LU:KKC 1 - ANU LUGOD N. T. (BSI)

¹ Sc:kobulu lendodokkcbong amikkokki ka:nckvdvnga:nc odokkc agomdok lutadbigo:ncp ika:ji, bulu ngolum luyirkamdcmpc,

² ngoluk ara:lo aropc badnc agomkvdv:dok kvlenkvangcm adlenpc cmna bojcrungc adrobto;

³ Cdcmpiga:lok, airu:pc mcnggcnam O Tiopilus, no oko oko luyircm pa:tonc, odokbuluk kvnggv:tarvngcm no kindopc.

⁴ Ngo:sin lendodokkcbong appvng agomcm aiyo:pc magabbomna, nokkolo:pc aborkolok lcdulo aborko adnamcm aidopc ka:to.

⁵ Judia:dok migom, Herodkc migom dododcm, Jakaria: cmnam mo ager gergcncko dungai, Abija:kolokkc lennc; odokkc bvk amincm Elijabet cmtagai.

⁶ Odokkc bulu Ru:ncpvnckc kangkolo dormokannai, Ru:tumkc lulvgnam appv:dcm odokkc anguru:pc lunam lujvg lurokvdv:dcm aimang cmna lukosuma:pc incgvnnai.

⁷ Cmpige:la bulukkc ko:kang kamangai, kapila:nc Elijabetbv ommang kamangai, odokkc anyipakdc mincmvjv:la gvbomdungaboi.

⁸ Cdcmpc bv Ru:ncpvnckc ka:de:pc dormo ager gergcbomla du:dom, bvk gerpcnam ager lendom,

⁹ dormoager gernamlok itcng gvtcngcmpc, bv Ru:tummc kumko okumdo gva:la dunangcm rompc cmna ikang.

¹⁰ Odokkc yadkumsunc tani:appv:dc dup-dunang romdo ayirdo ru:yido kumna dungai.

¹¹ Odokkc odo dup-dunang romkodok lagbvg atakdo bvm Ru:tumkc taycng among lutad luncko dakkansubito.

¹² Odokkc Jakaria:bv mcngkin mc:para:tomang bvm ka:pangge:la, odokkc bvkkc pcsoko angkang.

¹³ “Cmpige:la cdc taycng among lutad luncdc bvm luto, Pcsoyoka, Jakarianga, kapila:nc nok kumnamdcm tatto, odokkc nok nc:ng Elijabetbv milbong ko:ko pa:yc, odokkc no bvk, amincm Jo:n cmna minnvglang.

¹⁴ Odokkc no mc:pomcngancm pa:ycpc, odokkc bvm ododo bojcrung tani:yc mc:poyc;

¹⁵ Kapila:nc bv Ru:tumkc kangkolo bottcpakyc, odokkc bv apongcmmanggom angur alang vrncm tv:ma:yc. Odokkc Bvk ancdok aki:ara:bo du:dodokkcboi Angunnc Yalodc bvkkolo bi:danna du:yc.

¹⁶ Odokkc Bv Israeldok bojcrungko ommangcm buluk Ru:tum Ru:ncpvnckolo:pc gvlatboycku,

¹⁷ Odokkc bv Elija:kc yalodokki Bvm gvpo:la gvyc, abukvdv:dok asinkvdv:dcm awokvdv:do:pc mc:latmokupc, odokkc Ru:ncpvnckcpc tani:kvdv:dcm mosv:pc cmna agom lukamdcmpc, tadma:nckvdv:dcm dormo kanckvdv:dok agom kinnam-pa:nam kvdv:do:pc.”

¹⁸ Odo Jakaria:bv taycng among lutad luncdcm luto, “kapc ngo cdcm kinycn? Kapila:nc ngo mvjvng tani:yc, odokkc ngok nc:dcsin sv:tcrsula mincka:bong.”

¹⁹ Odokkc taycng among lutad luncdc bvm lubito, “Ngo Gabrielbv, Ru:ncpvnckc kangkolo sc:ko dakkansudu:nc; odokkc ngom nokkolo:pc tadponc lutadscm luta:ka cmna mclvgtung.

