Biblia Todo Logo
Bìoball air-loidhne

- Sanasan -

Huhupu 39 - Ma Jou ai Demo-demo o Totobelohoka


Ma Jou ai Tau o Ngoerino yabooto yodiai

1 De ma bahaika o Besalee de o Holiaba yadiai o hohidemo manga pakeanga abe o Harunu ai ngofa-ngofaka ahao yapake de manga pakeanga iwidingakoka Ma Jouika. De duru ma hohailoa yodumo de yapake o lawe ma bihi-bihi ma dutu, de ma wuu-wuu, de ma doka-dokara. Abe kiani o pakeanga gea o hohidemo ma nyawa yomahinoauku abe ma oraha ona iwileleani Ma Jou ai Tau o Ngoerino ma goronaka gea. De manga pakeanga mata-mata gea duru yaniiki itiai Ma Jou ai hiaturu abe wihingahu o Musaika.

42 De adonoka ma oraha yabooto Ma Jou ai Tau o Ngoerino de to ena ma kiahonanga mata-mata. De o hohidemo manga pakeanga gea enangoo yabooto abe kiani yomahinoauku ma oraha yahihuba o nyawa manga huhuba de yahidemo Ma Jouika abe hokogea iwileleani Ma Jou. De mata-mata yodiai yaniiki Ma Jou o Yawe ai mau abe wihuloko o Musaika.

43 De ahao o Musa watailako manga karajaanga mata-mata gea de duru itaana yodiai itiai abe duru ona yomahidodiai yokarajaanga yaniiki Ma Jou ai behehongo abe wihingahu o Musaika. Ho ka de watailako ibooto de o Musa duru wosanangi hiadono wahikokiowa onangika abe yokokarajaanga.

Gereja Firman Allah, Yayasan Misi Masyarakat di Pedalaman

New Tribes Mission
Lean sinn:



Sanasan