Bomma 1, 4 - Bibeli do fee

Tɔku mmu ŋa iyi Zudaa í nɛ

¹ Tɔkui Zudaa ŋai Perɛsi do Hɛsirɔ̃ɔ do Kaami do Uu do Sobali.

² Reaya amai Sobalii í bí Yahati. Yahati mɔi í bí Ahumai do Lahadi. Aŋai à jɛ inɛi Soreati ŋa.

³ Tɔkui baai Etamu ŋa wee. Yizireɛli do Yisima do Yidibasi. Irii wecĩ nŋai Haselɛliponi.

⁴ Penuɛlii í jɛ baai Gedɔɔ, nɔ Ezɛɛ í jɛ baai Husa. Inɛ bɛ ŋai à jɛ amai Uu yemmai Efarata iyi í jɛ baai Betelehɛmu.

⁵ Asuu iyi í cɛ̀ ilui Tekoa í so abo minji. Aŋai Helea do Naara.

⁶ Naarai í bíaa Ahuzamu do Efɛɛ do Temɛni do Ahasitari. Inɛ bɛ ŋai à jɛ amai Naara ŋa.

⁷ Amai Helea ŋai Serɛti do Sohaa do Etinaa.

⁸ Kosii í bí Anubu do Hasobeba do nyaanzei Ahareli amai Harumu ŋa.

⁹ Yabɛsi í nɛ bɛɛrɛ í re ifɔɛ ŋa. Nɔ iyeɛ í sɔɔ Yabɛsii si na iyi í jɔ̀ í ni, ǹ búui do ara kuro.

¹⁰ Yabɛsi í ce kutɔɔ í ni, Ilaaɔ̃ Lafɛ̃ɛi inɛi Izirɛli ŋa, jɔ̀ kuweeɛ ku maa wɛɛ do amu. Jɔ̀ ilɛm ku la ku kɔ̃ɔsi. Bii sim awɔɛ i maa degbem, nɔ i jɔ̀ ijuukpã do wahala ku jĩim. Nɔ Ilaaɔ̃ í ceaa amuai mii iyi í tɔɔ.

¹¹ Kelubu igbãi Suhai í bí Mehii nɔ Mehii mɔi í bí Esitɔ̃ɔ.

¹² Esitɔ̃ɔi í bí Rafa do Pasea do Tɛhina. Tɛhinai í jɛ inɛ sinte iyi í buba Nahasi. Inɛ ŋau bɛ, inɛi ilui Rekaa ŋai.

¹³ Amai Kenazi ŋai Otiniɛli do Seraya. Amai Otiniɛlii Hatati do Meonotai.

¹⁴ Meonotai mɔi í bí Ofara. Serayai í bí Zoabu balai woo ce icɛi awɔ ŋa iyi à wa si lɔɔma iyi à ya kpe lɔɔmai woo ce icɛi awɔ ŋa.

¹⁵ Amu ŋa iyi Kalɛbu amai Yɛfune í bí wee. Iru do Ela do Naamu. Elai í jɛ baai Kenazi.

¹⁶ Amai Yehaleleɛli ŋai Zifu do Zifa do Tiria do Azareɛli.

^17-18 Amai Ɛsidarasi ŋai Yetɛɛ do Merɛdi do Efɛɛ do Yalɔ̃ɔ. Merɛdii í so Bitiya ama inaaboi Faraɔ̃ í ce abo. Nŋui í bíaa Mariama do Sammai do Yisiba iyi í cɛ̀ ilui Esitemɔa. Nɔ í nyi í nɛ abo mmu gɔ má iyi í jɛ inɛi dimii Zudaau. Nŋu mɔi í bíaa Yerɛdi do Ebɛɛ do Yekutiɛli. Yerɛdii í cɛ̀ ilui Gedɔɔ, Ebɛɛ mɔi í cɛ̀ ilui Soko, Yekutiɛli mɔi í cɛ̀ ilui Zanoa.

¹⁹ Hodiya í so wecĩi Nahamu í ce abo. Baai Keila inɛi Gaami do Esitemɔa inɛi Maakati ŋaui à jɛ tɔku nŋa ŋa.

²⁰ Amai Simɔɔ ŋai Amunɔɔ do Rina do Bɛni-Hanaa do Tilɔ̃ɔ. Amai Yisei ŋai Zohɛti do Bɛni-Zohɛti.

²¹ Amai Sela tɔkui Zudaa ŋaui Ɛɛ do Lada do nyaanzei kpasɛ̃ bi ku ce acɔ ku fɛɛ ŋau, si kpasɛ̃i Asibea. Ɛɛi í cɛ̀ ilui Leka, Lada mɔi í cɛ̀ ilui Maresa.

