MARKKC 1 - ANU LUGOD N. T. (BSI)

Jo:n Baptismo Binckc Lutad Lunam

¹ Ru:ncpvnckc Awo, Jisu Kristokc tadponc lutad lubirobnamdc scmpc.

² Isaia: agom lungor lunck potindo kapc adla lc:tagnc: “Ka:toka, ngok lutad lunncm ngo nomyam mcpo:lvgyc, sc:kobv nok lambcm mobiycji.”

³ “Yumrangolo jc:la gognckc alv:dc scmpc: Ru:tumkc lambcdcm mobitoka, bvk lambcdcm yvg cmmotoka!”

⁴ Jo:n baptismo bincbv yumrangolo lenkang, pa:bcm lubinc.

⁵ Odo bvkkolo:pc Juda:dok appvngc yadlento, odokkc bulu Jordan a:ncdo bvkkoki baptismongcm la:to, buluk ayv ayvkc pa:bcm lude:yamsula.

⁶ Cdc Jo:nbv u:t gure:lok amvdki gcnamcm gcdagai, odokkc bvk vgv:do suktungcm yc:rcgsudagai, odokkc kosoni: takomcm odokkc yumra:lok tangudcm dodungai.

⁷ Odokkc bv luyircm lugo:bito, scmpc lula, “Ngok lcdubc sc:ko gvdonc Bv ngomyam torya:dag, sck lcyugdok suktung rvbvdcm ngo tunga:la sarpcnckosinci inckomang.

⁸ Ngo nolum asilo baptismongcm bito. Cmpige:la Bv nolum Angunnc Yalodokki baptismongcm biyc.”

Jisukc Baptismongclang Ankang Ka:nam

⁹ Odo ayirdo Jisubv Galildok Najaretdokkc gvla Jordando Jo:nkokki Baptismongcm la:to.

¹⁰ Odokkc Bv asidokkc cdvlo gvsa:tokunc, vgcmpc Bv do:mvrtc kuge:dopc ka:to odokkc Yalodcm Bvk tayc:do pckv pcttangkoncmpc dcnggabdopc ka:to;

¹¹ Odokkc do:mvrtokkc gomugko luto “No ngok mc:bomsunam Awwo; nom ngo airu:pc mc:lvgsudag.”

¹² Cdc Yalodc baggcmpc Bvm yumrangolo:pc gvbokang.

¹³ Odokkc Bv yi:pi:longcko dungai, Satan uidc ankang ka:la; odokkc yumrang simvnkvdv:dokki dungai; odokkc Ru:ncpvnckc lutad lunckvdv:dc Bvm ka:svmosv:to.

Jisubv Ongo Sogabnc Tani: Appi:ko Gognam

¹⁴ Jo:nmc ycnggabdak lcdudo, Jisubv Galilpc gvtoku, Ru:ncpvnckc tadponc lutaddcm luyir luyirla, odokkc scmpc lula,

¹⁵ “Ayirdc pvngka:bong, Ru:ncpvnckc migompc dungko mo:pvdc pvnga:dandobong; mc:dvrra mc:latsutokuka, odokkc tadponc lutaddcm mc:jvgtoka.”

¹⁶ Odokkc Galil siycng asi ru:yi ru:yidok gvdodcm, Bv Simonmc odokkc Andriwumc Simonkc bvrodcm siycng asido csab aborko crra du:dopc ka:begto; kapila:nc bulu csab crnai.

¹⁷ Odokkc Jisubv bulum luto, “Ngok lcdulo gvmvntok odo ngo nolum tani: crgabnc tani:pc badmoyc.”

¹⁸ Odokkc oddung bulu buluk csabkvdv:dcm mcpagamto odokkc Bvk lcdulo gvmvnkang.

¹⁹ Odokkc asudo:ko gvbatge:la, Bv Jebidi:kc awo Jakobmc odokkc bvk bvro Jo:nmc ka:begto, sc:kobulu buluk ollung ara:do dungge:la csabkvdv:dcm pola dungaji.

²⁰ Odokkc oddung Bv bulum gogto; odokkc buluk abudcm Jebidi:mc ollu:do dorrvgla germonam pagbokvdv:dok lcdulo lc:pakto, odokkc Bvk lcdulo gvmvnkang.

Aima:nc Yalo Kanc Tani:ko

²¹ Odokkc bulu Kapernaumpc gva:to odokkc Bv oddung ager germa:pc yodla du:nam longcdo kumko okumdo gva:to odokkc aipc luyirto.

²² Odokkc bulu bvk luyirnamdcm tadla mcngapla:tomang, kapila:nc Bv kemotang kanckoncmpc luyirto, odokkc ainc agom luyirnckvdv:dcmpc lumangai.

²³ Odokkc oddung buluk kumko okumdo aima:nc yalo pa:nam tani:konc dungai.