²⁰ Odokkc ka:langka, no aso:pc du:ycpc odokkc agomcm lula:ma:pc iycpc sc agomkvdv:sc aropc badma:sisscm, lcga:dc no ngok agomkvdv:dcm mc:jvgtomang, okokvdv:dc odokkbuluk ayirdo lukamdcmpc ingapycpc.”

²¹ Odokkc tani:kvdv:dc Jakaria:mc toya:la dungapdungai, odokkc bulu kumko okum ara:do du:barnamdcm mcngapla:tomang.

²² Odokkc bv gvlendokudo, bv bulum agomcm lubisula:tomang, odokkc bulu mcngkintomang jc bv kumko okum ara:do o:kai kangorko ka:to; odokkc bv bulum kanggod-mogoddcm lcngkanbito odokkc agom lula:ma:pc dungka.

²³ Odokkc bvk kumnam ager gernamdok ayirc gvngapdodcm, bvk okumpc bv gvkangku.

²⁴ Odo longcdok lcdudokkc bvk nc:ng Elijabetbv amvrro dungkang, odokkc po:lo pvngokopc bv avdc lc:sisuto, scmpc lula,

²⁵ “Ru:tumbv ngom ka:nam longc kvdv:so scmpc ito, ngok kolokkcm anyvngcm la:pakpc cmna.”

Jisumc Onamdcm Lungorla Lunam

²⁶ Po:lo pvkc:do taycng among lutad lunc Gabrielmc Ru:ncsa:nckolokkc Galildok Najaret cmnam nogorolo:pc mclvgtungai,

²⁷ Josep cmnam tani:kolok lcgang tadpvrnam ko:ncngko Dawidkc ope:lokkcm; odokkc cdc ko:nc:dok amincm Meri: cmtagai.

²⁸ Odokkc bvkkolo:pc bv gvangge:la luto, “C:i, airu:pc ayang abonamma, Ru:tumbv nok lcdulo dung!”

²⁹ Cmpige:la bv cdcmpc lunamdo airu:pc mcngkin mc:para:tomang, odokkc cdc kapinc tadponc lutadkonc cmna bvk asinbo mc:suto.

³⁰ Odokkc taycng among lutad luncdc bvm luto, “pcsoma:pcka, Meri:a, kapila:nc no Ru:ncsa:nckolok ayangabbom pa:to.

³¹ Odokkc ka:toka, nok aki:bo ommang du:yc odokkc milbong awoko pa:yc, odokkc no Bvk amincm Jisu cmna minnvglang.

³² “Bv bottcru:nckopc iyc, odokkc Tayc:rung yangkotok Du:ncdok Awodc cmna gogyc: Odokkc Ru:tum Ru:ncpvncbv Bvm Bvk abu Dawidkc migom dungkodcm biyc,

³³ Odokkc Bv Jakobkc ope:dcm lo:dvpc ka:bom-dagbomyc; odokkc Bvk migom dotc:dc cdvlosin yogma:yc.”

³⁴ Odokkc Meri:bv taycng among lutad luncdcm luto, “Kapc cdcmpc ila:ycncm, ngokkc milbongci kama:dapc?”

³⁵ Odokkc taycng lutad luncdc bvm luto, “Angunnc Yalodc nom pa:yc, odokkc Tayc:rungyankotok owudya:nardok ilang-gvlang ugyumdc nom vgtidyc. “Cdcmpidag cdc opcnam ko:dcm angunnc cmna luyc, “Ru:ncpvnckc Awodc cmna.

³⁶ Odokkc ka:toka, nok ope:ncgvng nc:ng Elijabet bvk minc ncdoso:sin awoko amvrro du:nc; odokkc sc:kom ommang kama:nc cmtungaji po:lo pvkcngko ika:bong du:namc.

³⁷ Kapila:nc Ru:ncsa:nckcpc okkosin ilanggvla:ma:namc kamang.”

