Sosawaro 19 - Ma Jou ai Demo-demo o Totobelohoka

19:2,14,17 ko atailakouahi

² Ngone o nyawa nako naga de nanga magaweoka masara ko hafikirikauahi nanga dumutika, gea duru homahikangela dika. Abe nako homataitiholi hoaguru, gea marai nanga ngiriki ko itaanua.

¹⁴ Nako nanga tau de nanga kiahonanga, gea ka idadi hamake nanga dimonino abe idadi manga oara ngoneino. Masara nako nanga fekata abe duru mososawaro, gea kiani Ma Jou o Yaweoka dika abe ka idadi wonahidoaka ngoneino.

¹⁷ O nyawa onagona dika abe yahidoa-doaka o huha ma nyawaika, gea imakadaene dika hoka iwihibau ai kiahonanga Ma Jou o Yaweika, angamoi Una gea ahao wahibalaha de ma rorahai ona yahidoa-doakika.