1 KORINTIANG KVDVNG 2 - ANU LUGOD N. T. (BSI)

Kuruslo Mokenam Kristodok Lutad

¹ Cdvlo ngo nolukkodo:pc gvkanc, bvrokvdvnga, ngo nolukkodo:pc Ru:ncpvnckc lukanbila lunamdcm lubatsula lunam agomkoki cdcmanggom kinnam pa:nam agomkokki lumangai.

² Kapila:nc nolukkolok Jisu Kristomc kurusdo pvtkenam agomdokma:mvlo okkomsin kinge:mang cmna mc:tckto.

³ Odokkc ngo noluk lcdulo ilang gvla:ma:dom odokkc kvnggv:pc pcsodowcm odokkc jindom du:mvnka;

⁴ odokkc ngok agom lunamdcmlang ngok lutad lubinamdc:bulu kinnampa:namlok lujubla lunam agommangai, cmpige:la Yalodok aiyo:pc lcngkannam ka:de:pc gernam agerkokki odokkc ilang gvlangkokki,

⁵ jc noluk mc:jvgdc tani:lok kinnampa:namlo du:ma:ycpc cmpige:la Ru:ncpvnckc ilanggvla:lo du:yc.

Ru:ncpv:nckc Kinnampa:nam

⁶ Ckvdaggom sv:batsunckvdv:dok ara:do ngolu kinnam pa:namcm cdcmanggom sc rcngam ayirsok migomdonckvdv:dc, sc:kobulu siycrung cmna pelvgnammcji.

⁷ Cmpige:la ngolu lc:sula odokkc gagsila lc:nam Ru:nvcpnckc kinnam pa:nam bido, okodcm Ru:ncpvncbv ngolum amin gvmonam dv:takkvdv:dc aima:dapc kvnggv:pc lulvgla lutoji.

⁸ Cdcm sc rcngam ayirsok migom donc akosin mcngkintomang; kapila:nc bulu kinya:mvlo, bulu amin gvnc Ru:tummc Kuruslo pvtkema:ya:pc.

⁹ Cmpige:la cdcm adla lc:tag, Okodcm oko amigcsin ka:begtoma:nc, cdcmanggom yerungc tadbbegtoma:nc, cdcmanggom tani: asinc mcnga:toma:nc, okodcm Ru:ncpvncbv mosv:tonc cdc sc:kobulu bulu Bvm aipc mc:toji.

¹⁰ Ru:ncpncbv ngolum Yalodokki lcngkanto. Kapila:nc Yalodc appvngcm mago:dag, Ru:ncpvnckc orv:nc agom kvdv:dcmci.

¹¹ Kapila:nc oko amidc tani:akolok mc:namcm kindon tani:dok bvk ara:bok du:nc yalodcwongma:mvlo? Cdcmv:pc Ru:ncpvnckc mc:namsagnamdcm sc:kosin mingkinmang Ru:ncpvnckc yalodcwongma:mvlo.

¹² Su:pak ngolu rcngamsok yalodcm pa:mang, cmpige:la cdc Yalodcm okodc Ru:ncpvnc kolokkcji jen odomvlo ngolu Ru:ncpvnckokki ngolum binam amankvdv:dcm mcngkinycpc cmna.

¹³ Odokkc ngolu sc agomkvdv:scm tani: kinnam-pa:namki agompc luyirmang cmpige:la Yalodok luyirdokki, taycngamong arokvdv:dcm lukonsubila cdc sc:kobulu yalodcm gogdagji.

¹⁴ Taycng among agom kinma:nc tani:dc Ru:ncpvnckc Yalodcm torvgsumang, kapila:nc bvkkcpc cdcbulu monba:ba:namc, odokkc bv cdcmbulum mcngkinmang lcga:dc bulu taycng among agomlokkipak aidag aimang cmna angumodag.

¹⁵ Taycng among agom kinnc tani:dc appvng attarcm kcba: ba:la ka:dag, cmpige:la bv avdc sckkokkisin kcba:ba:nampc imang.

¹⁶ “Kapila:nc sc:konu Ru:tumkc asindcm kinton Bvm luyir mc:yirpc cmna?” Cmpige:la ngolukkcdan Kristokc asinc dung.