³⁸ Odokkc Meri:bv luto, “Ka:tok ngo Ru:tumkc alagpc lagbomnam pagnc; nok agom lukamdcmpci ngom imoteika.” Odokkc taycng among lutad luncdc odokkc gvpakkangku.

Meri:bv Elijabetmc Gvka:la Ka:nam

³⁹ Odo longckvdv:do Meri:bv darobla lomdanna adi: among dungko Judia:dok nogorkolo:pc gvkang,

⁴⁰ Odokkc Jakaria:kc okumpc gva:to odokkc Elijabetmc kumrvgsuto.

⁴¹ Odokkc Elijabetbv Meri:kc kumrvgsunamdcm tadbegnammci, bvk aki:ara:bok ko:dc sumcsumkurkang;

⁴² Odokkc Elijabetmc Angunnc Yalodc pv:namkopc pa:la:yam odokkc bottcru:pc jc:la lukang, “Nc:ngkvdv:dok ara:lo no gerncpu:nc, odokkc nok aki:bokkc lenncdc gerncpu:nc!

⁴³ Odokkc kapila scmpc mclvgtagncm, ngok Ru:tumkc ancdc:jc ngokkoso:pc gvdu:nc?

⁴⁴ Kapila:nc kangkvtoka, nok kumrvgsumamdok gomugdcm ngok yeru:so tadbegnammci, ngok aki:ara:bok ko:bc mc:pola sumc-sumkurkang.

⁴⁵ Odokkc Ru:nckolokkc okkom lutunganc cdc lunamdcmpc iycpc cmna mc:jvgncdc gerncpu:nc.”

Meri:kc Ru:ncpvncmc Kumna Monam Ni:tom

⁴⁶ Odokkc Meri:bv luto, “Ngok asinsc luyiddung,

⁴⁷ Odokkc ngok asinsc Ru:ncsa:nckolo mc:podung ngok Moturnckolo,

⁴⁸ Kapila:nc Bvk ager gerya:nc ko:nc:dok adji:opc du:nam dagnamdcm mcngkvbito. Kapila:nc ka:toka, sukkolokkc appvng opvnc ngom gerncpu:nc cmyc;

⁴⁹ Kapila:nc sc:kobv bottcrungcnc Bv ngok lcga:pc bottcru:nc agerko gerto, odokkc Bvk amindc angunnc.

⁵⁰ Odokkc Bvk ayangc ope:lokkc ope:akonlo:pc du:yc sc:kobulu Bvm pcsodagnc.

⁵¹ Bvk alakkvdv:dokki ilang-gvlangcm Bv lcngkanto, Bv luyidlunamcm buluk asinkvdv:do mcangamlvgto,

⁵² Bv kvnggv:pc ilang-gvlangkvdv:dcm buluk migom dola dungko kvdv:dcm la:paggamlettoku, odokkc cdc cmmum kvdv:dcm la:sangamlvgto;

⁵³ Bv kcno:nckvdv:dcm ainc attarcm bila dotv:sumoto, odokkc mircmnc kvdv:dcm alag anggara:pc gvmotoku.

⁵⁴ Bvk ager gerya:nc Israeldcm gerdumsuto, Bvk mc:yinsunamdcm mc:pa:la,

⁵⁵ Abrahammc odokkc Bvk awo ommang kvdv:do:pc lo:dv:pc Bv ngoluk abukvdv:dcm lukamdcmpc.”

⁵⁶ Odokkc Meri:bv bvk lcdulo po:lo pvwumkvramkopc du:mvnto, odokkc bvk okumpc gvkangku.

Jo:n Baptismo Bincmc Onam

⁵⁷ Cdcmpidodcm Elijabetbv ko:pa:dvkang, odokkc bv milbong ko:ako oto.

⁵⁸ Odokkc bvk kumrv-ko:rv kvdv:dc:lang ope:ncgvng kvdv:dc Ru:tumbv bvm bottcru:nc ayangko bito cmna tadto, odokkc bvkkokki mc:poto.

