METIU 22 - ANU LUGOD N. T. (BSI)

Midang Donam Tv:namlok Kvkan Do:ying

¹ Lckoda Jisubv bulum kvkanbinam do:yingki agomcm lubito, scmpc lula.

² “Taycng amo:tok migom dungko mo:pvdcm migom akonc bvk awodok mida:lok donam tv:namko binamkokki luyv:sukandag.

³ Odokkc bvk mida:do:pc gognam tani:kvdv:dcm gogdopc bvk ager gerya:nckvdv:dcm mclvgto; ckvdaggom bulu gvtomang.

⁴ Lckoda bv ake ager gerya:nckvdv:dcm mclvgto, scmpc lula, ‘Sc:kobulum goglvgtonc bulum lubilang, ka:toka, ngo ngok dorung donam tv:namdcm yvlet-robledtagbong, ngok bondainam so:bom odokkc ngok jv:putpudlatnc simvnkvdv:dcm ba:tung, odokkc appvngc aiyamka:bong; kajc midang do:nam tv:nampc gvtobong.’

⁵ Ckvdaggom bulu cdcm mc:yamc:sato odokkc gvpakkang, akonc bvk arvgpc, akondc bvk beparro:pc,

⁶ Odokkc akedc bvk ager gerya:nc kvdv:dcm sogapge:la, bulu aisi:ma:pc ito odokkc bulum mokkeamto.

⁷ Migomdc aglvng sangkang, odokkc bvk mimagmonc kvdv:dcm mclvgto odokkc cdc tani:mokenckvdv:dcm mokemoiyamto odokkc buluk nogordcm rompakbito.

⁸ Odo bvk ager gernckvdv:dcm luto. ‘Midangc lenka:bong, ckvdaggom goglvgnam tani:kvdv:dc gvp arc kannci ncmangai.

⁹ Gvkang cdcmpidag migom lambv:dok odokkc cddvkoi pa:dang odokkvddvkoi midang donamtv:namso:pc gogta:ka.’

¹⁰ Odokkc cdc ager gerya:nckvdv:dc nogordok lambv:do:pc gvlento odokkc bvk pa:nam appv:dcm gokkumsuto, aima:ncmlang aincm anyipagcm; cdcmpila cdc midang okumdc mibbo bingkang.

¹¹ “Ckvdaggom migomdc cdvlo mibokvdv:dcm kangkapc gva:tonc, bv odo mida:lok attar gcma:nc tani: ako ka:begto;

¹² odokkc bv bvm luto, ‘Ajona, kapc no so:pc gva:ton midang attarcm gcma:pc?’ Odo bv agomc lentomang.

¹³ Odo migomdc mibo bonc tani: kvdv:dcm luto, ‘Bvm alc alagdcm yc:tok, odokkc clc morongkc kcmmolo crrennvgta:ka; olo tani:kvdv:dc kaptaksuyc odokkc a:yckvdv:dcm dokcrcbamsuycpc.’

¹⁴ “Kapila:nc bojcrungko goglvgtag, ckvdaggom asudongko balentag.”

Migomcm Dorpcnam Murkong Agom Tawunam

¹⁵ Odo Parisi:kvdv:dc gvlentoku odokkc kapc Bvm luka:mvnsudodcm kapc lukeleppcikc cmna ru:suto.

¹⁶ Odokkc buluk agom tadjvgla gvmvnnc tani:kvdv:dc Bvkkolo:pc mclvgto, Herodkc tani:kvdv:dok lcdulo, scmpc lula, “Luyirna, ngolu kindag no arro, odokkc Ru:ncpvnckc lambcdcm arokopcrung luyirdag, odokkc oko tani:ycmsin sc:komsin pcsomang; kapila:nc no tani:lok adji:bottcm Ka:mang.

¹⁷ Ngolum lutei; cmpcmvlo, no okkomna mc:dagnc. Kaesarmc murkong binamdc lujvglurodok agom jvgnamdcmpc idagnci, cdcmpcmanggom ima:nci?”

¹⁸ Ckvdaggom Jisubv, buluk ka:lv:ma:la lunamdcm kinsula, luto, “Kapila:nu ngom luka:la kangkvdang, nolu agom lc:sil lunc kumnckvdvngc?

¹⁹ Migom bipcnam murko:dcm ngom lcngkantei.” Odokkc bulu Bvm murkong anvr apirko boma:bito.

²⁰ Odokkc Jisubv bulum luto, “Sck dumsimigmo odokkc amincm arrvglvgnammcn sidc?”

²¹ Bulu luto, “Kaesarkc.” Odo Bv bulum lubito, “Cmpcmvlo Kaesarkc bipcnam attarkvdv:dcm Kaesarmc bitok, odokkc Ru:ncpvnckc bipcnam attarkvdv:dcm Ru:ncpvncmc bitok.”

