AGER KVDVNG 14 - ANU LUGOD N. T. (BSI)

Ikoniumdo

¹ Cdcmpinamc Ikoniumdo bulu lckopc Jiwukvdv:dok Ru:ncpvncmc kumko okumdo gva:to, odokkc cdcmpc agomcm lutonc jc bojcrungko tani:yc mc:jgto, Jiwuyclang Girik anyipaklokkc.

² Cmpige:la mc:jvgma:nc Jiwukvdv:dc Ru:ncpvncmc kinma:nc ope:kvdv:dcm nvgurlvgto odokkc bvrokvdv:dok tadma:pc buluk asinkvdv:dcm dvgammoto.

³ Cmpige:la bulu bojcrung ayirkopc Ru:tumkc lcgangc agom lula du:to, sc:ko aya:nam agomdok lukamcm lubitoji, kanggodcmnang kangaksunamcm buluk alakvdv:dokki gerra:dopc bila.

⁴ Cmpige:la nogordok tani:kvdv:dc gvpansukang; akedc Jiwukvdv:dokkcpc kckang, odokkc akedc mclvgla ager gerdop tolvgnamkvdv:dok kcrc:pc.

⁵ Cdvlo Jiwuclang Girikkvdv:dok anka:la ka:namko itoji, buluk migomdonckvdv:dokki, bulum iki:siyatpc cmna odokkc bulum vlvngki crkepc cmna,

⁶ bulu cdcm kinsuto odokkc Listra:pclang Derbi:pc odokkc, dungo:ycgo:dok do:lungkvdv:do:pc;

⁷ odokkc olo bulu tadponc do:yv:dcm lutadbito.

Listra:do:lang Derbi:do

⁸ Cdcmpc idodcm Listrado tani:akonc tedla dungai, sc:kobv bvk alcdokki gvmangaji; bv ododokkcbong lcbe:ru:dagai.

⁹ Bv Poulmc lunamdcm tadto; odokkc Poulbv, bvm ka:jon joronna dungge:la bvkkc csangkunanc mc:jvgc dung cmna kangge:la, bottapakpc bc:dopc luto;

¹⁰ “Darobtok nok alcdokki dagrasula.” Odo bv sumrobkang odokkc lambc gvgongkang.

¹¹ Odokkc cdvlo cdc Poulbv okkom itoji ka:tonc, buluk agomcm jc:la lurobbomkang, scmpc Likoniang agomki lula, “Uikvdv:dc ngolukkolo:pc gvngapdo tani:kvdv:dcmpc ilang ila!”

¹² Barnaba:mc bulu Jius cmna gogdungai odokkc Poulmc, bv agom lunckvdv:dok bottarya:ncpc ila:yam, bulu Hermes cmna gogdungai.

¹³ Odokkc Jiusdok dormo ager gerncdok bottarya:ncdc, okodok kumko okumdc nogordok kangga:pc dungaji, so:bomlang appvng madoli:ycm yabgo gvangkodo:pc langa:to odokkc tani:kvdv:dokki palvgcm papc cmna mc:tungai.

¹⁴ Cmpige:la cdvlo mclvgla ager germonam tani:kvdv:dc Barnaba: bv:lang Poulbv cdcm tattoji, bulu buluk gcnam attarkvdv:dcm bupedamsuto odokkc yadkumsunc tani:kvdv:dokkc bulu daglenamkang, jc:la: jc:la:, “Tani:kvdvnga, nolu kapila scmpc idu:n?

¹⁵ Ngolusin tani:yvngc, nolugvngkcmpc innc, odokkc nolum tadponc lutadko bombitung, nolujen scm cmmum ager sokkc turnc Ru:ncpvnckolo:pc gva:yckupc sc:kobv taycng amo:tcmna mo:pvscm ru:tu:ji odokkc siycngcmna odok du:nc appv:dcm.

¹⁶ Leketo:dvkc opvn kvdv:dcm ope:appv:dcm buluk av avkc gvlvngko lambckvdv:do:pc gvmoto;

¹⁷ Cmpidaggom bulu Bv avdc lukan luma:pc mctomang, kapila:nc Bv nolum aincm ibito odokkc nolum taycng amo:tokkc pcdongcmna: a:yc e:monc dv:tag ayircm bito, noluk asinkvdv:dcm mc:lvgsudopc donam tv:namkila: mc:pomcngankokki.”

¹⁸ Odo agom kvdv:dokki bulu tani:kvdv:dcm palvgcm pama:dopc lutumto.

¹⁹ Cmpige:la Jiwukvdv:dc odopc Antiokdokkclang Ikoniumdokkc gvto; odokkc tani:kvdv:dcm luwurlvgla, Poulmc bulu vlvngkokki crtapto odokkc bvm nogordok ru:yipc solennvgto, bv sika:bong cmna mc:la.

²⁰ Cmpige:la cdvlo agom tadjvgla gvmvnnc kvdv:dc bvk kcra:do dakkumsuka:ji, bv darobto odokkc nogordo:pc gva:toku; odokkc longkondo bv Barnaba:kokki Derbido:pc gvto.

Siria:dok Atiokdo:pc Gvlattoku

²¹ Cdvlo bulu tadponc lutaddcm odo nogordo lubitoji odokkc bojcrungko agom tadjvgla gvmvnncm gvmvnmotoji, bulu Listra:pc odokkc Ikoniumpc odokkc Antiokpc, gvlattoku,

²² agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

²³ Odokkc cdvlo bulu mondoli: appv:lo buluk lcgangc abv:nc ka:sv:ncm agercm togc:lvgotonc, doma:pc menna kumnamki, bulu Ru:tumkolo tolvgto sc:kom bulu mc:jvgtoji.

²⁴ Odokkc bulu Pisidia:dok gvbomna gvto, odokkc Pampilia:pc gvto.

²⁵ Odokkc cdvlo bulu Perga:do agom lutoji bulu Attalia:pc gvkang;

²⁶ odokkc bulu Antiokpc ko:la gvkang, okolo bulum Ru:ncpvnckc ayangcm pa:dopc lulvgtoji oko agerdcm bulu gerpvttoji.

²⁷ Odokkc cdvlo bulu ko:pv:toji, bulu mondoli:dok tani:kvdv:dcm lckko:pc gokkumsuto odokkc Ru:ncbv bulukkokki gernam appv:dcm lubiamtoku, odokkc kapc Bv tani:kvdv:dok ara:lo mc:jvglok yabgoko moge:toji.

²⁸ Odokkc bulu agom tadjvgla gvmvnnc tani:kvdv:dok lcdulo adjio:kosin du:mvntomang.