1 KORINTIANG KVDVNG 7 - ANU LUGOD N. T. (BSI)

Midang Monam Agom Tawunam

¹ Su:pak noluk agomdcm okodok agomcm adkaji. Cdc milbo:lokkcpc nc:ngko sudkvma:namdc aidag.

² Ckvdaggom aisi:ma:nc ager gerrv:namlo ankang kangkvnamkokki, appvng milbong taniyc bvk nc:ngko du:pa:do odokkc appvng nc:nglokkc bvk avkc milbongc du:pa:do.

³ Milbo:dc bvk nc:dok mida:monamdok pa:pcnamdcm bipa:do, cdcmv:pc nc:dc:sin bvk milbo:dcm.

⁴ Kapila:nc nc:dc bvk avkc amvrdcm motusula:mang, cmpige:la milbo:dc motumdag; cdcmv:pc milbo:dc bvk avkc amvrdcm motumsula:mang, cmpige:la nc:dc motumdag.

⁵ Akoncm akonc nv:paksuyoka asudowko mcngkvla tolvgsunamdok ma:mvlo, jc no avyc kumnamno kumna du:ma:mvlo; cmpige:la odokkc lckoda gvpumsulangkuk, ckvma:mvlo nolum ka:bomc:bomoyc avyc asinc mc:tumsula:ma:la.

⁶ Ngo scm aya:sitapc mc:la lunamki ludung, lulvgla lunamkimang.

⁷ Ngo mc:dagai appvng ngok avyngkcmpc iya:mvlo. Cmpige:la appvngkc bvkkc bvkkc Ru:nckolok pa:nam amanc dung, akonc abangkonc odokkc akonc abangkonc.

⁸ Amilo gvma:nc kvdv:dcmnang tumbo nc:ngkvd:dcm ngo ludung jc bulukkcpc atcrpc du:namdc aidag ngo kapc du:ji.

⁹ Cmpige:la bulu avyc mentumsula du:namcm dungkinma:mvlo, bulu midangcm mopa:do. Kapila:nc mc:la mcrugc dornamdcmpcyam mida:monamdc aiya:dag.

¹⁰ Mida:monckvdv:dcm ngo kvnggv:pc lunamko ludo, ngo:mang cmpige:la Ru:tumbv jc nc:dc bvk milbo:dokkc mcpakmvnsu pcma:nammc;

¹¹ (ckvdaggom bv iycmvlo, bvm atcrongcm du:molang cdcmpcmanggom bvk milbo:dokki lckomotokuka) odokkc jc milbongc bvk nc:dcm mcpakpangkumang.

¹² Du:nc akedcm ngo ludung, Ru:tumbv:mang, jc bvro akolokkc nc:ngkonc du:ycmvlo sc:kobv mc:jvgma:nckonc, odokkc bv bvk lcdulo du:mvnpc cmna luyc, bv bvm mcpakpa:mang.

¹³ Nc:ng akolokkc milbongko du:ycmvlo sc:kobv mc:jvgma:nc, odokkc bvk lcdulo bv du:mvnpc cmna luyc, bv bvm mcpakpangkumang.

¹⁴ Kapila:nc mc:jvgma:nc milbo:dc bvk nc:dokki angunncpc idag, odokkc mc:jvgma:nc nc:dc bvk milbo:dokki angudag. Ckvma:mvlo, noluk ommangkvdv:dc narc:ma:yc, cmpige:la cdcmpc ila bulu angundag.

¹⁵ Cmpige:la mc:jvgma:nc ajondc gvpansupc mc:ycmvlo, cdcm cdcmpc imotoka; cdcmpinc agerdo cdc bvrodcma:m bvrmcdcm yc:tummang. Kapila:nc Ru:ncpvncbv ngolum gogto mc:pomcngan lcgangc.

¹⁶ Nc:nga, kapc no kindon nok milbo:dcm mopvtla:ycji: mopvtla:ma:ycji? Milbonga, kapc no kindon nok nc:dcm kapc mopvtla:ycji?

Ru:ncpvncbv Kapc Nom Gogtonc Cdcmpc Turtok

¹⁷ Cdcmong, Ru:ncpvncbv bvm binam turnamo:dcm appvngcm gvgcmotok, odokkc okolop Ru:ncpvncbv bvm gogtoji. Cdc appvng mondoli:lo:pc ngok lujvglurro.

¹⁸ Gogdag ayirdo akoncm gadpugcikabo:nci? Gadjognamdcm bvm la:pakpc cmna imoyoka. Gogdag ayirdo akoncm gadpukmanganci?

¹⁹ Bvm gadpuknammcm mamoyoka. Kaila:nc gadpuknamdc:sin atvkosin kvtc:mang cdcmanggom gadpukma:namdc:sin, cmpige:la Ru:ncpvnckc kvnggv:pc lulvgnamdc.

²⁰ Appvngcm kapidowcm gogkaji bv cdcmv:pc du:pa:do.

²¹ No pagboka:nci cdvlo nom gogkaji? Cdvlosin Mc:yoika cmpige:la nok mopvdcm pa:tomvlo, cdc pa:namdcmmv:pc no du:toka.

