Biblia Todo Logo
Bìoball air-loidhne

- Sanasan -

2 TIMOTI 4 - ANU LUGOD N. T. (BSI)

1 Ngo nom Ru:ncpvnckc ka:de:pc lulvgdung odokkc Kristo Jisukc sc:kobv turnclang sinckvdv:dok kcba:ba:nc, odokkc Bvk lennamdokki odokkc migomdokodokki:

2 agomdcm lutadbitoka, ayirro odokkc ayirkama:dowycmsin mcna:ya:pc cmna ilangka, mcnga:motoka, ge:langka, odokkc tadponc luyir agomcm lulang, mentumsunamcm ilang-gvla:ma:pc iyoka odokkc poyirnamlo.

3 Kapcnc ayirdc pvnga:dobong cdvlo tani:kvdv:dc aipaknc poyirnammcm tadka:ma:ycnc, cdcmpige:la a:gnc yerung gctaksula bulu avkc lcgangc avyc poyirncpc isuyc buluk avkc aipc mc:nam kvdv:dcmpc idopc,

4 odokkc arodcm tadma:pc gvyotdag odokkc cmmum lekedo:yvngcm kvgo:dag.

5 Nokkcdan, lo:dcm du:tvdagtvncpc itoka, du:g-gvnamcm gvlangka, lutad lubinc tani:lok agercm gerlangka, nok migom ager gernamcm gerpvtlang.

6 Kapcnc ngo palvgpcnampc idungcibong; mcla gvkunam ayirdc pvnga:du:bong.

7 Ngo bottarya:n mimagdcm moto, ngo dugnamdcm dugamto, ngo mc:jvgdcm mc:tvto.

8 Cdcmpidag, ngok lcgangc dormokanamlok dumlubcm tvlenna lc:bitak, okodcm Ru:tumbv, cdc dormokanc kcba:-ba:ncdc, odo longcdo ngo biycji, odokkc ngommo:mang cmpige:la sc:koi Bvk lenkunamdcm aipc mc:dagji cdc appv:dcm.


Atckpc Lunam Agomkvdvng

9 Ngokkoso:pc lomdanna gvpc aipc antoka.

10 Kapcnc Dema:bv, sc silokc mo:pvscm airu:pc aipc mc:dung, ngom mcpakto odokkc Tissaloniangpc gvkang; Kressenbv Galatia:pc gvkang, Titusbv Dalmatia:pc. Lu:kkc atcrc ngok lcdulo dung.

11 Markmc magablang odokkc nok lcdulo gvbolang, kapcnc bv aipc inc-gvncko ngom idum-gvdumsuddom ibo-gvbojo:ncko.

12 Tikiku:mc ngo Ipesu:pc mclvgto.

13 Cdvlo no gvycnc, ingga:nc bottanc galugdcm cdc Karpuskolo Troa:do mcpaknamdcm bombilangka, potinkvdv:dcmsin, odokkc appv:dcmyam murkong sogcndc.

14 Alekjandarbv ta:m attar moncdc kvnggv:pc ngom aima:pc luksanmoto; Ru:tumbv bvm bvk aima:nc ager gernam kvdv:dok lcgangc palvgcm lvgycpc.

15 Bvm no avyc ansuka:sulangka, kapcnc kvnggv:pc ngoluk lutaddcm lutumto.

16 Ngok lurasupongardo sc:kosin ngokkcpc lumvntomang, appv:dc ngom mcpakto. Bulum odok lcgangc lujcmka:langka!

17 Cmpige:la Ru:tumbv ngok kcra:do dagkang odokkc ngom tornamcm bito pv:dandopc lutaddcm lubidopc, jc appvng Angu tani:kvdv:dc cdcm tadla:dopc. Cdcmpc ngo inggolok nappa:lokkc gvpvtsuto.

18 Ru:tumbv ngom appvng aima:nclokkc moturyc odokkc Bvk taycng dungkodok lcgangc mopvtag. Bvkkcpc amin gvnamdc ika:langka lo:dv-longkcm. Amen.


Lutcr Lukang

19 Priska:mclang Akila:mc kumtadsubilang, odokkc Onesiporu:kc okum cra:dcm.

20 Irastu:bv Korinto:do dungkang; Tropimu:bvm ngo Miletu:do lc:to.

21 Dvgvn a:ma:dapc gvpc cmna no ila:rung. Ibu:lu:bv nom kumtadsudag, kapc Pudenbv odokkc Linu:bv odokkc Klaudia:bv odokkc bvro appv:dc kumtadsudagji.

22 Ru:tumbv nok yalodo du:mvnka:langka. Nok lcdulo ayang-abbo dungka:langka.

Mising New Testament - ANU LUGOD

Copyright © 2001 by The Bible Society of India

Used by permission. All rights reserved worldwide.

Bible Society of India
Lean sinn:



Sanasan