JO:N 5 - ANU LUGOD N. T. (BSI)

Pa:ta:do Csa:mokunam

¹ Odok lcdudo Jiwudi:kvdv:dok dopun-dojar longcko dungai odokkc Jisubv Jerusalempc gvkang.

² Cdcmpinamc Jerusalemdo Me:r Soben Yabgodok anindo Hibriulo Betja:ta cmna lunam pa:tangko dungai, okodokkc tu:yap molennam okum songoko dungaji.

³ Odo bojcrungko mosimola:ma:nc gvla:nc dungai, miglunc, lambc gvla:ma:nc, intungko sinnc,

⁴ asidc budsa:ycpc cmna toya:la du:la.

⁵ Odo tani:ako dungai sc:kobv dv:tak yingum kolang pi:nyikopc mola:ma:ncka:ji.

⁶ Jisubv cdvlo ka:begtoji odokkc bv odo bojcrungko kcdla du:namc ika:bong cmna kintoji, bvm Bv luto, “No csa:moteikuka cmna mc:dagnci?”

⁷ Mola:ma:nc tani:dc Bvm lubito, “Miganga ngokkc ngom pa:tangolo gvbonc tani:yc sc:kosin kamang cdvlo asidc budsa:ycji, odokkc cdvlo ngo gviycji akonc ngomyam koryi:po:dag.”

⁸ Jisubv bvm luto, “Darobtoka nok asubdcm yedsa:tok, odokkc gvtok.”

⁹ Odo vgcmpc cdc tani:dc csangamkangku, odokkc bvk amrong asubdcm la:sangge:la gvkangku.

¹⁰ Cdcmpinamc cdc logcdc Ager germa:pc yodla du:nam longgai. Cmpige:la Jiwudi: kvdv:dc csa:mokunam tani:dcm luto, “Silo ager germa:pc yodla du:nanc longgc, no amrong asubdcm jo:namdc lujvg-lurodcmpc jo:murc.”

¹¹ Cmpige:la bv bulum lubito, “Ngom csa:mokunc tani:dc ngom luto, ‘Nok amrong asubdcm la:sala bomna gvkangkuka.’ ”

¹² Bulu Bvm tawuto, “Sc:ko tani:dcn nom luncdc, ‘Nok amrong asubdcm la:sa:la bomna gvkangkuka cmncdc?’”

¹³ Cdcmpinamc cdc csa:mokunam tani:dc cdc Bv sc:ka:song kinmangai, kapila:nc Jisubv gvpakkangku, odo mo:takdo tani:yc yadkumsula:yam.

¹⁴ Lcdudom, Jisubv bvm kumko okumdo rvgsutoku, odokkc bvm luto, “Ka:toka no aikangkunc! Lckoda pa:bcm iyokubong, okkosin cdcmyam aiya:ma:pc nokkc ima:dopc.”

¹⁵ Odokkc tani:dc gvkangku odokkc Jiwudi:kvdv:dcm lubitoku jc cdc Jisubvai sc:ko bvm csa:motokuji.

¹⁶ Odokkc cdda:na Jiwudi:kvdv:dc kapila Jisumc ipusire:ycm ikaji, kapila:nc Bv Ager germa:pc yodal du:do longcdom cdcm gerto.

¹⁷ Ckvdaggom Jisubv bulum luto, “Ngok Abubv su:paksin gertvla dung, odokkc ngo ager gerla dung.”

¹⁸ Cdcmpilangv:na Jiwudi: kvdv:dc Bvm mokepc cmna makanc, lcga:dc Bv ager germa:pc yodla du:namo:dcm tadma:pc imangai cmpige:la Ru:ncpvncmc Bvk avkc Abbo cmna gogdag, av avdcm Ru:ncpvnckc kvddvnc cmna lula.

Awodok Ager Gerla:nam

¹⁹ Jisubv bulum luto, “Aroru:pc, aroru:pc, ngo nolum lubidung, Awodc Bvk avkc mcngkampc ila:mang, cdcmpige:la Bvk Abudc okodcm gerla du:ji cdcm kangge:la:pak; kapila:nc oko okodcmci Bv gerdagnc, Awodcm cdcmv:pc idag.

²⁰ Kapila:nc Abudc Awodcm aipc mc:dag, odokkc Bv oko okkom avdc idagnc lcngkandag, nolu mc:la mcngap-la:ma:dopc.

²¹ Kapila:nc Abudc sinncm moturge:kula bulum turrnamcm bikunammcmpc, cdcmv:pc Awodc sc:komci mc:dagnc bvmmci turnamcm bidag.

²² Abudc sc:komsin kcbangcm ba:mang, cmpige:la appvng kcbang ba:pcnammcm Awodcm togc:lvgtag,

²³ appvngcjen Awodcm mcnggcm mcnggcsudopc, bulu Abudcm mcnggcm mcngkamv:pc. Sc:kobv Awodcm mcnggcm mc:ma:ycnc Abudcm mcnggcm mc:mang sc:ko Bvm mclvgtu:ji.

