LUNGOR LUNAM 1 - ANU LUGOD N. T. (BSI)

¹ Jisu Kristokc lungor lukannamdc, okodcm Ru:ncpvncbv bvm bitungaji Bvk ager gerya:nc kvdv:dcm lcngkanpc okodc mcna:pc lenycru:ji; odokkc Bvk ager gerya:nc Jo:nkolo:pc mclvgla:yam, Bvk taycng among lutadlunckvdv:dcm Bv cdcm kinabmoto.

² Sc:ko Ru:ncpvnckc agomdcm lukanbikaji odokkc Jisu Kristokc lukanlubinamdcm, Bvk ka:nam appv:dcmci.

³ Bv akirba:d pa:ncdc sc:kobv lungor lunam agomkvdv:dcm bottcpc podagji, odokkc cdc sc:kobulu taddagji akirba:d pa:nc, odokkc sc:kobv taddagji odo okkom attagji; kapcnc ayirdc aninka:bong.

Mondoli: Kvnvddo:pc Kumtadsunam

⁴ Jo:nkolokkc cdc Asia:do du:nc mondoli:kvdv:do:pc: Nolukkolo:pc ayangclang Bvkkolokkc mcnganc sc:kobv odokkc sc:ko dungaji odokkc sc:kobv gvpcncdcji, odokkc yalo kvnvddokkc okodc:bulu Bvk migomdungko kcra:do du:ji,

⁵ odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.

⁶ Bvkkolo:pc sc:kobv ngolum aipc mc:dagji odokkc ngolum ngoluk pa:p kvdv:dokkcm mopvttoji Bvk i:dokki ngolum migom dokokopc motoji, Bvk Ru:ncpvnclang Abudok kumnam ager gergurncpcbulu imotoji, Bvkkcpc amin gvnamdc odokkc mopvnamdc lo:dv longkvpc dungka:langka. Amen.

⁷ Ka:toka, Bv mukka:lo gvdoku odokkc appvng amigc Bvm ka:begyc, Bvm pvtkenc appv:dc; odokkc mo:pvso appvng opvnc Bvk lcgang v:tombangki:la kabycku. Cdc cdcmv:pc iyc. Amen.

⁸ “Ngo Alpa:dc odokkc Omega:dc,” Ru:tum Ru:ncpvncdc ludag, sc:kobv du:ji odokkc sc:kobv dungaji odokkc sc:kobv gvkupcncdc:ji, cdc Appvngcm Migang ga:yangarncdc.

Kristokc Kangornamko

⁹ Ngo noluk bvro Jo:nbv, sc:kobv noluk lcdulo Jisukolo asin mc:dvrdcm mc:mvndagnc odokkc cdc migom doko mo:pv:dcm odokkc cdc du:tvdanna mentumsula du:donc, Patmo cmnam siycng amongkolo Ru:ncpvnckc agomclang Jisu Kristokc lukan lubinam lcgangc dungai.

¹⁰ Ngo Yalodo Ru:tumkc longcdo dungai, odokkc ngok lamkubo ngo bottcru:nc tapungko munnamcmpc scmpc lunam gomugko tadbegto,

¹¹ “Adtoka okodcm no ka:begdagji potindo odokkc cdcm mondoli: kvnvddo:pc mclvgtoka, Ipesu:pc odokkc Smirna:pc odokkc Pargamu:pc odokkc Tiatira:pc odokkc Sardi:pc odokkc Piladelpia:pc odokkc La-odikia:pc.”

¹² Odokkc gomugdcm cdc ngom lula du:ncdcm ka:pc cmna ngengkutsuto, odokkc nge:latsunamc ngo kvnvdkopc avn saki; tvgc:la lc:nancm ka:begto,

¹³ odokkc cdc saki: tvgcngkvdv:dok ara:do tani:lok awokoncmpc, arainc rvbvko gcnckonc odokkc avn tongali: bvk angkc:dcm jinrcgsunckonc;

¹⁴ Bvk mittukdc:lang bvk dumvddc kamponc uni:ycmpc kampodagai odokkc vlv:ta:ngcmpc kampodag; Bvk amikkvdv:dc vmvlo dornc saki:ycmpc idag,

¹⁵ Bvk alckvdv:dc kamponc ta:mcm jvgjvgaidopc kangkandopc nodnamcmpc idag, vmvlo romna narcmonamcmpc, odokkc Bvk gomugdc bojcrungko bidnc asi ngomnamcmpc idag;

¹⁶ Bvk lagbvg alagdo Bv takar kvnvdkok gagla dung, Bvk nappa:dokkc kekonkesagpc radnc madsvgko sadlento, odokkc Bvk nappa:dc kvnggv:pc ka:te:nc do:nycmpc idag.

¹⁷ Cdvlo ngo Bvm ka:begtoji, Bvk alcdo sipagncmpc ngo owa:to. Cmpige:la Bvk lagbvg alagdcm ngom scmpc lula pigabto, “Pcsoyok, ngo lenpongarncdc odokkc lentcrncdc, odokkc turra du:ncdc;

¹⁸ Nngo sito, odokkc ka:toka ngo lo:dv longkvpc turra dung, odokkc ngokkc Turnamdokkc odokkc Sinam kekonbok sabi:kvdv:dc dung. 1

¹⁹ Su:pak okodcm ka:begtoji attok, okodc:ji odokkc okodc sok lcdudo lenycji.

²⁰ Kapc cdc takar kvnvddok mcngapla:ma:nam agom kvnvddokkcpc okodcm no ngok lagbvg alakso ka:begtoji, odokkc kvnvd avn saki: tvgcla lc:nanckvdv:dcm, cdc takar kvnvddc mondoli: kvnvddok taycng among lutadnckvdv:dc odokkc cdc kvnvd saki: tvgc:dc:bulu mondoli: kvnvddc.