Yesaya 52 - Ma Jou ai Demo-demo o Totobelohoka

52:13-15 ko atailakouahi Ahao Ma Jou ai Huhuloko duru iwigorakiye

¹³ De Ma Jou o Yawe wahingahu ai nyawaika wato, “Abeika ahi Huhuloko Una ahao ai tagongoka wao itiai hiadono wolaku, de gea Una ahao duru iwigorakiye de iwihigiriiri Unangika!

¹⁴ De igoungu abe o nyawa yowoe-woe duru yatodokana ma oraha iwimake angamoi duru iwitidingi de iwipoha ma ngoe hiadono ai rupa hoka iwihiramoho de ai awunu, de ngade-ngade ko ihiorikokaua ai rupa o nyawa.

¹⁵ De naga ma oraha ahao iboa abe ma moioli Una wahitodokana o nyawaika. De gea o dunia ma nyawa de o kokoano ma ngoeika duru wahitodokana ma titi ai gogere ma gogurutiye. De o kokoano gea ko kia-kiaua yotemo ai himangoka. Angamoi gea de ahao ona yamake de yataoko to Una ai hininga ma dumutu abe ma dodihirainohi de ko ma moiuahi yoihene. Ho ma dihiraino ona duru ko ihiorikuahi ai hininga, masara gea de ahao ka idadi yataoko itiai.” Hokogea Ma Jou ai hingahu ma titi ai Huhuloko.