²⁴ Aroru:pc, aroru:pc, ngo nolum lubidung, sc:kobv ngok gomugcm tadge:la Bvm mc:jvgdagnc sc:kobv ngom mclvgtagnc, turyarla turnamc dung; bv kcbang bangkolo gvangkumang, cmpige:la sikolokkc turnamlo:pc gvbatsutokubong.

²⁵ “Aroru:pc, aroru:pc, ngo nolum lubidung, ayirdc pvnga:du:bong, odokkc cdc su:pagvngbong, cdvlo sinckvdv:dc Ru:ncpvnckc Awodok gomugcm tadbegycnc, odokkc cdc sc:kobulu tadycnc turyc.

²⁶ Kapila:nc Abudokkc kapc avkc turnamc du:ji, cdcmv:pc Awodcmsin bvkkolo turnamc du:dopc Bv bito,

²⁷ Odokkc Bvm kcbangcm ba:la:dopc sottom bito, kapila:nc Bv tani:kc Awodc.

²⁸ Cdcm mc:la mcngapla:ma:pc iyoka; kapila:nc ayirdc pvnga:du:bong cdvlo agolok du:nc appv:dc gomugdcm tadyc odokkc gvlenamyc,

²⁹ sc:kobulu ainc agercm gertonc, turkunam turnamlo:pc turycku, odokkc sc:kobulu aima:nc agercm gertonc, kcba: ba:nam lcga:pc turkunam lo:pc turycku.

Jisumc Lukanbinam Kvdvng

³⁰ “Ngo avkc ilang-gvlangkokki okkomsin ila:mang; ngok tannamdcmpc, ngo kcbangcm ba:do; odokkc ngok kcba:dc arodag, kapila:nc ngok mcngkamcm ngo mamang cmpige:la Bvk mcngkamcm mado sc:ko ngom mclvgtu:ji.

³¹ “Ngo avkc agomcm avyc lukansubimvlo, ngok lukansubinamdc aroma:yc;

³² akoda dung sc:kobv ngok agomcm lukanbidagji, odokkc ngo kindag ngok agomcm Bv lukanbinamdc arro.

³³ Nolu Jo:nkolo:pc mclvgto, odokkc bv arodcm lukan lubito.

³⁴ Ngok lukan lubinamdc tani:lokkcmang; cmpige:la ngo scm ludung nolu turycpc cmna.

³⁵ Bv dorra du:nc unjvgnc saki:kai, odokkc nolu bvk pva:do asudowko mc:poko mc:lvgdagai.

³⁶ Cmpige:la oko lukan lubinamdc ngokkolo du:nc cdc Jo:nkcdcmyam bottaya:dag; kapila:nc oko agerdcm ngok Abubv ngom gertok cmna togc:lvgtagnc, sc ngok gernam agerkvdvngarsc, ngom lukancm lubidag jc Abubv ngom mclvgtag.

³⁷ Odokkc Abudc sc:ko ngom mclvgtagnc avdci ngom lukancm lubidag. Bvk gomugcm nolu cdvlosin tadkvmang, Bvk dumsimigmom nolu cdvlosin kangkvmang,

³⁸ Odokkc nolu Bvk agomcm cdvlosin noluk asinno du:mang, kapila:nc sc:kobv mclvgtagnc Bvm nolu mc:jvgmang.

³⁹ Nolu Ru:nckc agom jvggabdcm madag, kapila:nc nolu mc:dag jc odobulu nolukkc turyarla turnamdc dung cmna; odokkc cdcbuluna jc ngom lukan lubinckvdv:dc.

⁴⁰ Ckvdaggom nolu ngokkolo:pc gvangge:mang cmdag nolu turnamcm pa:pcnammcm.

⁴¹ “Ngo tani:kvdv:dok aidag cmna lunamcm mamang.

⁴² Cmpige:la ngo kindag jc noluk ara:lo Ru:ncpvnckc ayangc kamang.

⁴³ Ngok Abukc aminnok ngo gvdung, odokkc nolu ngom torvgsumang; sc:koiycdan avkc aminno gvmvlo, bvm nolu torvgsuycpc.

⁴⁴ Nolu kapc mc:jvgycn, sc:kobv akon akonnokkcm aidag cmnamcm mancdcm odokkc Ru:ncpvnckolokkc gvinc aidag cmnamdcm mama:ncdcm?

⁴⁵ Ngo noluk Abukc kcra:lo lugc gcbiyc cmna mcngkvyoka; cdc Mose:bva:mvn nolum lugc gcbincdc, sckkolo nolu mc:tinsudagaji.

⁴⁶ Nolu Mose:mc mc:jvgdagmvlo, nolu ngom mc:jvgya:pc, kapila:nc bv ngok gomugcm adka.

⁴⁷ Cmpige:la nolu bvk adnamdcm mc:jvgma:mvlo, kapc nolu ngok gomugkvdv:dcm mc:jvgycn?”