AGER KVDVNG 4 - ANU LUGOD N. T. (BSI)

Kcba:do Pitorbv:lang Jo:nbv

¹ Odokkc bulu tani:kvdv:dcm lula du:dodcm, kumko okumdok dormo ager gerncdc:lang mimag moddom daggcbonc odokkc Saddusi:kvdv:dc bulukkolo:pc gva:to,

² lukvn-lumvnna lcga:dc bulu tani:kvdv:dcm luyirnamdokki odokkc Jisukolo sikolokkcm turnamdok agomcm lutadgo:binamdokki.

³ Odokkc bulu bulum ycnggabto odokkc makana:lo tumna longkondo:pc lc:to, kapila:nc odo yummcidagaboi.

⁴ Cmpige:la bojcrungc sc:kobulu agomkvdv:dcm tattonc mc:jvgto; odokkc tani:kvdv:dcm kvnamc lvngko anggokvramko idagai.

⁵ Rokondo buluk migom donckvdv:dc odokkc abv:nc kvdv:dc odokkc ainc agom adgabnc kvdv:dc Jerusalemdo lckopc gvkumsuto,

⁶ dormo ager gernclok bottarya:nc Anna:bv odokkc Kaiapa:bv odokkc Jo:nbv:lang Alekjandarbv, odokkc dormo ager gerncdok bottarya:ncdok ope:kvdv:dc.

⁷ Odokkc cdvlo bulu pongkokdo du:motonc, bulu tawuto, “Oko ilang gvlangkokii cdcmanggom oko aminkokki nolu cdcm gerton?”

⁸ Odo Pitorbv, Angunnc Yalodc du:bomdanna du:la, bulum luto,

⁹ “Tani:kvdv:dcm odokkc abv:nckvdv:dcm migompc ila ka:bomnc kvdvnga, nolu silo lcbe:la gvnckoncm ainc agerko gernamdok agomcm anka:la ka:ya:mvlo, oko kokki sc tani:scm aimotokunc cmna,

¹⁰ cdcm nolu appvngc kinka:langka, odokkc Israeldok tani: appv:dc, jc Najaretolok Jisukc aminkokki, sc:kom nolu kuruslo pvtketonc, sc:kom Ru:ncpvncbv sikolokkcm la:sa:tokunc, bvkkokki sc tani:sc noluk kcra:so aiyo:pc dagdung.

¹¹ Sc:na vlv:dc okodcm nolu okum monckvdvngc mcpakla lc:tungaji, cmpige:la okodc su:kdok bottarya:nc vlv:pc ika:ji.

¹² Odokkc sckkolo:sin motur turnamc kamang, kapila:nc taycng kcyvgso oko amincsin kamang tani:kvdv:dok ara:lo okodokki ngolu mopvsupcnammcji.”

¹³ Cdcmpc Pitorkclang Jo:nkc torpc lula:namdcm kangge:la, odokkc ka:namc bulu ponc-lunc tani:mang, cmmum tani:yc, bulu mc:la mcngapla:tomang, odokkc bulu kinto bulu jc Jisukc lcdulo dungai cmna.

¹⁴ Cmpige:la tani:dcm kangge:la cdc buluk kcra:do ailangkula dagla du:namdcm, bulu o:kosin lujckko lupcnam katomang.

¹⁵ Cmpige:la cdvlo bulu bulum lulvgla lutoji kcba:dokkc gvyodla gvdopc, bulu akoncm akonc luka:mvnsuto, scmpc lula,

¹⁶ “Sc tani:kvdv:scm ngolu kapc iyya:n? Kapila:nc cdc buluk amin gvdopc tadgcnam inam kanggodokki Jerusalem du:nc dagnc appv:scm lcngkanto, odokkc ngolu cdcm lupakla:mang.

¹⁷ Cmpige:la tani:kvdv:dok ara:lo cdc odokkc cmpcsin tadbu: ma:dopc kajc bulum sc aminsok agomcm ludanyobong cmna bulum lutadlai.”

¹⁸ Cdcmpila bulum bulu gogangge:la Jisukc aminno okkomsin ludanyobong cdcmanggom luyiryok cmna sanggabdanna lurvdto.

¹⁹ Cmpige:la Pitorbv:lang Jo:nbv bulum lubito, “Ru:ncpvnckc ka:pc noluk agomcm tadnamdc aiya:dagnci Ru:ncpvnckc agomdcm tadnamdcmyam, nolu ka:pa:ru:yc;

²⁰ kapila:nc ngolu okkom ka:tonc odokkc tattonc ngolu lubima:pc du:la:mang.”

