JO:N 4 - ANU LUGOD N. T. (BSI)

Jisubv:lang Samariang Nc:dc

¹ Cdcmpidodcm Jisubv agom tadjvgncm Jo:nmcyang abayangko baptismo bila dung cmnamdcm Parisi:kvdv:dc tadto cmna cdvlo Ru:tumbv kintoji.

² (Jisubv avdc baptismo bisumangagom, cmpige:la bvk agom tadjvgla gvmvnnc tani:kvdv:dc,)

³ Bv Judia:dcm mcge:la Galilpc gvkang.

⁴ Bv Samaria:dok gvko:la gvpcnampc ikang.

⁵ Cdcmpila Samaria:dok nogorkolo:pc, Sikor cmnamdo:pc gva:to, Jakobbv bvk awo Josepmmc binam amo:dok anindo:pc.

⁶ Jakkobkc siru:dc odo dungai, odokkc cdcmpila. Jisubv, lambc gvla bvpek-bvyekla siru: ru:yido teda:to. Odo ayir akkcng kvramko idagaboi.

⁷ Odo Samaria:dok nc:ng akonc asi gckapc gvdo. Jisubv bvm luto, “Ngom tv:pc asiko bi:pcn.”

⁸ Kapila:nc Bvk agom tadjvgla gvmvnnc tani:kvdv:dc nogorpc donam rckapc gvkang:

⁹ Samaria: nc:dc Bvm luto, “No kapc cdcmpc, Jiwudi:ge:la, ngokkolok tv:pc cmna koka:n, Samaria:dokkcm?” Kapila:nc Jiwudi:kvdv:dc Samaria: kvdv:dokki okkomsin gvmvndomvnsumangai.

¹⁰ Jisubv bvm luto, “No Ru:ncpvnckc amanpc binamdcm kinya:mvlo, odokkc sc:kobvi nom, Asiko tv:pc bi:pcn cmna kodu:song, no Bvm tawuya:pc, odokkc Bv nom turyarla du:nc asidcm biya:pc.”

¹¹ Cdc nc:dc Bvm luto, “Miganga, nokkc suksa:nannc okkosin kamang, odokkc siru:sc orv:dag; okolok no cdc turyala du:nc asidcm pa:ycn?

¹² No ngoluk Abu Jakobmc bottcya:dagnci, sc:kobv ngolum sidc siru:scm bitagji, odokkc bvk avdc tvngkaji, odokkc bv awokvdv:dc, odokkc bvk simvnkvdv:dc?”

¹³ Jisubv bvm lubito, “Sc:kobvi sc asiscm tv:ycnc lckoda tv:lv:ycku,

¹⁴ cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

¹⁵ Cdc nc:dc luto Bvm, “Miganga ngom cdc asidcm bi:pcn, ngo:jen tv:lvng kama:ycpc, cdcmanggom so:pc gvla gckuma:dopc.”

¹⁶ Jisubv bvm luto, “Gvkangkuk, nok milbo:dcm gogta:kuk, odokkc so:pc gvlangkuk.”

¹⁷ Nc:dc Bvm lubito, “Ngokkc milbongc kamang.” Jisubv bvm luto, “Nok lunamdcm lugabdung, ‘ngokkc milbongc kamang,’

¹⁸ Kapila:nc no milbong anggokolo gvkabong, odokkc su:pak sckkolo du:mvndu:nc cdc nok milbo:mang; cdcm aroru:pc no luto.”

¹⁹ Nc:dc Bvm lubito, “Miganga ngo kindung jc no lungor luncko.

²⁰ Ngoluk lekekc abukvdv:dc so adi:so kumka; odokkc nolu ludag Jerusalemdc:na mo:di:dc okolo tani:kvdv:dc kumpcnammcji.”

²¹ Jisubv bvm luto, “Nc:nga, ngom mc:jvgtoka, ayirdc pvnga:du:bong cdvlo so adi:so:daggom Jerusalemdo:daggom nolu Abumc kumycpc.

²² Nolu okodcm kinma:ji cdcm ngolu kumdag; ngolu okodcm kindagji cdcm ngolu kumdo, kapila:nc mopvtnamdc Jiwudi:kvdv:dokkc lenyc.

²³ Cmpige:la ayirdc pvnga:du:bong, odokkc su:pakna, kumnckvdv:dc cdvlo Abudcm yalokokki odokkc arokokki kumycpc, kapila:nc cdcmpcna Abudc Bvm kumtoka cmna madagnc.

²⁴ Ru:ncpvnbv Yallo, odokkc bvm kumnc takamc yalokokkilang arokokki kumpa:yc.”

²⁵ Nc:dc Bvm luto, “Ngo kindag Messia:bv gvdung (sc:kobvm Kristo cmdagji;) cdvlo Bv gvycji, Bv ngolum appvngcm lcngkanyc.”

²⁶ Jisubv bvm luto, “Ngowv:na sc:kobv nom ludu:ji Bv.”

²⁷ Oddar Bvk agom tadjvgla gvmvnnc kvdv:dc gvangamdoku. Bulu Bvm nc:ng akokokki luposula du:namdcm ka:la mc:la mcngabla:tomang, ckvdaggom okkomsin lutomang. “Nolu okkomna mc:dag?” Cdcmpcmanggom, “No kapila bvkkokki luposudu:n?” cmna.

