2 KORINTIANGKVDVNG 7 - ANU LUGOD N. T. (BSI)

¹ Cdcmpc ngolukkc cdcmpc pesubinam kvdv:dc du:namc, aipc mc:bomsunamkvdvnga, kajc ngolu avyc avycm narcmosulai appvng narc:ma:nckvdv:dcm amvrrokkcmang yalolokkc, odokkc Ru:ncpvncmc pcsonamki angunnammcm ncrkvgpc angunnai.

Poulkc Mc:ponam

² Noluk asinkvdv:dcm ngolukkolo:pc mc:lvgtoka; ngolu sc:komsin imurcm imang, ngolu sc:komsin aima:nc agercm germomang, ngolu sckkoloksin yadla domang.

³ Scm ngo nolum aimang cmna lunapc lumang, kapila:nc ngo noluk kcra:lo ludung jc nolu ngoluk asin ara:bo dung, lckko:pc sipc odokkc lckko:pc turpc. Ngokkc bojcrungko mc:tinc nolukkolo dung.

⁴ Ngokkc bottcru:nc bottcpc mc:sunammc nolukkolo dung; ngo mc:po mcnganc bi:dung. Ngolum ipusire: idag appv:lo, ngolu mc:pobadsudung.

⁵ Kapila:nc cdcmv:pci cdvlo ngolu Makedonia:pc gva:tonc, ngoluk amvrkvdv:dc du:rasukko kamangai cmpige:la ngolu appv:loi asinc mc:dvrdungai–ru:yido pamvnsunamc odokkc ara:bo pcsso dungai.

⁶ Cmpige:la Ru:ncpvncbv, sc:kobv asin mc:dvrnc du:nckvdv:dcm mc:pomodagnc, Titu:bv gvla ngolum mc:pomoto.

⁷ Odokkc bvk gvnamdokkimang cmpige:la nolu okodokki bvm mc:pomotonc odo mc:pomonamdokki, kapc bv noluk asinang onamcm, noluk mc:dvrra kabla du:namcm, noluk ngok lcga:pc mc:namcm ngolum lubitoji. Odo ngo abayangkoda mc:podopc cmna.

⁸ Kapila:nc cdcmv:pci ngolu nolum ngok do:jvgdokki mc:dvrmotogom, ngo cdcm mc:dvrra mcngkutsumang, kapila:nc ngo ka:begdag jc cdc do:jvgdc nolum asincm mc:dvrmoto, asud ayirongkodaggomci.

⁹ Cdc cdcmpc inamdo, ngo mc:podo, nolu asin mc:dvrga:lokmang, cmpige:la lcga:dc nolu asin mc:dvrra mcngkutsukunam mc:la:yam; kapila:nc nolu ru:nckc mcngkamc asin mc:dvrramc:latsunamko mc:toku, cdcmpc inamc nolu ngolukkokki atvkosin yogmotomang.

¹⁰ Kapila:nc Ru:ncpvnckc mcngkampc asinc mc:dvrra mc:namdc mcngkutsula mcngkunamko mcnga:modag cdc mopvtnamlo:pc mcnga:bodag mc:dvrkupcnam okkosin kakumang, cmpige:la mo:pvsok asin mc:dvrra mc:namdc sinamcm mcnga:bodag.

¹¹ Kapila:nc ka:toka kapinc kvnggv:pc asinsc dormokapc mc:dvrmc:songcm nolukkolo mc:lenmotonc, oko ilanggvlangcm nolu av avkvdv:dcm narc:mopc, kapinc aglvngcm, kapinc pcsomonamcm, kapinc asinang onamcnc, kapinc lubonna lunamcnc, kapinc palvg lvgnamcnc! Agomc apirloi nolu avycm avyc agerdo imur kama:nckopc lcngkansuto.

¹² Cdcmpidag ngo nolukkolo:pc adtogomsin, cdc imur inc tani:dok lcga:mangai sc:kobv imurcm itoji, cdcmanggom sc:kobv imurinamdok lcga:pc palvgcm pa:toji odok lcga:mang, cmpige:la cdcmpc iycpc cmna jc ngoluk lcgangc noluk asin bottapc mc:namdc nolukkolo lendopc cmna Ru:ncpvnckc kangkolo.

¹³ Cdcmpidag ngolum asincm mc:pomotak. Odokkc ngoluk avkc mc:pomonam kvdv:doksin abaya:pc ngolu Titu:kc mc:podo kvnggv:pc mc:poto, kapila:nc bvk yalodcm noluk appvngkokki mc:tinsumoto.

¹⁴ Kapila:nc jodi ngo bvm nolukkolo lubonko lubito, ngom anyi:dopc imangai; cmpige:la nolum lunam appv:dc kapc arodagaji, cdcmpc ngoluk bottapc lusunamdc Titukc kcra:do aropc lcngkanto.

¹⁵ Odokkc bvk asindc nolugkolo:pc otvdag, odokkc pcssolang jinnamki okodokki nolu bvm torvgsutoji.

¹⁶ Ngo kvnggv:pc mc:podag, kapila:nc ngokkc nolukkolo pv:namko mc:tinc dung!