Sosawaro 11 - Ma Jou ai Demo-demo o Totobelohoka

11:10-11, 24-26 ko atailakouahi O totiai ma nyawa de o dorou ma nyawa manga hofoko hahikohowono

¹⁰ Nako o kota moi ma goronaka de o totiai ma nyawa yomamake manga hofoko de manga utumu ma rorahai, gea ahao o nyawa mata-mata ma kotaka de duru yomorene dika. De nako o dorou ma nyawa genangoka yohonenge, ahao o nyawa mata-mata duru yogarago.

¹¹ Angamoi o totiai ma nyawa manga rorahaiino de yahiutumu ona mata-mata o kota ma amokika, masara ma titi o dorou ma nyawa manga uru ma demoino hiadono manga kota yahikapusaka.

O nyawa abe manga hininga la yahidoaka utuika

²⁴ Abeika, naga o nyawa womatengo ai hiningaka de wosanangi dika wahidoaka utuika, de gea ahao ai tiwi ka idogo. Masara womatengoli naga abe womatumunguholi ho ko wahidoakua, de una gea ma bahaika de o huha ma nyawa wodadioka.

²⁵ Ho ona abe yatobahidoaka utuika ahao manga kaya ka idogoka, de ona abe yahidailako utuika de o akere, ahao ona ma hirete manga ngomaha ko yodudungua.

²⁶ De nako o hafini ma goronaka de o nyawa ka yoluku yofukunu manga pine ma hasili utuika, gea ahao manga dodiawo duru yagurubungu onangika. Masara ona abe yosanangi yofukunu dika manga boloiino, o nyawa ahao yasanangi de yahigiriiri onangika gea.