2 KORINTIANGKVDVNG 12 - ANU LUGOD N. T. (BSI)

Poulkc Kangorclang Lungor Lunamkvdvng

¹ Ngo bottapc lubansudo; odokki okkomsin bojcko avnamko pa:namc kamang, cmpige:la ngo Ru:tumkc kangor ka:namlo odokkc lungor lunampc gvyc.

² Ngo tani: akoncm kindag Kristokolo sc:kobvm dv:tak tagyvngkolang takpi:ko po:pc taycng among awumpc dc:sa:moto– amvrtc:tc:pc manggom cdcmanggom amvrkama:pc ngo kinmang, Ru:ncpvncbv kindag.

³ Odokkc ngo kindag jc cdc tani:dcm taycngdo:pc sosa:bomto–amvrpcmanggom amvrkama:pc ngo kinmang,

⁴ Ru:ncpvncbv kindag–odokkc bv agomcm tatto okodcm lubila:ma:nam agomcm tatto, okodcm tani:yc luma:pcsin ido.

⁵ Cdc tani:dok lcga:pc ngo bottapc lubonsuyc, cmpige:la ngok avkc lcgangc ngo bottapc lubonsuma:yc, ngok asinc rcmaknam kvdv:dok angupc.

⁶ Ngo bottapc lubonsupc mc:daggomsin, ngo monba:ba:ncpc imang, Kapila:nc ngo arodcm lutvyc. Cmpige:la ngo odokkc mc:to, odomvlo jen sc:ko tani:ycsin ngom kapc ka:dagnc cdcmyam mc:ma:ycpc cdcmanggom ngokolokkcm tadycpc.

⁷ Odokkc ngom lungor lumamdok pv:sepv:yepc lula kvnggv:pc mc:pola bottcpc mc:namdokkc lc:pc, ta:ngko ngok amvrso bitungai, uilok lutad luncko, ngom moki:moatpc, ngok kvnggv:pc mc:pobadnam dokkcm langcrpc.

⁸ Lcwumkopc ngo Ru:tummc kumna koto, jc cdc ngom mcpakpa:do;

⁹ cmpige:la Bv ngom luto, “Ngok aya:dc nokkcpc pv:dag, kapila:nc ngok ilanggvla:dc rcmagdowcm aiyo:pc aidag.” Ngo cdcmyam mc:po:la bottapc lubonsuyc ngok ilang gvlangma:nam kvdv:dok lcgangc, jen Kristokc ilang-gvla:dc ngokkolo du:tvla du:ycpc.

¹⁰ Kristokc lcgangc, ngo aima:pc ila:ma:namcbulu dung, luka:nammc, torpc ipusire:nammc odokkc dungkoycko kama:nam pcsonammc; kapila:nc cdvlo ngo ilanggvla:ma:nc oddoi ngo kvnggv:dag.

Poulkc Korintiangkvdv:dok Lcgangc Mc:namc

¹¹ Ngo monba:-ba:ncpc dungai! Nolu cdcmpc imoto, kapila:nc ngo nolukkokki aidag cmna lukosupcnammai. Kapcnc ngo kapcsin sc bottcya:nc mclvgla ager gernamkvdv:scm adji:ya:ncmang.

¹² Aropc mclvgla ager germonam tani:lok kanggod kvdv:dcm nolukkolo mcntumsula appv:pc lcngkanto, Kanggod kvdv:dokki odokkc mcngapla:ma:nam agerki odokkc kvnggv:pc bottanc agerkvdv:dokki.

¹³ Kapila:nc oko okodok nolu pv:ramdagnc mondoli:dok ake kvdv:dokkc ngo avycma:mvlo nolum jo:nampc imopc? Cdc immurdcm ngom mc:yinsubilang!

¹⁴ Su:pak ngo lcwumpc nolukkodo:pc gvpc cmna mosv:sudung. Odokkc ngo jo:nampc ima:yc, kapila:nc ngo nolukkc okodc:ji mamang cmpige:la nolu; kapila:nc ko:kangkvdv:dc buluk anc abukvdv:dok lcgangc lcngkumsubipcnam kamang, cmpige:la ancabukvdv:dc buluk ommang kvdv:dok lcgang.

¹⁵ Ngo kvnggv:pc mc:pola korosa:yc odokkc korosa:nampc iyc noluk yalokvdv:dok lcgangc. Ngo jodi nolum aya:domvlo, odokkc ngom adji:ya:pci aipc mc:pcnammcn?

¹⁶ Cmpige:la ngo nolum jo:namko jo:momang cmnamdcm lutoma:mvlo, ngo yadnckoi, nolu ludo, odokkc nolum yadla nolum sogapto.

¹⁷ Ngo nolukkolok pa:badla pa:namko langkanci nolukkolo:pc sc:kobulum mclvgkaji odokbulukkoki?

¹⁸ Ngo Titu:mc gvdopc lulvgka, odokkc bvrodcm bvk lcdulo mclvgka. Titu:bv nolukkolok atvko pa:badnamko langkanci? Ngolu c:mo:pinc yalodokki germangalang? Ngolu c:mo:pinc lckorcm kormangalang?

¹⁹ Siddv longcko ngolukkc gvmurc kamang cmna yaddung cmnai mc:du:n? Cdc Ru:ncpvnckc kangkolo:jc ngolu Kristokolo agom ludung, odokkc nolum appvngcm aimopc cmna:mvn aipc mc:bomsunam kvdvnga.

²⁰ Kapila:nc ngo pcsopc mc:dag jc kapcji ila ngo okodcm mc:ma:ji cdcm nolum pa:ycpc, odokkc nolujen ngomjen pa:ycpc nolu okodcm mc:ma:ji; jc kapcji ila pamvnsunamc lenycpc, ka:lv:ma:namc, aglvngc avyongkcpc mc:namc, lume:pc aima:p lunamc, luman manna lunam agomc, ngo:na cmna lusunammc; odokkc u:jeru:yerra du:namc.

²¹ Ngo pcsopc mc:dag jc ngo cdvlo lckoda gvycnc ngok Ru:ncpvncbv noluk kcra:lo ngom asincm ansv:moycpc, odokkc ngo cdc bojcrungko sc:kobulu po:pc pa:bcm ikanc odokbuluk lcgangc mc:dvrra kappa:ycpc odokkc narc:ma:nam lcgangc asinc mc:dvrra mc:lattokuma:ji, aisi:ma:nc ager gernam kvdv:dok lcgangc, odokkc nc:ng ka:bogo:namc okodcm bulu idaggvdagji.