HIBRIUKVDVNG 10 - ANU LUGOD N. T. (BSI)

¹ Kapila:nc lujvg-lurodc yalomumkopc ila:yam ainc attarkvdv:dok sc arokvdv:sok ncrkvgkvdv:sok, cdc cdvlosin ila:mang, cdc c:mong palvgnamkvdv:dokki okodcm bulum bitvla dv:tak lcdulokkc dv:tak lcdulo:pc bidungaji, cdc sc:kobulu gva:dagji aiyo:pc aimodag.

² Ckvma:mvlo, bulu palvgngasuma:yalang? Kumnckvdv:dc lcko jodi narc:motobong, bulukkc cdvlosin pa:bcm mc:namc kama:ya:bo:pc.

³ Cmpige:la cdc palvgnamkvdv:do pa:bcm mc:pa:mokunamko dung dv:tak lcdulokkc dv:tak lcdulo:pc.

⁴ Kapcnc cdcmpc ila:mang jc vbo so:bolok odokkc sobennok i:kokki pa:bcm la:pakla:namdc.

⁵ Odokkokki, cdvlo Kristobv mo:pvso:pc gvtonc, bv luto: “Palvgnam kvdv:dc odokkc binamkvdv:dcm no matomang, cmpige:la no ngok lcgangc amvrko ru:to;

⁶ romna bikolo odokkc pa:plcgang palvgnamkvdv:dcm no mc:pomcngantomang.

⁷ Odo ngo luto, ‘Ka:toka, ngo nok mcngkam agercm gerkapc gvdung, O Ru:ncpvnc, cdcm kapc attakji ngok agomcm cdc yedla lc:nam potindo.’ ”

⁸ Cdvlo Bv lutonc tayc:to, “No palvgnammcm mc:tomang cdcmanggom mc:pola torvgsutomang binamlo odokkc romna binamlo:bulu odokkc pa:plcganc binamlo” (sc:bulu lujvgluro dokkcmpc binam,)

⁹ odo Bv lutcmto, “Ka:toka, ngo nok mcngkam gerkampc gvdung.” Bv lupo:namdcm la:pakto akondcm mogappc cmna.

¹⁰ Odokkc odo mcngkamdokki ngolum narcdopc mopu:to Jisu Kristokc amvrdcm tolvgla bila lckkattcrcm lo:dvlongkv lcgangc.

¹¹ Odokkc appvng dormo ager gernclok bottcnc kvdv:dc longgcm longgcm buluk ager kvdv:do daga:do cdc c:mong palvgnam kvdv:dcm bila, okodc cdvlosin pa:p kvdv:dcm la:pakla:ma:ji.

¹² Cmpige:la cdvlo Kristobv appvng ayirlok pa:p lcgangc palvgcm akkongkopc bito, Bv Ru:ncpvnckc alag lagbvgpc tedkang,

¹³ odokkc Bvk mirukvdv:dcm alc lcgcng kungke:pc ima:sisscm toya:la dungkang.

¹⁴ Kapcnc binam akkongki Bv appvng ayirlok lcgangc aiyo:pc aimoto cdc sc:kobulum narc:pc mopu:toji.

¹⁵ Odokkc cdc Angunnc Yalodc:sin ngolum lukanbidag; kapcnc scmpc luge:la,

¹⁶ “Scmpcna lugoddc jc ngo bulukkokki luycnc odo longckvdv:dok lcdudo, Ru:tumbv ludag: Ngok lujvglurokvdv:dcm buluk asinkvdv:do adlvgyc,”

¹⁷ Odokkc Bv lusetto, “Ngo buluk pa:pkvdv:dcm odokkc buluk imursiyarkvdv:dcm mc:pangkuma:bong.”

¹⁸ Okolo sokbuluk mc:yinsunamc du:ji, odo pa:plcgangc oko binamcsin kama:bong.

