IPESIANG KVDVNG 4 - ANU LUGOD N. T. (BSI)

Amvrdok Lckko:nam

¹ Ngo cdcmpila, Ru:tumkc lcgangc makana:lo tumnamc, kumna ludung nolum gognamdok arckadopc turnamc turra dunggcdopc okolopc nolum gogtoji,

² appvng adji:sula du:namki odokkc asin ansv:la, mentumsunamki, aipc mc:la akoncm akonc mc:yinmvnsula,

³ Yalodo lckolakkopc inamdcm du:tv:la mcnganno lckopc du:dopc.

⁴ Amvr akkongko odokkc Yalo akkongko, kapc nolum mc:tin akkongkolo:pc gogtagaji cd nolum gognamdokkc,

⁵ Ru:tum ako, mc:jvg ako, baptismong ako Ru:ncpvnc ako odokkc ngoluk appvngkc Abbo.

⁶ Sc:kobv appvngcm taycngarya:ngc odokkc appvngkokki, odokkc appv:lo.

⁷ Cmpige:la aya:dcm ngoluk appvngcm bitungai Kristokc amandok kvnamdcmpc.

⁸ Cdcmpila cdcm lutag, “Cdvlo Bv taycng amo:pc dc:sangkangkunc Bv makana:lo ycngabla lc:namkvdv:dcm gvbokangku. Odokkc Bv tani:kvdvngcm amancm bito.”

⁹ “Bv dc:sangkangku” cdcmpc ludodcm, cdc okko cmna ludang cmpige:la jc Bv mo:pvsok kcvgkc atakkvdv:do:pcsin gvitonc?

¹⁰ Sc:ko Bv gvitonc cdc Bv sc:ko taycng among appvngcmyam owudru:pc mo:tc:pc dc:sangkangku, jc Bv:jen appvng attarcm pvngapmoycpc.

¹¹ Odokkc Bvk amankvdv:dc jc akke mclvgla ager gerncpc ipa:do, akke lungor luncpc, akke tadponc do:yv:dcm lubincpc, akke mondoli: kanggurncpc odokkc poyirncpc.

¹² Aipc kumnc tani:kvdv:dcm mosv:pc ager gernamdok lcgangc, Kristokc amvrdcm mosa:pc.

¹³ Ngolu mc:jvgdok lckko:pc du:namdcm pa:ma:sisscm odokkc Ru:ncpvnckc kinnam agomdcm, tani:pc inamdcm mc:jvsumopc, Kristokc pv:namdok owuddcm kvpc.

¹⁴ Odomvlo jen ngolu ko:ka:pc itvla du:ma:ycbong, olotolopc dcnggo:bomma:dopc odokkc o:rv:nc agomnok csarro yugo:bomdopc, tani:kvdv:dok aima:namki, bulu aima:n agerkokki yadgo:pc yadnamkokki.

¹⁵ Cdcmyam, arodcm aipc mc:la lula, ngolu Bvkkcpc appvng agerlo bottcpcnamc sc:kobv mittukdc:ji.

¹⁶ Kristokolo, sckkolokkc amvr appv:dc, morvgsutagji odokkc morvgsuko appv:dcm morvgsutagji okodokki cdcm mclvgtagji, cdvlo appvng intung kvdv:dc aiyo:pc ager gerdagji, amvrpc sv:sa:modag odokkc aipc mc:namlo avdc avyc mosa:dag.

Kristokolo Anupc Turnam

¹⁷ Su:pak scm ngo kvnggv:pc cdc cmna ludung odokkc Ru:tumkolo lukanbidung, jc nolu Ru:ncmc kinma:nckvdv:dok dungkamdakkampc du:pcru:namma:yc, buluk asin mc:nam-sagnamdok cmmumpc inamkvdv:dcm;

¹⁸ buluk mc:namdc kcmodag, Ru:ncpvnckol turnamdokkc angudag bulukkolo kinma:pa:ma:pc du:namkvdv:dokki, buluk asinkvdv:do tornamkvdv:dokki.

¹⁹ Bulu asin torkcng kcrc:ncpc ikang odokkc bulu avkvdv:dc aima:pc yammnc mago-kanggo:ncpc ikang, appvng narc:ma:nc agercm ilvng-gvlvngmole:dag.

²⁰ Nolu cdcmpc Kristomc kinmanggai!

²¹ Mc:jvgla jc nolu Bvk agomcm tadtobong odokkc bvkkolo luyirkosuto, kapc arodc Jisukolo:ji.

²² Noluk po:pckc scwu-sobabdcm la:paksuto okolo noluk po:pckc scw-sobabdok ikam-gvkamdokka:ji odokkc aima:pc inamsa:namc yadla yamnc la:lv:namkokki.

²³ Odokkc noluk asinkvdv:dok yalodo anumonamc, odokkc anu scwu-sobabdcm gcdo,

²⁴ Ru:ncpvnck dumsimigmoru:pc ru:nam aropc dormokanamki odokkc angukokki.

²⁵ Cdcmpidag, lume:agomcm mcge:la, kajc appvngc kumrvko:rcm aro-agomcm lulai, kapila:nc ngolu akonc akonlok adinamvrc.

²⁶ Aglvngc sa:langka cmpige:la pa:bcm ima:pcka; do:nyidc owa:ma:dapc nok aglvgcm sangasumolangka.

²⁷ Odokkc uidcm okkomsin ido-gvdopc ayircm biyoka.

²⁸ Dopso:dcm dopso:moyobongka, cmpige:la cdcmyam bvm agercm germotoka, bvk alakdokki ainc agerko imola, odomvlo jen bv cdc sc:kobulu modagji bisula:ycpc.

²⁹ Noluk nappang kvdv:dokkcm oko aima:nc agomcmsin lenmoyoka, cmpige:la mosa:la:dopc okodc aidagji cdcmpincdok ma:mvlo, ayirdok manamdok aincdcmmong, jc cdc sc:kobulu tadycnc ayangcm mcnga:moycpc.

³⁰ Odokkc Ru:ncpvnckc Angunnc Yalodcm mc:nying moyoka, sckkolo nolum muworcm tubjettagji motunam longcdok lcgangc.

³¹ Appvng koncasin gcnam odokkc ku:bclang aglvngc odokkc jc:tak kutagclang agom tadnyi:pc lunamc nolukkolo du:ma:pcka, appvng ncka:mvnsunamki odokkc.

³² Akonc akoncm asin ansv:pc mc:mvnsula ansv:n asinkokki, akonc akonc mcyinsula, kapc Ru:ncvbv nolum Kristokolo mcyinsutoji.