Sosawaro 21 - Ma Jou ai Demo-demo o Totobelohoka

21:1-3,17 ko atailakouahi

¹ Ma koano ai hininga tanu imanoa Ma Jou o Yawe ai giama ma hoatoka, abe gea imaketero hoka Ma Jou wahidumutu o akere ma dodagi la ma dumutu imakiniiki de to Una ai hininga, hokogenangoo Una wahihira-hira ma koano ai hininga la ufa irehene Ma Jou ai hiningaka de aino.

² De ngone o nyawa ka ihikaika homaetongo hato nanga datoro duru itaana, masara gea tanu Ma Jou o Yawe dika abe ka idadi wonatailako nanga hininga ma dumutu mata-mataika.

³ Nako hohidotelega o huhuba de o totiai ma datoro, ka o kiahi duru iwihisanangi nanga Jou o Yaweiye? De gea kiani o totiai ma datoro abe nanga hininga ma rorahaioka de aino hodiai, angamoi ngaro de o huhuba masara ka enangohi duru iwihisanangi Unangika!

¹⁷ Onagona dika abe manga hiningaka la duru yomahisosanangi dika, ona gea ahao yodadi o huha ma nyawa. Ho ona abe ka ihikaika yomaijaino o angguru ma teongo de o minya ma hali-hali, ma titi gea hiadono ona ko idadiua yodadi de manga tiwioka.