋui wa jɛ inɛ ngbo si dimii Rubɛ̃ɛ ŋa.

⁷ Ifɔi Beera ŋa si bɛi à wɛɛ si nyaanze nŋa ŋa do bɛi à kɔɔ si tuuba nŋa do tɔku nŋa ŋa wee. Sinte nŋai Yeiɛli, minjisia Zakari,

⁸ mɛɛtasia Bela amai Azazi. Azazi mɔ amai Sema, Sema mɔ amai Zoɛli. Ilɛi dimii Rubɛ̃ɛ ŋa í wa hai ilui Aroɛɛ hee ku bɔ Nebo do Baali-Meɔ̃ɔ,

⁹ do nunui daakɔ mɔ í bɔ hee gbaa iyi í fɛɛfɛ ŋa do idoi Efaratau. Ilɛ nŋau í lai si na iyi í jɔ̀ mɛɛmu nŋa ŋa à kpɔ si ilɛi Galaadi.

¹⁰ Si waatii ilaalu Saulu inɛi Rubɛ̃ɛ ŋaui à ce igũ do inɛi Agaa ŋa, nɔ à kãmia ŋa. Ŋɔi à buba si ilɛ nŋau ikpa nunui daakɔi Galaadi.

Tɔkui Gadi ŋa

¹¹ Tɔkui Gadi ŋa à bubai si ilɛi Basãa hee ku bɔ Salika. Ilɛ nŋau í wai kɔkɔi ilɛi inɛi Rubɛ̃ɛ ŋa do ikpa awɔ njɛi kpãai inunu.

¹² Si ilɛi Basãau nyaanzei Zoɛlii í la í re, minjisiaɛ Safamu, si anyiɛ ti Yanai do Safatii í tɛkɛ si.

¹³ Nyaanze mɛɛje gɔ ŋa mɔ wee má, Mikaɛli do Mɛsulamu do Seba do Yorai do Yakãa do Zia do Ebɛɛ.

¹⁴ Inɛ ŋau bɛ amai Abihaili ŋai, Abihaili takaɛ amai Huuri, Huuri mɔ amai Yaroai, Yaroa mɔ amai Galaadii, Galaadi mɔ amai Mikaɛlii, Mikaɛli mɔ amai Yesisaii, Yesisai mɔ amai Yadoi, Yado mɔ amai Buzii.

¹⁵ Ahii í jɛ inɛ ngbo nŋa. Ahi takaɛ amai Abudiɛlii, Abudiɛli mɔ amai Gunii.

¹⁶ Tɔkui Gadi ŋau ilɛi Galaadii à wa do ilɛi Basãa do ilɛɛko nŋa ŋa, do si lɔɔmai Sarɔ̃ɔ hee ku bɔ kɔɔɛ.

¹⁷ À so irii dimi ŋau fei si tiai bɛi à waa too njɛ si waatii Yotamu ilaalui Zudaa do Zeroboamu ilaalui Izirɛli.

¹⁸ Dimii Rubɛ̃ɛ do ti Gadi ŋa do dimi bubui Manasee ŋai à nɛ woo ja igũ ilu gbugbã ŋa iyi aa yɔkɔ a maa mu tɛli do taakuba nɔ aa yɔkɔ a ta afa. Akpɔ nŋa í wɛɛi dubu ciiji do mɛɛ do cĩɔ mɛɛje do kita (44.760). Nɔ à ya tã sɔɔlu a bɔ igũ.

¹⁹ Aŋai à ce igũ bi inɛi Agaa ŋa do inɛi Yetuu ŋa do inɛi Nafisu ŋa do inɛi Nodabu ŋa.

²⁰ Si waatii igũu, à tɔɔ Ilaaɔ̃, nɔ í gbɔ kutɔɔ nŋa si na iyi í jɔ̀ à dasiɛ naanɛ, nɔ í da nŋa inɛ ŋau si awɔ.