²² Kapila:nc Ru:tumkolo sc:kom gogtagnc pagbokopc malennvgkunammc Ru:tumkolo. Cdcmv:pc sc:kom mcge:lvgnamcji cdvlo Kristokc pagbopc gogtoji.

²³ Nolum arckokki rcnamc; tani:lok pagbopc iyoka.

²⁴ Cmpidag bvrokvdvnga, kapinc du:nam-dagnamloi appvngcm gogtungaji, odo bvm Ru:ncpvnckc lcdulo du:mvmotoka.

Midang Moma:nclang Tumbolok Tawunam Agomcbulu

²⁵ Su:pak mida: moma:nc kvd:dok agomc, ngokkc Ru:tumkolokkc kvnggv:pc lulvgnammc kamang, cmpige:la ngo ngok mc:lenna lunamcm bidung Ru:tumkc ayang kokki akonc mc:tinsukampc.

²⁶ Ngo mc:dag jc silo mclokc ka:nam mc:dvrmc:songdcmpc, cdc tani: akolokkcpc kapc bv du:ji cdcmpc du:namv:dc aidag.

²⁷ No yamncm la:tagnci? Mcpakkupc cmna mc:yoka. Nokkc yamnc kama:nci? Midangko mopc cmna mc:yoka.

²⁸ Cmpige:la no midangko momvlo, no pa:bcm imang, odokkc ko:ncng akonc midangko moycmvlo bv pa:bcm imang. Ckvdaggom cdc sc:kobulu midangcm moycnc mo:pvsok mc:dvrmc:songcm pa:yc, odokkc ngo nolum cdcm mcpakbiyc.

²⁹ Ngok lunamdc bvrokvdvnga, tola lc:nam ayirdc airu:pc aninpc pvnga:du:bong; su:pakkolokkc, sc:kobulukkc yamnc du:ji bulukkc akosin kamangv:ncmpc du:motoka,

³⁰ odokkc cdc sc:kobulu mcdvrra kabdoji bulu mcdvrra kammangv:ncmpc, odokkc cdc sc:kobulu mc:podoji mc:pomangv:ncmpc, odokkc cdc sc:kobulu rcdoji bulukkc attar kamangv:ncmpc,

³¹ odokkc cdc sc:kobulu mo:pvsokki jonsudagji bulukkc odokki jonsuma:namdcmpc. Kapila:nc sc mo:pvsok monamsc kama:pc ipakdu:bong.

³² Ngo nolum mc:dvr mc:so:lokkc mc:satsutoka cmna mc:dag. Midangcm moma:nc tani:dc Ru:tumkc ager lcgangc mcngkesula gerdag, Ru:tummc kapc mc:lvgsumopcikc cmna;

³³ Cmpige:la mida:monc tani:dc mo:pvsok ager kvdv:dok lcgangc mcngkesula gerdag, odokkc kapc bvk nc:dcm mclvgsumopcikc cmna,

³⁴ Odokkc bvk aipc mc:namdc mc:pansudag. Mida:moma:nc nc:ngc cdcmanggom ko:ncngc Ru:tumkc ager lcgangc mcngkesula gerdag, kapc amvrc odokkc yallo angupcikc cmna; cmpige:la mida:monc nc:dc mo:pvsok agerkvdv:dok lcgangc mcngkesula gerdag, kapc bvk milbo:dcm mc:lvgsumopcikc cmna.

³⁵ No scm noluk ayvnam lcgangc ludung, nolukkolo atv jo:namko lujcmlvgpc cmna imang, cmpige:la ainc ikangvkanko imopc cmpc igotko cmna odokkc Ru:ncpvncmc noluk mc:pansuma:nam mcnga:la kumnamdcm pa:mopc cmna.

³⁶ Akonc jodi mc:dag bv bvk tadpvrnamdcm aiyo:pc lupo-tawumang, bvk mc:namdc kvnggv:pc tordagmvlo, odokkc cdc cdcmpc ipcnammcmvlo, bv kapc mc:dagji bvm imotoka: bulum midangcm momotoka–cdc pa:pmang.

³⁷ Cmpige:la sc:kobvi asinbo kvnggv:pc mcngangka:bong, mapcnammang cmpige:la bv mc:namdcm mentumsudag, odokkc cdcm bvk asinbo mc:lvgsuto, bvm bvk tadpvrnamdcmpc lc:pc cmna, bv aincm geryc.

³⁸ Cdcmpidag jc sc:kobv bvk tadpvrnamdcm midangcm modagnc ainc agercm gerdo; odokkc sc:kobv mida: monam moma:ycnc bv aiya:nc agercm geryc.

³⁹ Nc:ng akonc bvk milbo:dc cddvkopci turycnc du:mvnru:pa:dag. Jodi milbo:dc siyc, midangcm bv sc:komci mc:dagji modopc, Ru:tumongkolo mukti:ycm bv pa:dag.

⁴⁰ Cmpige:la ngok kcbang ba:pc bv kapc du:ji cdcmpc du:mvlo bv mc:poya:nc, odokkc ngo mc:dag jc ngokkc Ru:ncpvnckc Yallo dung.