⁵⁹ Odokkc pi:nyi longcdo bulu ko:dcm gadpuknam ager gerkapc gvto; odokkc bulu bvk abudok amin minkamv:pc Jakaria cmna minnvgpc itungai,

⁶⁰ cmpige:la bvk ancdc luto, “Cdcmpcmang; bvk amincm Jo:n cmna minyc.”

⁶¹ Odokkc bulu bvm luto, “Nok avkc ope:ncgvng kvdv:dc cdc amindcm sckkcmsinci minnvgmang.”

⁶² Odokkc bulu bvk abudcm sutkanna lcngkanto, okkomna bvm gogpcnammcji.

⁶³ Odokkc bv abvg adgc:nanc adtakko koto, odokkc adto, “Bvk amin Jo:nc.” Odokkc appvngc mc:lamcngapla:tomang.

⁶⁴ Odokkc oddung bvk nappa:dc kokakangku odokkc bvk ayodc rcmakkang, odokkc bv agom lutoku, Ru:ncsa:ncmc aipai cmna.

⁶⁵ Odokkc cdc appv:dok agomcm Judiang adi: among do:lungkvdv:do kvtagsukang;

⁶⁶ Odokkc buluk agom appv:dcm tadnc appv:dc buluk asinkvdv:do mcnggabamna lc:to, scmpc lula, “Cmpcmvlo sc ko:sc okopc iycji?” Kapila:nc Ru:tumkc alagdc bvk lcdulo dungai.

Jakaria:kc Lungorlunam

⁶⁷ Odokkc bvk abu Jakaria:bv Angunnc Yalodc gagla, odokkc lungorcm luto, scmpc lula,

⁶⁸ “Israeldok Ru:tum Ru:ncsa:ncb gerka:langka, Kapila:nc Bvk tani:kvdv:dcm gvka:la Bv ka:to odokkc rclentoku,

⁶⁹ odokkc Bvk ager gerya:nc Dawidkc ope:do ngoluk lcga:pc turkunamlok a:rcngko sa:moto,

⁷⁰ Lekelokkcbong Bvk lungor lunckvdv:dokki Bv lunamdcmpc,

⁷¹ ngolujc ngoluk mirukvd:dokkc mopvsupcnammc, odokkc ngolum tayumnckvdv:dok alagkvdv:dokkcm;

⁷² ayangcm lcngkandopc ngoluk abukvdv:dcm pesubinamdcmpc, odokkc bvk angunnc pesula lugoddcm mc:pa:dopc,

⁷³ ngoluk abu Abrahammc pesubinamdcm,

⁷⁴ ngolujc, ngoluk mirukvdv:dok alaglokkcm mopvkunamc, Bvm pcsokama:pc Bvk agercm gerdopc,

⁷⁵ angunna odokkc dormokanamkokki Bvk kcra:lo odokkc ngoluk turradu:dag appv:so.

⁷⁶ Odokkc no kowawnom, Appvngcmyam Owudyangkolo du:ncdok lungor lunncmna gogyc; Kapila:nc no Ru:tummc gvpo:la Bvk lambcm mopungkapc gvycpc,

⁷⁷ Bvk tani:kvdv:dcm mopvkunamlok kinnamcm bikapc buluk pa:pkvdv:dcm mc:yinsubi-la:mvlo,

⁷⁸ ngoluk Ru:ncpvnckc rcmakpc mc:yinsunamdokki, cdvlo cdc longcdc ngolukkolo pvnga:ycnc taycng amo:tokkc

⁷⁹ Kcmolo odokkc siko ugyumlo tedla du:nckvdv:dcm pvangcm bikapc, ngoluk alckvdv:dcm mc:pola dungkolo gvbodopc.”

⁸⁰ Odokkc cdc ko:dc bottala yaloki kvnggv:tarvngkang, odokkc bv yumrangolo du:to bvk Israel opvndcm lcngkansuma:dodo:pc.