²¹ Ŋɔi à gba mɛɛmu nŋa ŋa. À mu kpookpo dubu ciitaa (50.000) do angudã do iwo ŋa dubu cĩɔ minji do ciitaa (250.000) do gbankɛlɛ dubu minji (2.000) nɔ à mu amanɛ dubu cĩɔ (100.000),

²² nɔ à kpa inɛ nkpɔ nkpɔ, si na iyi í jɔ̀ Ilaaɔ̃ í sobi ŋa si igũu. Ŋɔi à buba si agbɛ nŋa hee í koo í toò waati iyi à na a mu ŋa aru à nɛò ŋa.

Tɔkui Manasee ŋa iyi à wa icei idoi Zuudɛ̃ɛ

²³ Bubui dimii Manasee ŋa à buba si ilɛui hai Basãa ku bɔ Baali-Hɛɛmɔɔ do Senii hee ku baa si iri kutai Hɛɛmɔɔ. Inɛ ŋau à kpɔ.

²⁴ Irii inɛ ngboi kpasɛ̃ nŋa ŋa wee. Efɛɛ do Yisei do Eliɛli do Aziriɛli do Zeremi do Hodavia do Yadiɛli. Aŋai à jɛ kaasãanɛ ŋa iyi à nya iri.

^25-26 Amma dimii Rubɛ̃ɛ ŋa do ti Gadi ŋa do bubui dimii Manasee ŋa à na à raraa Aɔ̃ Lafɛ̃ɛi bala nŋa ŋau. À koo à waa tɔɔ iwɛ̃i inɛi ilɛ ŋa iyi Ilaaɔ̃ í ce nfe nŋa si waju nŋau. Ŋɔi Aɔ̃ Lafɛ̃ɛi inɛi Izirɛli ŋau í tale si Pulu ilaalui Asiri waatɔ Tigilati-Pilenezɛɛ koo jɛ ŋa igũ. Nɔ í mu ŋa aru í nɛò ŋa Hala do Habɔɔ do Hara do hee si itĩ idoi Gozãa. Bɛi à wa hee ku baa nnyi.

Tɔkui Levii ŋa

²⁷ Amai Levii ŋai Gɛɛsɔ̃ɔ do Kehati do Merari.

²⁸ Amai Kehati ŋai Amuramu do Yisehaa do Eborɔ̃ɔ do Uziɛli.

²⁹ Amai Amuramu ŋai Arɔ̃ɔ do Moizi do Mariama. Amai Arɔ̃ɔ ŋai Nadabu do Abihu do Eleazaa do Itamaa.

³⁰ Eleazaai í bí Fineɛzi. Fineɛzi mɔ í bí Abisua.

³¹ Abisua mɔ í bí Buki. Buki mɔ í bí Uzi.

³² Uzi mɔ í bí Zeraya. Zeraya mɔ í bí Merayɔti.

³³ Merayɔti mɔ í bí Amaria. Amaria mɔ í bí Ahitubu.

³⁴ Ahitubu mɔ í bí Sadɔku. Sadɔku mɔ í bí Ahimati.

³⁵ Ahimati mɔ í bí Azaria. Azaria mɔ í bí Yohanaa.

³⁶ Yohanaa mɔ í bí Azaria. Azariaui í jɛ woo wee si kpasɛ̃i Ilaaɔ̃ iyi Salomɔɔ í ma ilui Zeruzalɛmu.

³⁷ Azaria mɔ í bí Amaria. Amaria mɔ í bí Ahitubu.

³⁸ Ahitubu mɔ í bí Sadɔku. Sadɔku mɔ í bí Salumu.

³⁹ Salumu mɔ í bí Hilikiya. Hilikiya mɔ í bí Azaria.

⁴⁰ Azaria mɔ í bí Seraya. Seraya mɔ í bí Yehosadaki.

⁴¹ Waati iyi Aɔ̃ Lafɛ̃ɛ í jɔ̀ Nebukanɛsaa í mu inɛi Zudaa do Zeruzalɛmu ŋau aru í nɛò ŋa, do Yehosadakiui ajɔ.