Sosawaro 31 - Ma Jou ai Demo-demo o Totobelohoka

31:10-15,25-31 ko atailakouahi

¹⁰ Duru ko igapangua la o nauru womamake ngoi fekata abe ami hininga ma rahai de nagali de ami sosawaroka. Ho o ngofeka abe hokogea ami hininga, ngaro de o hakaru ileto-letongo masara ka munangohi duru de ami utumoka!

¹¹ De to muna gea ami rokata ka idadi duru womingaku munangika, de to una ai tauoka ko iwa manga kuranga.

¹² Muna gea ka ihikaika mohiboa ma hiowa dika ami rokatika, ho duru ko ma iwa abe ma dorou mohiboaino.

¹³ De muna mosawaro momangiriki o [bamboo] de maewana [?], de mosanangi dika mohidumo la mahidailako to ona manga perelu ami tauoka gea.

¹⁴ Muna de ami magaweoka momaino-inomo dina ma gurutiha, ho ka idadi hotemo hato muna momaketero hoka o kapa moi abe ihiboa o inomo ma gurutoka de aino.

¹⁵ Ngaro o wange ko ipotokauahi masara muna momomikoka la manga inomo mahidiai abe ami tauoka. De ipahaino de matobahiaturu to onangoo manga karajaanga abe o ngo-ngofeka imitobaduhunu ami tauoka.

²⁵ De muna duru ko morehenua ami hininga ma totiaioka de aino, abe ko idadiua molage. Ho o nyawa mata-mata manga horomati itagi munangika. Muna gea duru ko mopusingua abe ma oraha mafikiri ami himangika sarakia.

²⁶ Ami uruoka de aino o sosawaro ma demo dika motemo, de ngaro ma oraha abe madotoko o nyawaika, masara ami demo ka ibole-bole dika.

²⁷ Duru ko iwa ami debeturu, ho muna ka ihikaika molegaika ma hiaturu mata-mata ami tau ma goronaka.

²⁸ Ami ngofa-ngofaka mata-mata imikokimorene manga memeika gea, de ngaro ami rokatoo ma womihigiriiri dika munangika.

²⁹ Abe ami rokata ai higiriiri ma demo munangika wato, “Naga o ngo-ngofeka manga ngoe abe onangoo manga hininga ma rahai, masara ngona naa natilakuroka ona mata-mataika!”

³⁰ O ngo-ngofeka utu manga badanga ma rupa duru irahai, masara manga rorahai gea ko hiado-adonikaua ho ahao ihihanga. De ona utu manga hininga ko irahaiua de ona ato inabudi-budi dika. Masara o ngo-ngofeka abe manga hiningaka de iwihoromati Ma Jou o Yaweika, onangika gea itaana abe o nyawa yahigiriiri.

³¹ Ho koaho o ngo-ngofeka hokogea yamake manga utumu ma hibalaha abe imakiniiki de manga datoro ma rorahai gea, de duru itaana abe yamake o horomati o nyawa manga ngoe manga hima-himangoka!