LUNGOR LUNAM 21 - ANU LUGOD N. T. (BSI)

Anu Taycng Amongdc:lang Anu Mo:pvdc

¹ Odokkc ngo anu taycng among odokkc anu mo:pvko ka:begto; kapcnc du:po:nc taycng amo:dc:lang du:pongarnc mo:pvdc gvpakkang, odokkc siycngdc cdvlosin katoma:bong.

² Odokkc ngo angunnc nogordcm ka:begto, anu Jerusalemdcm, taycng amongtokkc Ru:ncpvnckolokkc milbo:dok lcgangc, yamncdc gcru:sunncmpc ila dc:yi:dopc;

³ odokkc ngo bottapaknc gomugko migomdungkodokkc ludopc ngo tatto, “Ka:toka, tani:kvdv:dok lcdulo Ru:ncpvnckc du:nam dagnamc. Bv buluk lcdulo du:mvnyc, odokkc bulu Bvk tani:pc iyc, odokkc Ru:ncpvncbv avdci buluk lcdulo du:mvnyc;

⁴ Bv buluk appvngkc amiglok migscm tidpagambiyc odokkc cdvlosin sinam kama:ycbong, cdcmanggom mc:dvr-mc:songc cdcmanggom kabnamc cdcmanggom kinamc cdvlosin kakuma:bong, kapcnc po:pckc attarkvdv:dc gvpagamkang.”

⁵ Odokkc sc:kobv migom tedkodo teddagnc ludag, “Ka:toka ngo appvng attarcm anupc modag.” Bv cdcmsinci ludag, “Scm adtoka, kapcnc sc agomkvdv:sc mc:jvgpo:namc odokkc arro.”

⁶ Odokkc Bv ngom luto, “Cdcm gerpvttobong! Ngo Alpa:dc:lang Omega:dc, cdc lenrobbomkang odokkc lentcrdc. Tv:lv:ncdcm ngo turnam jili:dok asscm murkong la:ma:pc tv:moyc.

⁷ Sc:kobv mopvycnc bvkkc sc pangkonsunamscm pa:mvnyc, odokkc Ngo Bvk Ru:ncpvncpc odokkc bv ngok awopc badyc.

⁸ Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

Cdc Anu Jerusalemdc

⁹ Odokkc kvnvd taycng lutaddok akonc gvlendo sc:kobvkkc kvnvd soriangdc lcddarkc joardc kinamramnamdc bi:nckopc dungaji, odokkc ngom scmpc lula luto, “Kajc gvtok, ngo nom Yamncdcm lcngkanyc,

¹⁰ cdc Awome:r sobendok yamncdcm.” Odokkc bottcru:nc Yalodokki bv ngom, owud den-dennc adi: taycngkolo:pc dc:pakbomkang, odokkc ngom cdc angunnc nogordcm taycng amongtokkc Ru:ncpvnckolokkc Jerusalemdcm dc:yidopc lcngkanto,

¹¹ Ru:ncpvnckc amin gvla, odok dorbu:namdc cmpcsin pa:la:manam dogncpc ila, do:nyi apvkoncmpc idagncmpc, arscmpc narc:la.

¹² Odokkc bottcru:ncko, owudnc bare:ko dungai, vyvngkolang anyikopc yabgo, odokkc yabgokvdv:do vyvngkolang anyiko taycng among lutad lunc tani:yc, odokkc yabgo kvdv:do vyingkolang anyi Israeldok opvndok awokvdv:dok aminkvdv:dcm arrvgtagai;

¹³ sanggato yabgo bawumko, pckv:to yabgo bawumko, pcya:bo yabgo bawumko, odokkc owa:bo yabgo bawumko.

¹⁴ Odokkc nogordok bare:dc mogablvgnamc vyvngkolang anyiko dungai, odokkc odobulu Awome:r sobendok vyvngkolang anyi mclvgla ager germonam kvdv:dok amincm adlvgtungai.

¹⁵ Odokkc sc:kobv ngom lutonc avn dangi:ko nogordcm kvnancko dungai odokkc odok yabgokvdv:dcmnang bare:kvdv:dcm.

¹⁶ Nogordokkc appi:kopc sungkenc c:mo:pinc dungai, odok araidc odok pontadcmpc c:mo:pc idagai; odokkc Bv nogordcm Bvk danggi:dokki, vyingkolang anyi lv:ying mailkopc kvto; odok araidc odokkc pontadc odokkc owuddc c:mo:pc idagai.

¹⁷ Bv odok bare:dcmsin kvto, lvngkokolang yv:pikolang appi: lagdukopc tani:lok kvnampc, cdcna, taycng lutad akonkolo:pc.

¹⁸ Bare:dcm do:nyi dogncki motungai, nogordcmdan avnongkokki, arscmpc narcngc.

¹⁹ Bare:dok mosa:namkvdv:dc nogor dokkc appvng mukutangkokki mobulvgnamai; cdc mopongarnamdc dognc do:nycmpc dornai, akondc kvnggv:pc arc kanc genc dognckai, awumdc arc kanc ta:m dogncki, appi:dc genc vlvngki,

²⁰ anggodcm unjvgnc vlvngki, akkc:dcm Sardi:dok dogncki, kvnvddcm avn dogncki, pi:nyidcm gumedokki, kona:dcm podumcmpinc bakorki, vyv:dcm lohunio:ki, vyvngkolang akodcm perujorki, vyvngkolang anyidcm katohela:kokki.

²¹ Cdc vyvngkolang anyi yabgodc vyvngkolang anyi mukutangai, yabgo appv:dcm mukutang ako akkongki motagai, odokkc nogordok ali: lambcdcm avnongki, arscmpc tong cmna ka:begdagai.

²² Odokkc ngo kumko okumcmsin nogordo ka:begtomang, kapcnc odok kumko okumdc Ru:tum Ru:ncpvncdcai cdc Appvngcm ilang-gvla:ncdc odokkc cdc Awome:r sobendc.

²³ Odokkc cdc nogordc oko do:nycmsin cdcmanggom po:lom odok tayc:do ka:mopc mapcnam katomang, kapcnc Ru:ncpvnckc amin gvnamdci odok pva:dc, odokkc odok saki:dc cdc Awome:r sobendc.

²⁴ Odok pvangki cdc opvkvdv:dc lambcm gvyc; odokkc mo:pvsok migomkvdv:dcm odopc boma:dag,

²⁵ odokkc odok yabgokvdv:dcm cdvlosin longgcm mokapma:yc–odokkc odo cdvlosin yumcma:yc;

²⁶ bulu odopc amin gvnamclang mcnggcnammc opvnkvdv:dokkcm langa:yc.

²⁷ Cmpige:la atv narc:ma:nc odopc gva:ma:yc, cdcmanggom sc:kobv tayumpcnam agercm gerdagji akoncsin cdcmanggom lume: agomcm ludagji, cmpige:la cdc sc:kobuluk amincm Awome:rdok turnckvdv:dok potindo adtu:nc cddo:bulu gva:yc.