2 JO:N 1 - ANU LUGOD N. T. (BSI)

¹ Abv:ncdokkc cdc balennam nc:do:pc odokkc bvk ommang kvdvdo:pc, sc:kom ngo aropc aipc mc:dagji, odokkc ngowo:mang cmpige:la appv:dc sc:kobulu arodcm kindagji,

² arodok lcgangki okodc ngolukkolo du:tvmvndagji odokkc ngolukkolo lo:dv longkvpc du:mvnycji.

³ Ayangc, mc:yinsunamc, odokkc mcnganc ngolukkolo du:mvnyc, Ru:ncpvnckolokkc cdc Abudokkc odokkc Jisu Kristokolokkc cdc Abudok Awodokki, cdc arodo odokkc aipc mc:namdo.

Arrolang Aipc Mc:namc

⁴ Ngo kvnggv:pc nolukkolok ommang ckkc arodcm mc:la gvmvnnamdokki mc:pobatsuto, kapc ngolum Abudc lulvgtoji.

⁵ Odokkc su:pak ngo nom kumna ludung, ambvra, ngo anu lulvgkkoncm addung cmna lumang, cmpige:la cdc ngolukkc po:pclokkcbong du:ncdcm, jc ngolu akoncm akonc aipc mc:dag.

⁶ Odokkc sc:na aipc mc:namdc, jc ngolu Bvk lulvg lunamdcm lukamdcmpc gvmvndo; cdcna lulvg lunamdc, kapc nolu lendo dokkcbong tattoji, jc nolu aipc mc:namcm lukamdcmpc gvmvnnangka.

⁷ Kapcnc bojcrungko yadnc rcngamso gvlenamka:bong, sc:ko tani:kvdv:dc Jisumc adin amvrpc gvnamdcm arro cmna luma:ji; cdcmpinc tani:dc:na yadncdc odokkc Kristobirudi:dc.

⁸ No avycm avyc ka:sutoka, jc no okodok lcgangc agercm gertonc cdcm yogmoma:ycpc, cmpige:la pv:namkopc amancm pa:ycpc.

⁹ Sc:kobvi gvgcla gvdonc odokkc Kristokc ncrkvg agomdcm lukamdcmpc Ru:ncpvncbv kamang; sc:kobv ncrkvg agom lukamdcmpc du:tvdagnc Abudc:lang Awo anyipakdc du:ng.

¹⁰ Sc:kaiyc jodi nokkolo:pc gva:yc odokkc sidc ncrkvg agomscm gva:bomma:yc, bvm okumdc torvgsuyoka cdcmanggom atvko kumtadsuyoka;

¹¹ Kapcnc sc:kobv bvm kumtadsuycnc bvk aima:nc agerdcm gertc:mvndag.

Lutcr Lungap Agomkvdvng

¹² Ngokkc bojcrungko adpcnam dunggagom, ngo kagojcmmang siyaiycm adnama:ycbong, cmpige:la ngo mc:dung ngo nokkolo:pc gvla ka:la:ycpc odokkc nom ka:rvgmvnsula uposula:ycpc; odomvlo jen nok mc:pobadnamdc pv:danycpc.

¹³ Nok balennam bvrmcdok ommangkvdv:dc nom kumtadsudag