Sosawaro 27 - Ma Jou ai Demo-demo o Totobelohoka

27:6,17,19 ko atailakouahi

⁶ Nako hiadono ani dodiawo inidotoko moi hiadono inihiodiri, gea manga hininga ma doraka de aino yodiai. Masara nako hiadono ani musu inibounu ngonaika, gea nomahidodiai done inibudioka!

¹⁷ Ngone ka idadi hapake o behi (ma dobiki) moi la o behi moioli hogihoro. De hokogenangoo o nyawa manga borihininga ma lako utuohi idoto nako yomakodotoko.

¹⁹ Nako o nyawa yomalega o akeruku, gea ka idadi yamake manga gurumini. De hokogenangoo nako homalega o nyawa manga wowango ma datorika, gea ka idadi hamake manga hininga sarakia.