3 JO:N 1 - ANU LUGOD N. T. (BSI)

¹ Abv:ncdokkc, aipc mc:bomsunam Gaiukolo:pc, sc:kom ngo arodokki aipc mc:dagji.

² Aipc mc:bomsunama, ngo kumdung jc nok lcdulo appvngc aila gvka:lanka odokkc jc nok amvrc csang anpola du:ycpc; ngo kindag jc cdc nok yalodo aila dung.

³ Kapcnc ngo kvnggv:pc mc:pobaddo cdvlo bvrrang kvdv:dok akke gvpv:toji odokkc nok turnamdok arodcm lukanbitoji, kapc aroru:pci no arodcm lukamdcmpc taddoji.

⁴ Ngok ommangc arodcm lukamdcmpc taddag cmnamdcmpcyam, ngokkc bottcya:pc mc:pobatsunammc kamang.

Gaiumc Aipai Binam

⁵ Aipc mc:bomsunam kvdvnga, cdc tadpcru:nam agomcmpc ido cdvlo nolu bvrrang kvdv:dcm atv agerko gerbidaji, anguru:pc kangkinma:nam kvdv:do:pc,

⁶ sc:kobv nok aipc mc:namdcm mondoli:do lukanbitoji. No bulum ainc agercm Ru:ncpvnckcpc geryc bulum gvmokunamdo.

⁷ Kapcnc bulu Bvk lcgangc gvrobka:bong odokkc lc:sula du:nckvdv:dokkcm okkomsin torvgsutoma:bong.

⁸ Cmpige:la ngolu cdcmpinc tani:kvdv:dcm ka:dumsupcnammc, ngolujen arodok ager gerjonpc iycpc.

Diotrepebv:lang Demetriubv

⁹ Ngo o:kaiko mondoli:do:pc addung; cmpige:la Diotrepe:bv, sc:kobv avdc du:pongarncpc ilv:dagji, ngok lulvgcm tadlv:tomang.

¹⁰ Cdcmpidag jodi ngo gvmvlo, bv okkom idu:ji ngok birudi:pc inam appv:dcm aima:nc agomki lulenamyc. Odokkc odokki mc:lvgsuma:pc jc, bv avdc avdcm lupaksudag bvrrang kvdv:dcm tomrvgsupcnammcm, odokkc bulum cdc tomrvgsupcnc kvdv:dcmsin motumdag odokkc mondoli: dokkcmsin la:lennvgdag.

¹¹ Aipc mc:bomsunam kvdvnga, aima:ncdcm ka:yv:sula gvyoka cmpige:la aincdcm ka:yv:sula imvngvmvnnangka. Sc:kobv aincm idagji Ru:ncpvnckc; sc:kobv aima:ncm idagnc Ru:ncpvncmc kangkvmang.

¹² Demetriu:bvkkc appvngkolok lukanbinam dung, odokkc arodokkcmci; ngo bvmsin lukanbido, odokkc no kindag ngok lukanbinamdc arro

Kumtcrpc Kumtadsunam

¹³ Ngokkc bojcrungko nolukkolo:pc adpcnammc dungai, cmpige:la ngo kagojongkokkilang siyaiyong kokki adma:bong.

¹⁴ Ngo mc:dag nolum lomdanna ka:begyc, odokkc ngolu lckopc ka:rvgmvnsudanna luposuyc.

¹⁵ Nolukkolo mcnganc dungka:langka. Ajonkvdv:dc nolum kumtadsudag. Ajonkvdv:dcm kumtadsulangka, buluk appv:dcm ako akko:pc.