²⁸ Cdcmpila cdc nc:dc bvk asi gcnancdcm mcto, odokkc nogorpc gvpakkangku, odokkc tani:kvdv:dcm lubitoku,

²⁹ “kajc gvla ka:ta:ka tani: akoncjc ngok ager gernam appv:dcm lungapbitonc. Bvwvng Kristobv:nci?”

³⁰ Bulu nogordokkc gvlenamto odokkc bvkkolo:pc gvngapto.

³¹ Cdcmarpc idodcm agom tadjvgla gvmvnnc tani:kvdv:dc scmpc lula, Bvm mato, “Rabbi, dopo:tok.”

³² Cmpige:la Bv bulum luto, “Okodcm nolu kinma:nc ngokkc cdcmpinc donamc dung.”

³³ Odo agom tadjvgla gvmvnnc tani:kvdv:dc akoncm akonc luka:mvnsuto, “Sc:koiyc Bvm donamcm boma:bitaganci?”

³⁴ Jisubv bulum luto, “Ngok apindc Bvk mcngkampc ager gernamdc sc:kobv ngom mclvgtagji, odokkc Bvk agerdcm ingapdopc.

³⁵ Nolu luma:lang, ‘Po:lo pvnyiko iycmvlo a:mcm gaddvka:bong?’ Ngo nolum lubidung, nolug amigcm bcrsa:la ka:toka, odokkc ka:tok arvgc minna gadkanka:bo:nc.

³⁶ Sc:kobv gadycnc bv garrcm pa:dag, odokkc turyarla turnamdok a:ycm pvrdag, odomvlo a:m pidncdc:la gadncdc lckko:pc mc:poyc.

³⁷ Kapila:nc sc lunamsc lugabru:dag, ‘Akonc piddag odokkc akondc gadkumdag.’

³⁸ Ngo nolum gadta:ka cmna mclvgtojc okodok lcgangc nolu agercm germa:ji; akke ager gerto, odokkc nolu buluk ager gernamdo gva:to.”

³⁹ Samaria:dokkc bojcrungc Samariangc Bvm mc:jvgto cdc nc:dok lukanbinamdokki, “Bv ngok gernam appv:dcm lungapto cmnamdcm tadla.”

⁴⁰ Cdcmpila cdvlo cdc Samariang kvdv:dc Bvkkolo:pc gva:doji, bulu Bvm buluk lcdulo du:mvndopc luto; odokkc odo Bv lo:nyikopc du:to.

⁴¹ Odokkc bvk agomdokki bojcru:yangc mc:jvgto.

⁴² Bulu cdc nc:dcm luto, “cdc nok agom dokkima:bong ngoluk mc:jvgnamdc, kapila:nc ngolu avyc avkcpc tadbegsutobong, odokkc sc:ru:bong mo:pvsok mopvtkuncdc.”

Jisubv Migom Ager Gernclok Awoko Csa:mokunam

⁴³ Lo:nyi lcdudokkc Bv Galilpc gvpakkang.

⁴⁴ Kapila:nc Jisubv avdc lukansubito jc lungor luncdokkc avkc amo:do mcnggc kamang.

⁴⁵ Cdcmpidag cdvlo Bv Galilpc gvlattokuji, Galildok tani:kvdv:dc Bvm mc:popc tomrvgsutoku, Jerusalemdok appv:do dodo-tv:dodcm inamdcm kangge:la, kapila:nc bulusin donam tv:namdo:pc gvka.

⁴⁶ Cdcmpila lckoda bv Galildok Kanna:do:pc gvtoku, okolo bv asscm angur ala:pc imokaji. Odokkc Kapernaumdo migom ager gernckolok awokonc ramdungai.

⁴⁷ Jisubv Judia:dokkc Galildo:pc gvdoku cmna cdvlo bv tattoji, bv gvla bvk awodcm csa:moteikuk cmna kumna lurobbomkang, kapila:nc bv sipcmna idungabong.

⁴⁸ Jisubv cdcmpila bvm luto, “Nolu kanggodkolang mcngapla:ma:nam agerko ka:ma:sisscm mc:jvgma:yc.”

⁴⁹ Migom amidc Bvm luto, “Miganga ngok awodc sima:dapc no gvtok.”

⁵⁰ Jisubv bvm luto, “Gvkangkuk, odokkc nok awodc turyckupc.” Cdc tani:dc Jisukc bvm lunam agomdcm mc:jvgto odokkc bvk gvkupcko lambcdok gvkangku.

⁵¹ Bv gvkunammc, bvk ager gerya:nc tani:kvdv:dc rvgsula ko:dc:jc csangkangku bvm lubito.

⁵² Cdcmpila bv bulum cdv ayirdokkc bv csangrobbomkangkuji: tawuto, odokkc bulu bvm lubito, “Mclo kvnvd ayirdo ramnamdc aikangku.”

⁵³ Cdc ayirardowai cdvlo Jisubv bvm lukaji abudc kindagai. “Nok awodc turyckupc.” Odokkc bvk cra:pagc.

⁵⁴ Cdcmpc cdc lckondcai Jisubv:jc Judia:dokkc Galilpc gvdodokkc kanggod lcngkannamdc.