²⁴ Odokkc bv jcsangkang, “Najaretsok Jisuno ngolum okkom inaycn? (Nokkoki ngolu okkom iycn) No ngolum mopitkapci gvdu:n, ngo kindag no sc:konc, Ru:ncpvnckc Angunnc Akodc.”

²⁵ Cmpige:la Jisubv bvm morvdto, scmpc lula, “Aso:p du:tok, odokkc bvkkolokkc gvlentok!”

²⁶ Odokkc aima:nc yalodc, bvm tvrkuri:l tvrgvt tvrmatto odokkc bottcpakpc jcngge:la, bvkkolokkc gvlenkang.

²⁷ Odokkc bulu appv:dc mc:la mcngapla:tomang, cdcmpila buluk arangv:lo ayv ayvkvdv:dc agom tadka:mvnsuto, scmpc lula, “Sc okkoncv? Anupc luyirnamko! Kemotangkokki Bv aisi:ma:nc uikvdv:dcmsinci lulvgcm ludag, odokkc bulu taddag.”

²⁸ Odokkc vgcmpc Bvk amin gcnamc appv:lo dc:bungkang Galildok dungo:ycgo:do.

Jisubv Bojcrungko Tani:ycm Csa:mokunam

²⁹ Odokkc lomdanna kumko okumdcm Bv mcpakto, odokkc Simonkclang Andriwkc okumdo:pc gva:to, Jakobmc odokkc Jo:nmc gvbola.

³⁰ Cdcmpc idodcm Simonkc ayodc ramna:yam kcdla dungai, odokkc lomdanna Bvm bulu bvk ramnamdcm lubito,

³¹ odokkc Bv gva:la bvm alagdok pigabla sosa:to, odokkc bvk ramnamdc aikangku; odokkc bv bulum ila:sa:la bito.

³² Odokkc yumcayirdo, do:nyc owa:do, Bvkkolo:pc bulu sc:ko sc:ko kidag ramdagaji cdcmpcmanggom uiyc pa:tagaji bomangamto.

³³ Odokkc cdc nogorpakdc yabgoru:yido yadkumsukang.

³⁴ Odokkc bojcrungcm sc:kobulu angu angu kinamc kadagaji csangammotoku, odokkc bojcrungko uiycm mcnpagamto; odokkc uikvdv:dcm Bv agomcm lusangammotomang, kapila:nc bulu Bvm kindagi.

Jisubv Galildo Lutad Lugornam

³⁵ Odokkc ro:dcm, pvang pvma:dapcbong, Bv darobto odokkc okkosin kamangko ronggamo:nc amongkolo:ppc gvto, odokkc odo Bv kumto.

³⁶ Odokkc Simonbv:la: bvk lcdulok du:mvnnc kvdv:dc Bvm mamvnna lcdulo gvkang,

³⁷ odokkc Bvm mabegla Bvm luto, “appvngc nom mago:dung.”

³⁸ Odokkc Bv bulum luto, “Kajc clc akon tawonkvdvngolo:pc gvkai, ngo odok lcgangci gvlennc.”

³⁹ Odokkc Bv Galil appv:do gvgo:to, buluk okumkvdv:do luyirbigo:la odokkc uikvdv:dcm mcnpagambila.

Jisubv Tani:ako Csa:mokunam

⁴⁰ Odokkc ngero:ro:nam tani: akonc Bvkkolo:pc gva:to Bvm kumna:sola, odokkc lcbvng tuma:la Bvm luto, “No mc:mvlo no ngom narc:mola:dag.”

⁴¹ Aya:pc mc:la, Bv Bvk alagcm laglenna bvm ri:yitbito, odokkc bvm luto, “Ngo aimolv:dak; narcngkangkulangka.”

⁴² Odokkc bvk ngero:ro:namdc aikangku, odokkc bvm narc:motoku.

⁴³ Odokkc Bv kvnggv:tarv:pc bvm luto, odokkc mcna:pc bvm mclvgtoku,

⁴⁴ Odokkc bvm luto, “Ka:lang no:dan sc:komsin okkomsin lubima:pcka; cmpige:la gvkang, dormo ager gernckvdv:dcm avyc lcngkansuta:ka, odokkc Mose:bv okkom bilangka cmna nok narcngkunam lcgangc luyirnam agom lutagnc, tani:kvdv:dcm arro cmna lcngkansunam lcgangc.”

⁴⁵ Cmpige:la odok agomdcm bv lulv:namdcmpci lubirobbomkang, odokkc lutadcm kinapmopc, cdcmpinamc Jisubv ka:de:pc tawonkolo gva:la:toma, ckvdaggom do:lungkvdv:do ronggamko mo:di:kvdv:do gvgo:to; odokkc appvng dungko-yckolokkc tani:kvdv:dc Bvkkolo:pc gva:to.