Sosawaro 15 - Ma Jou ai Demo-demo o Totobelohoka15:1,3,16,17,22,29 ko atailakouahi 1 Nako idadi abe o nyawa inangamo ngoneino, ahao ma titi nanga babaluhu ma bole-boleino de ka idadi manga hininga imaata. Masara nako hapaluhu de nanga demo ma hauku, utuohi manga ngamo ihidafaeiye! 3 Ma Jou o Yawe ai lako idamaana o kiaika dika, ho ngaro o dorou ma nyawa de ngaro ona yotobadiai ma rorahai, masara Una ka ihikaika wonalegauku ngone mata-matauku. 16 Nako nanga kaya duru iwoe masara nanga hininga aomanga de o huha dika, gea duru hokangela. Ho koaho nanga kiahonanga ma hohutulu dika, abe iti nanga horomati itagi Ma Jou o Yaweika. 17 De ngaro o mejaka de naga o aewani ma roehe de ma haki duru ilamoko, masara nako o dohata ilaku ma tauoka, gea duru hokangela. Ho koaho nanga inomo ka o hiode dika, abe iti ka idadi homakodora o tau ma goronaka. 22 Nako nanga dodiawo manga hininga ma higaro ko halegaikaua / haetongua, ahao nanga hidee ko idadiuali. Masara iti nanga dodiawo yowoe de manga higaro homahiuku-ukurika, gea ahao nanga hidee de ma hasiloka. 29 Ma Jou o Yawe de o dorou ma nyawa yomakitingaka kohagurutika, masara abe o totiai ma nyawa, to ona manga niniata ma demo de Una wahigihene enangika. |
Gereja Firman Allah, Yayasan Misi Masyarakat di Pedalaman
New Tribes Mission