Kajc Ru:ncpvnckc Kcra:pc Gva:lai

¹⁹ Cdcmpidag, bvrrangkvdvnga, ngolukkc Jisukc i:dokkc kumko mo:takdo:pc gva:nanc mc:tinc du:namc,

²⁰ anupc odokkc turnc lambcdokki okodcm Bv ngoluk lcgangc moge:tonc sorkomnam gasordokkc, cdcyam, Bvk adindokki,

²¹ odokkc ngolukkc bottcru:nc dormo ager gerncko Ru:ncpvnckc okumdokkcpc,

²² kajc aro asinki kcra:pc gva:lai mc:jvgc pv:namrungko du:la, ngoluk asinkvdv:dc abkatla narc:la odokkc aima:si:ma:nc mc:namlokkc odokkc amvrkvdv:dcm angunnc asikokki.

²³ Kajc ngoluk mc:tinnamdok pesunamdcm gagtvla du:lai olototo:pc bcngo:ma:pc, kapcnc sc:kobv pesutoji mc:jvg jvrvgdag;

²⁴ odokkc kajc mcngcsagclai kapc akoncm akonc aipc mc:mvnsudopc odokkc ainc agerkvdv:dcm gerdopc lubonnvglai,

²⁵ lckopc rvgsunammcm mc:yamc:sama:pc, akke kapc iyitdagji, cmpige:la akoncm akon lusv:lvgla, odokkc appv:dcmyam nolu ka:toka Longcdc aninpc pvnga:du:bong.

²⁶ Kapcnc ngolu jodi kindantu:la pa:bcm iyc aro mc:jong agomdcm kinge:la:sin, odo pa:plokkvdv:dok palvgc dungkuma:bong,

²⁷ cmpige:la pcsoru:pcnam kcbang bangkupcnamko dung, odokkc vmvdok dornamko okodc aisi:ma:nc agerdcm gerncdcm ugpakyckuji.

²⁸ Tani: akonc sc:kobv Mose:kc lujvglurodcm imurdoji sido mc:yinsunam kama:pc anyiko cdcmanggom awumlok lukanbinamkokki,

²⁹ cddvko bojcya:pc palvgcm pa:pcnamcm sc:kobv Ru:ncpvnckc Awodcm mc:yamc:sancdc, odokkc lugoddok i:dcm narc:ma:pc imoncdc okodokki bvm narc:motagaji, odokkc aya:nc Yalodcm ipusire:ncdcm?

³⁰ Kapcnc ngolu Bvm kindag sc:kobv lutoji, “Palvgko lvgkunamdc ngokkc, ngo palvgycku.” Odokkc lckoda, “Ru:tumbv Bvk tani:kvdv:dcm kcbangcm ba:ycku.”

³¹ Turra du:nc Ru:ncpvnckc alagdo owa:namdc pcsopcnamc.

³² Cmpige:la po:pckc longckvdv:dcm mc:pa:toka cdvlo, nolum pvang kinnamcm kinmo:ge:la, nolu torncrung momvnsunamcm du:g kvdv:dcm gvla mentumsuto,

³³ lcko lcko cdcmpc inamkvdv:dok ajonpcbulu ila.

³⁴ Kapcnc nolukkc makana:lo tumnam kvdv:dok lcgangc aya:sitapc mc:namc dungai, odokkc nolu mc:popc noluk kanam-sv:namkvdv:dok rotkutnam kvdv:dcm torvgsuto, kapcnc nolu kindagai jc nolu avkvdv:dokkc aiya:nc kanam-sv:namc dungai odokkc du:mvntvnc ako.

³⁵ Cdcmpidag noluk mcngkvsunam kvdv:dcm crpakyoka, odokkc bottcru:nc amanko du:ji.

³⁶ Kapcnc nolukkc mentumsunamcm mapcnammc, odomvlojen nolu Ru:ncpvnckc mcngkamdcm iycpc odokkc okodcm pesutoji pa:ycpc.

³⁷ “Kapcnc ckvdaggom ayir adji:okoda, odokkc gvkupcncdc gvycku odokkc ngedtedla du:ma:yc;

³⁸ cdcmpidag ngok dormo kancdc mc:jvgkokki turyc, odokkc jodi bv lamkupc ngedtedyc, ngok yalosc bvkkolo mc:poma:yc.”

³⁹ Cmpige:la ngolu cdc ngedlatsukunc kvdv:dokkcmang odokkc momvgnam kvdv:dokkc, cmpige:la cdc sc:kobulukkc mc:jvgc du:ji odokkc buluk yalokvdv:dcm lc:do.