²¹ Odokkc bulu lckoda bulum morvdge:la bulum bulu mclvgtoku, bulum oko dcmpcmopcnam lcgangcmsin tani:kvdv:dok lcgangc pa:ma:la; kapila:nc tani: appv:dc Ru:ncpvncmc aipai bito kapc ika:ji odok lcgangc.

²² Kapila:nc oko tani:dcm bulu cdc csa:mokunam kanggoddcm lcngkantonc yi:pi: dv:takoyam bojcyangko idagaboi.

Mc:jvgla Gvmvnnckvdv:dc Kvnggv:pc Torpc Gerla:nam Lcganc Kumnam

²³ Bulum cdvlo mclennvgtokunc bulu buluk ajonkvdv:do:pc gvkangku odokkc dormo ager gernckvdv:dc odokkc abv:nckvdv:dc bulum kapc lutoji lubitoku.

²⁴ Odokkc cdvlo bulu cdcm tattoji, bulu lckopc buluk agomcm Ru:ncpvnckoto:pc jc:sa:to odokkc luto, “Appvngcm ka:bomnc Ru:tuma, sc:ko taycngtcm odokkc mo:pvscm odokkc siycngcm odokkc odok du:nc appv:dcmbulum ru:lentonc,

²⁵ sc:kobv ngoluk Abu Dawidkc nappangki, nok ager gerya:ncdc Angunnc Yalodokki lukanc, ‘Angutani:kvdv:dc kapila aglvng sa:dang, odokkc tani:kvdv:dc cmmum agomkvdv:dcm mcnggo:dang?

²⁶ Mo:pvsok migomkvdv:dc attarkvdv:dcm bulu av avkvdv:dc aiyo: aiyo:pc tvkumsula lc:tung, odokkc migom donckvdv:dcm lckopc langkumamsuto; Ru:tumdok birudi:pc odokkc Bvk vrnamdok birudi:pc.’

²⁷ “Kapila:nc aropakpc sc nogorso nok ager gerya:nc Jisukc agom birudi:pc yadkumsukang, sc:kom no vrtungaji, Herodmclang Pontiudok Pilatmc anyipakdc, Ru:ncmc kinma:nc kvdv:dokki lckopc odokkc Israeldok tani:kvdv:dcm,

²⁸ nok alagc odokkc nok mcngkampc iycpc cmna ru:no:tagaji.

²⁹ Odokkc su:pak, Ru:tuma, buluk morvdnamdcm kangkvtoka, odokkc nok ager gerya:nc kvdv:dcm nok agomcm appvng asin pvtala lula:dopc imotei,

³⁰ cdvloi csa:mokupc cmna nok alagcm ma:lendagji, odokkc kanggodcmna kangagsula du:nam agercm nok angunnc ager gerya:nc Jisukc aminno imotei.”

³¹ Odokkc cdvlo bulu kumtoji, bulu oko mo:tagdo gvkumsukaji yonkukkang; odokkc bulu Angunnc Yalodokki bingkang odokkc Ru:ncpvnckc agomdcm asinang pvtala luto.

Mc:jvgla Gvmvnnckvdv:dc Buluk Du:nckvdv:dcm Orsuto

³² Cdcmpidodcm cdc mc:jvgnc kvdv:dok ajon jonsunamdc asin atcrongkopc odokkc yalo atcrongkopc idagai, odokkc sc:kosin lumangai sc:koi atvko pa:toji cdc bvk avkc cmna, cmpige:la bulukkc appvng attarcmci lcko-lakkopc lc:dagai.

³³ Odokkc kvnggv:pc bottcnc ilanggvlang kokki mclvgla ager gerdopc mclvgnam tani:kvdv:dc Ru:tum Jisukc sige:la turkunamdok agomcm lutadgo:bito, odokkc buluk appv:lo kvnggv:pc bojcpc ayangc dungkang.

³⁴ Buluk ara:lo atvko opannc tani:yc akosin kamangai, kapila:nc cddvkopci among kannc cdcmanggom okumc dungaji cdcmbulum kopagamto,

³⁵ odokkc kola okodcm pa:tagaji odokkc cdcmci mclvgla ager gerdopc mclvgnam tani:kvdv:dok kcra:do tva:lvgto; odokkc sc:koi madaganc ordungai.

³⁶ Cdcmpc Josepbv sc:kom mclvgla ager germonamkvdv:dc Barnaba cmna mintcmna amincm mintagaji (okodc a:ng pvtadopc luncdok Awo cmdaganc,)

³⁷ Lebiangkonc, Siprudok du:ncdagnckonc, bvk arvgkoncm kopakto, odokkc murko:dcm boma:la mclvgla ager gerdopc mclvgnam tani:kvdv:dok kcra:do:pc boma:to.