Higiriiri 24 - Ma Jou ai Demo-demo o Totobelohoka

24:1-6 ko atailakouahi Onagona ka idadi yoboa Ma Jou o Yawe ai himangino?

¹ O dunia naa de ma dola mata-mata, gea ma dutu Ma Jou o Yawe dika. De ai dulaada ka ma moi de ngone o nyawa mata-mata abe homanoa naanguku, duru mata-mataika idadioka to Una dika ai kuahaka.

² Abe Una gea wohidadi la ai dulaada imaparakuku / wohigoko dau ma gahi ma dowongiuku, la to ena ma dengeoti duru dau o akere ma timiuku.

³ De naa tonaleha, ka onagona naga abe Una o Yawe wasanangi de wahigunoa la hiadono ona yodoa to Una ai lokuiye? Abe onagona ka yakunu yodoa to Una ai Tauiye la yomahuba-huba Unangika?

⁴ De gea ka ona dika abe manga datorino de ko yahowonua, ona abe manga hininga ka itebi-tebini dika, ho ona ko yomahinganonua o popangaoika, de ko yoelu-elukua.

⁵ Ho ona abe manga wowango itotiai hokogea ahao yamake manga utumu ma owa o Yaweoka de aino, abe ona waduhunu de wahitotiai to Una ai himangoka.

⁶ Ho igoungu o nyawa abe manga hininga hokogea, ona gea dika abe ka idadi yoboa Ngona Ma Jou o Yawe ani himangino, la yomahuba-huba Ngonaika abe nodadi ngone o Yakubu ai totoforauku nanga Jou!