Higiriiri 27 - Ma Jou ai Demo-demo o Totobelohoka

O Dautu duru wohioriki Ma Jou wigihene ma oraha womagahoko o duduhunu Ma Jou o Yaweino

¹¹ Naa ngohi toboa Ngonaino Ma Jou o Yawe, Tomagahoko la nohidotoko ahi wowangoka, Nohidotoko la ahi datoro duru itiai ani himangoka. Nohihihira-hira ahi ngekomika la duru itiaiika, De angamoi naga to ngohi ahi musu ona ihigoana, La ona yoigo toruba o howonika manga himangoka.

¹² Ho ngohi tomagahoko la ufa nohihidoaka manga giamika. Abe ona ihitae ato ngohi todiai duru itorou, Masara ona yoeluku dika, ena gea ko todiaiua, Ona yoeluku angamoi ka ihikaika duru yoigo ihihibinaaha. Hokogea ka ihikaika manga mau ngohino.

¹³ Masara ngohi ka ihikaika tomahinganono Ngonaika, De naa moi ngohi duru tongano-nganono, Ngohi ahao tamake ma owa Ngonaino, Ma Jou o Yawe. Ani dora ma hiokoo ka ihikaika duru ko itoakua ngohino, Ho duru tongano-nganono ani owa nohihimatoko ngohino.