Bomma 1, 25 - Bibeli do fee

Igbɛi woo kɔ̃ iri ŋa

¹ Ŋɔi Davidi do inɛ ngboi inɛi Leviii ŋau à cica amai Azafu ŋa do ti Hemaa ŋa do ti Yedutunu ŋa ikã a ya maa kɔ̃ iri a maa ceò walii do mɔɔlɔ do kundigi do sɛmbali ŋa. Irii inɛ ŋa iyi à nɛ icɛu bɛ ku ce wee.

² Si amai Azafu ŋau, Zakuu í wa si do Zozɛfu do Netania do Asareela. Baa nŋa Azafui í ya maa cua nŋa si walii ku ce si bɛi ilaaluu í jilɛ nŋa.

³ Amai Yedutunu ŋau aŋa mɛɛfai. Gedalia do Seri do Ezai do Simei do Hasabia do Matitia. Baa nŋa Yedutunui í jɛ woo cua nŋa si walii ku ce ku maa cãò mɔɔlɔ ku maa cĩ Aɔ̃ Lafɛ̃ɛ ku maa saabuɛò.

⁴ Amai Hemaa ŋa wee. Bukiya í wa si do Matania do Uziɛli do Sebuɛli do Yerimɔti do Hanania do Hanani do Eliata do Gidaluti do Romameti-Ezɛɛ do Yosebekasa do Maloti do Hotii do Mahaziɔti.

⁵ Aŋau bɛ fei, amai Hemaa ŋai. Hemaaui í jɛ woo yɛi ilaaluu. Nŋui í ya maa sɔ̃ɔ ide ŋa iyi Ilaaɔ̃ wa fɔ nɔ ku maa sìsì gbugbãɛ hee lele. Ilaaɔ̃ í mua Hemaa ama inɛmɔkɔ maatɛ̃ɛ do inaabo mɛɛta.

⁶ Inɛ ŋau bɛ fei à ya maa kɔ̃ irii si kpasɛ̃i Aɔ̃ Lafɛ̃ɛ do sɛmbali ŋa do kundigi ŋa do mɔɔlɔ ŋa, nɔ baa nŋa ŋai à jɛ woo cua nŋa. Aŋai à ya maa cea ilaaluu icɛ, nɔ Azafu do Yedutunu do Hemaa ŋai à jɛ inɛ ngbo nŋa.

⁷ Woo mà iri ku kɔ̃ ŋau bɛ fei do inɛi igbɛ nŋa ŋa iyi à kɔ ŋa si í ce ncɛɛ a maa saabuò Aɔ̃ Lafɛ̃ɛu, à wɛɛi aŋa cĩɔ minji do cinɛ do mɛɛjɔ (288).

⁸ À ta nŋa kpasai ku ba inɛ fei ku mà iyi á jɛ icɛɛ. Hai awaasũ ŋa do mɔkɔ ngbo ŋa, hai inɛ ŋa iyi à màa do inɛ ŋa iyi à waa kɔkɔ fei, a kù nya sàsai inɛ gɔ.

⁹ Inɛ ngbo ŋa iyi kpasau í so si igbɛ ŋau wee. Sinte Zozɛfu amai Azafui. Minjisia, Gedalia do ifɔɛ ŋa do amaɛ ŋa, aŋa maateeji.

¹⁰ Mɛɛtasia, Zakuu do amaɛ ŋa do ifɔɛ ŋa, aŋa maateeji.

¹¹ Mɛɛsia, Seri do amaɛ ŋa do ifɔɛ ŋa, aŋa maateeji.

¹² Miiusia, Netania do ifɔɛ ŋa do amaɛ ŋa, aŋa maateeji.

¹³ Mɛɛfasia, Bukiya do amaɛ ŋa do ifɔɛ ŋa, aŋa maateeji.

¹⁴ Mɛɛjesiaɛ, Yesareela do amaɛ ŋa do ifɔɛ ŋa, aŋa maateeji.

¹⁵ Mɛɛjɔsiaɛ, Ezai do amaɛ ŋa do ifɔɛ ŋa, aŋa maateeji.

¹⁶ Mɛɛsãsiaɛ, Matania do amaɛ ŋa do ifɔɛ ŋa, aŋa maateeji.

¹⁷ Mɛɛwasiaɛ, Simei do amaɛ ŋa do ifɔɛ ŋa, aŋa maateeji.

¹⁸ Maatakãsiaɛ, Azareɛli do amaɛ ŋa do ifɔɛ ŋa, aŋa maateeji.

¹⁹ Maateejisiaɛ, Hasabia do amaɛ ŋa do ifɔɛ ŋa, aŋa maateeji.

²⁰ Maatɛtasiaɛ, Subaɛli do amaɛ ŋa do ifɔɛ ŋa, aŋa maateeji.

²¹ Maatɛ̃ɛsiaɛ, Matitia do amaɛ ŋa do ifɔɛ ŋa, aŋa maateeji.

²² Maatũsiaɛ, Yeremɔti do amaɛ ŋa do ifɔɛ ŋa, aŋa maateeji.

²³ Mɛɛwa do mɛɛfasiaɛ, Hanania do amaɛ ŋa do ifɔɛ ŋa, aŋa maateeji.

²⁴ Mɛɛwa do mɛɛjesiaɛ, Yosebekasa do amaɛ ŋa do ifɔɛ ŋa, aŋa maateeji.

²⁵ Mɛɛwa do mɛɛjɔsiaɛ, Hanani do amaɛ ŋa do ifɔɛ ŋa, aŋa maateeji.

²⁶ Mɛɛwa do mɛɛsãsiaɛ, Maloti do amaɛ ŋa do ifɔɛ ŋa, aŋa maateeji.

²⁷ Kɔnfiasiaɛ Eliata do amaɛ ŋa do ifɔɛ ŋa, aŋa maateeji.

²⁸ Kɔnfia do akãsiaɛ, Hotii do amaɛ ŋa do ifɔɛ ŋa, aŋa maateeji.

²⁹ Kɔnfia do minjisiaɛ, Gidaluti do amaɛ ŋa do ifɔɛ ŋa, aŋa maateeji.

³⁰ Kɔnfia do mɛɛtasiaɛ, Mahaziɔti do amaɛ ŋa do ifɔɛ ŋa, aŋa maateeji.

³¹ Kɔnfia do mɛɛsiaɛ, Romameti-Ezɛɛ do amaɛ ŋa do ifɔɛ ŋa, aŋa maateeji.