Sosawaro 17 - Ma Jou ai Demo-demo o Totobelohoka

17:10,14,17,22,27-28 ko atailakouahi O dodaere itiai de ma hasiloka

¹⁰ Nako ma titi o toduba hodiai o nyawaika abe yanii-niiki o sosawaro ma gou-goungu, ona gea ma moi dika hataere de naga ma hasili ma rorahai manga wowangoka. Ma nako o bodo ma nyawaika o toduba ma dadaere hodiai, gea ko hamakeua ma hasili enangino. De ngaro de o boboha hapoha hiadono o ratuhu moiino masara manga wowangoka ko hamakeua ma hasili ma bobohaino gea.

¹⁴ Nako hiadono ngone de nanga dodiawo homaketeliliaroka, gea duru ihuha hohipidili genangino. Angamoi gea imaketero hoka o boto moi ipidahoka, abe duru ko igapangua itogumu ihahuruku. Ho koaho ma liliara gea ko idadiuahi de ngone homahitiari de homatongohono nanga uru ma demoino la ufa hiadono imulaenge / idadi.

¹⁷ Nanga olo ka ihikaika manga dora itagi ngoneino, de nanga gogianongoru yomahidiaioka la inaduhunu nanga kangela ma goronaka.

²² Nako homorene doka nanga hiningaka, gea imaketero hoka o houru ma doto abe duru inaduhunu. Masara nako ka ihikaika nanga hininga ma dubuho naga, gea ahao nanga magawe ihihanga de nanga badangoo ilamaanoka.

²⁷ O nyawa abe duru yososawaro, ona gea manga demo ko iwoe-woeua. De onagona dika abe ka idadi yomatongohono, gea ma dodunguu abe manga hininga ma lako duru idoto.

²⁸ Ho abeika ngaro o bodo ma nyawa masara nako ka yomarii-riidoka dika, marai o nyawa utu ka idadi yataoko ato bote ona de manga sosawaroka!