Higiriiri 89 - Ma Jou ai Demo-demo o Totobelohoka

89:6-8 ko atailakouahi Done onagona yomatoteroino de Ma Jou o Yawe?

⁶ De ngohi tomangaku Ma Jou o Yaweika tato, “Abeika ona mata-mata o Horogaka inihigiriiri Ngonaika ma titi ani heheranga ma datoro, de ngaro ona o jou-jou abe yomatoomuino Ngonaka, masara onangoo inihigiriiri angamoi Ngona natobagou-goungu mata-mataika.

⁷ De manga higiriiri gea duru itaana, angamoi done onagonali o Horogaka yomatoteroino de Ma Jou o Yawe? Abe ngaro naga o jou-jou manga rupa hatoli imakiniiki de Una, masara duru ko iwa abe hoimoi de nanga Jou o Yawe.

⁸ Angamoi o jou mata-mata abe yomatoomuino o Horogaka, ona duru iwihoromati ka Ma Jouika dika, de nanga Jou Una gea ai bobuturungu de ai kuaha duru atilakuru ona mata-mata manga kuaha abe iwihigororomino.”