²² Selai í jɛ balai Yokimu, do inɛi Kozeba ŋa, do Zoasi do Sarafu. Aŋai à na à jɛ ilaalui Moabu do Yasubi-Lehɛmu ŋa. Iyi ihɛ̃ í cei hai tako.

²³ Tɔku nŋa ŋai à jɛ woo ce caka ŋa. Netaimu do Gederai à wa, nɔ à ya maa cea ilaalu icɛ.

Tɔkui Simeɔ̃ ŋa

²⁴ Amai Simeɔ̃ ŋai Nemuɛli do Yamɛɛ do Yaribu do Zera do Saulu.

²⁵ Saului í bí Salumu, Salumu mɔ í bí Mibusamu, Mibusamu mɔ í bí Misema,

²⁶ Misema mɔ í bí Hamuɛli, Hamuɛli mɔ í bí Zakuu, Zakuu mɔ í bí Simei.

²⁷ Simei í ba ama inɛmɔkɔ maatũ do akã do ama inaabo mɛɛfa. Amma inɛi dimii Simeɔ̃ ŋa iyi à gbe a kù bí ama ku kpɔ. Na ŋɔi í jɔ̀ akpɔi kpasɛ̃ nŋau fei kù to ti inɛi Zudaa ŋa.

²⁸ Ilu bii à wa ŋai Bɛɛseba do Molada do Hasaa-Suali,

²⁹ do Bila do Esɛmu do Toladi,

³⁰ do Betuɛli do Ɔɔma do Sikilagi,

³¹ do Bɛti-Maakabɔti do Hasaa-Susimu do Bɛti-Birei do Saaraimu. Ilu nŋa ŋa mbɛ do ilɛɛko nŋa ŋa, hee í koo í toò si bomma ku jɛi Davidi.

³² Aŋai à nɛ ilu miiu ŋau ihɛ̃ má. Ilu ŋau wee. Etamu do Aini do Rimɔɔ do Tokɛ̃ɛ do Asãa,

³³ do ilɛɛko ŋa iyi à wa kɔkɔ nŋa ŋa fei hee ku bɔ Baali. Iyi bɛi í jɛ bi kuwa nŋa ŋa do tuubai nyaanze nŋa ŋa.

³⁴ Irii inɛ ŋa iyi à jɛ inɛ ngbo si dimii Simeɔ̃ ŋa wee. Mesobabu do Yamulɛki do Yosa amai Amasia

³⁵ do Zoɛli do Zehu amai Yosibia iyi í jɛ amai Serayau. Seraya mɔ amai Asiɛli.

³⁶ Inɛ ŋa iyi à wa si inɔi inɛ ngbo ŋau wee má. Elioenai do Yaakoba do Yesohaya do Asaya do Adiɛli do Yesimiɛli do Benaya,

³⁷ do Ziza amai Sifei, Sifei mɔ amai Alɔ̃ɔ, Alɔ̃ɔ mɔ amai Yedaya, Yedaya mɔ amai Simuri, Simuri mɔ amai Semaya.

³⁸ Inɛ ŋau bɛi à jɛ inɛ ngbo ŋa si nyaanze nŋa ŋa nɔ akpɔi kpasɛ̃ nŋa ŋa í kɔ̃ɔsi ntɔ ntɔ.

³⁹ À bɔi ikpa Gedɔɔ hee do nunui daakɔi lɔɔmau ku ba angudã nŋa ŋa do iwo nŋa ŋa a ba ijɛ.

⁴⁰ Bɛi à ya ba ijɛ iyi í ce jiida, nɔ ilɛu í cĩ, í nɛ laakai ku sũ nɔ bitandi kù wa bɛ. Inɛi Kamu ŋai à tako à wa bɛ wo.

⁴¹ Inɛ ŋa iyi à kpe iri nŋa ŋau bɛ à koo si inyau bɛi si waatii bomma ku jɛi Ezekiasi ilaalui Zudaa. Aŋai à kpa tɔkui Kamu ŋau nɔ à kɛkɛ ilei acɔ nŋa ŋa do bi ku manji nŋa ŋa, nɔ à gba ilɛ nŋau à buba si, domi tengi bɛ í nɛ ijɛi mɛɛmu ŋa.

⁴² Tɔkui Simeɔ̃ gɔ ŋa mɔ à bɔ iri kutai Seii, zakai aŋa cĩɔ miiu. Amai Yisei ŋai à jɛ inɛ ngbo nŋa ŋa. Iri nŋa ŋa wee. Pelatia do Nearia do Refaya do Uziɛli.

⁴³ Aŋai à kpa inɛi Amalɛki ŋa iyi à ba à sa hai si igũu. Nɔ à buba bɛ hee ku baa nnyi.