²² Cdvlo bulu cdcm tattonc, bulu mcngapla:ma:pc ikang; odokkc bulu bvm mcpakto, odokkc gvpakkang.

Sikolokkc Turkunamlok Agom Taunam

²³ Odo longgv:do Saddusi:kvdv:dc Bvkkolo:pc gva:to, sc:kobulu sikolokkc turkunammc kamang cmna ludagji; odokkc bulu bvm taunam agomko tauto, scmpc lula.

²⁴ “Luyirna, Mose:bv ludagai, ‘Tani: akonc simvlo, ko:kang kama:pc bvk bvrodc tumbo nc:dcm la:pa:ycku.’

²⁵ Su:pak ngolukkc kvnvdko bvrrang dungai, bottarya:ncdc midang moto, odokkc sikang, odokkc ko:kang akosin kama:pc bvk bvrodokkcpc bvk nc:dcm mcpakbito.

²⁶ Cdcmv:pc odok lcdukcdcm odokkcsin akondcm, kvnvddo:pc.

²⁷ Odokkc appv:dok lcdudo, nc:dc sikang.

²⁸ Lckoda turdokudo, cmpcmvlo, cdc kvnvddok sck nc:pc bv iyckun? Kapila:nc bulu appv:dc bvm langka.”

²⁹ Ckvdaggom Jisubv lubito, “Nolu murdung, kapila:nc nolu Ru:ncpvnckc potindcm cdcmanggom tornamdcm kinmang.

³⁰ Kapila:nc turratdokudo bulu oko midangcmsin mo-ma:yckubong cdcmanggom midangcm langangkuma:yc, cdcmanggom taycng amo:tok Ru:ncpvnckc taycng among lutad lunc tani:ycmpc iycku.

³¹ Odokkc sinckvdv:dok turkunamdok agomcm, Ru:ncpvncbv okkom lutagan nolu poma:nci,

³² ‘Ngo Abrahamkc Ru:ncpvnnc, odokkc Isahakkc Ru:ncpvnnc, odokkc Jakobkc Ru:ncpvnnc?’ Bv sinckvdv:dok Ru:ncpvncmang, cmpige:la turnckvdv:dokkcmvn.”

³³ Odokkc yadkumsunc tani:kvdv:dc cdvlo cdcm tattoji, bulu Bvk luyirnamdcm tadla mcngapla:tomang.

Bottcru:pc Lulvgnam Agom

³⁴ Ckvdaggom Parisi:kvdv:dc tatto Saddusi: kvdv:dcmjc Bv aso:pc du:moto cmna, bulu lckopc gvkumsuto.

³⁵ Odokkc bulukkodok akonc, Ru:ncpvnckc lujvg-luro agomlok kinkurkinle:n akoncm Bvm taunam agomko tatto, Bvm anka:la kangkv:pc cmna.

³⁶ “Luyirna Ru:ncpvnckc lujvglurodok okkardc bottaya:ncn?”

³⁷ Odokkc Bv bulum lubito, “Nok Ru:tummc nok Ru:ncpvncdcm asin apv:dokki aipc mc:lang, odokkc nok appvng yalodokki, odokkc appvng mc:namsagnamki.

³⁸ Cdcna bottaru:nc odokkc luangpo:nam lujvglurodc.

³⁹ Odokkc akondc scmpc ludag, Nok kumrvko:rcm nok avyvngcmpc aipc mc:lang.

⁴⁰ Sc lujvgluroso Ru:nckc agom luno:nam appv:dc bvgabla dung.”

Messia:dok Agom Taunam

⁴¹ Cdcmpidodcm Parisi:kvdv:dc lckopc gvkumsunamc, Jisubv bulum tawunam agomko tatto, scmpc lula,

⁴² “Kristokc agomcm nolu okkomna mc:dang? Bv sck awon?” Bulu Bvm lubito, “Dawidkc awodc.”

⁴³ Bv bulum lubito, “Kapc cdcmpc ika:n Dawidbv:jc, Yalodokki tornamcm pa:la, Bvm Ru:tum cmna gogdag,

⁴⁴ ‘Ru:tumbv ngok Ru:tummc luto, Ngok lagbvkkc alagdo tettok, nok mirukvdv:dcm ngok alc kcvgso lc:ma:sisscm?’

⁴⁵ “Dawidbv jodi cdcmpc Bvm Ru:tum cmtomvlo, Bv kapc iycn Bvk awopc?”

⁴⁶ Odokkc Bvm sc:kosin agom apirkosin lulatsula:tomang, cdcmanggom odo longcdokkc Bvm atv taunam agom apirkosin taupc asinc pvta tomang.