Higiriiri 68 - Ma Jou ai Demo-demo o Totobelohoka

Abe ma titi Ma Jou duru wolaku-laku ho wahikala ai musu mata-mataika

¹⁷ Ma Jou ai goroba abe ma rupa o goroba parangi naga isana abe isana, Ko idadiua haetongo ai momalaekata o dihangoka ai gogorobaka gea, De angamoi kohangoe ona Ma Jou ai gogorobaka iwihigilolitino, Ho abe ma oraha o Sinai ma loku wanoa de wogoraka dakuiye, Wowohama ai ngi duru kohamedebinika abe Una womadingakoka.

¹⁸ De Ngona Ma Jou nolaku-laku nahikalaka ani musuika, De ma oraha Ngona nolioiye ani ngi abe ikokurutiyeoka, De ani musu ko manga ngoe nao abe Ngona nomahitongonaka, Ngaro ona utu duru inilawana masara naa yomanoa Ngonaka, De genangoka nahidoaka ma owa to Ngona ani nyawaika. Hokogea mia Baluhu Ma Jou o Yawe midadi ani lolaku ma hasili, La ka idadi Ngona nogogere to ngomi mia hidogoronaka.