Zechariah 9 - Ohiatonhseratokénti

Karihwenhthátshera Tsi Nokwáh Ne Tehontonwenhtsianekʼkhánions

¹ Ne kí꞉ken ne Roiá꞉ner raoterihwahnhothátshera: Rotsianerenseríhshion ne karewahthátshera né꞉ne tsi ionwenhtsá꞉ien ne Hadrach ó꞉ni ne tsi kanatowáhne ne Damascus aotiriwà꞉ke. Iáh nek khók tsi kentahrahkérons ne Israeronónhke ók kwáh ó꞉ni ne tsi kanathakweʼní꞉io ne Syria tsi Roiá꞉ner rahówenhk.

² Hamath, ne tetsiatonwenhtsianéken ne Hadrach, raónha nónhne raówenhk, tánon ó꞉ni ne kanatowá꞉nens ne Tyre ó꞉ni ne Sidon, tshiewahkwé꞉kon tsi nahoʼténhsons rahtiwehientheténions.

³ Nonhkweshón꞉ʼa ne Tyre nón꞉we osténra wahontenhenró꞉ten wahthatiwahnákthe ne rahothinahthákon ó꞉ni iawetaʼtsáni kawistará꞉kens ó꞉ni owistanó꞉rons wahonthateróhrotse tsi shí꞉ken ní꞉ioht nokén꞉ra akénhake!

⁴ Ók ki Roiá꞉ner akwé꞉kon ensehshakhó꞉kwa tsi nihonahthaterhoró꞉ki. Kaniatarakeʼkowáhne ienhó꞉ti ne rahonatʼtsiokowahtiéras, tánon ne kanatowáne kwáh enwahtsahatónke tsi nió꞉re nokenráhke.

⁵ Ne kanahtowanénhke ne Ashkelon enhontʼkatokí꞉ken tánon enhothiʼterónhne. Ne kanahtowanénhke ne Gaza enhontʼkátho tánon karonhiakenhserowá꞉nen enhathironhiá꞉ken tsi ní꞉ioht ne iónkwe hiowirahientáhsere. Ne nónhne sáhka ne Ekron, tánon ne ahorharáhtshera tenwaʼthó꞉ko. Ne Gaza enhiononhtihiotsherón꞉ti, ók ne Ashkelon kwáh ne onhatóskon enkénhake.

⁶ Nonhkweshón꞉ʼa ne tehiakothenekwenshaiéston Ashdod ne nón꞉we nenhtienahkérehke. Ne Roiá꞉ner ráton, “Kwáh enkhehiákse thí꞉ken Philistiaró꞉nons tsi nihathináhie.

⁷ Kwáh iáh ó꞉nen tahonshahatiwáhrake nahionekwenhsá꞉rahke, tó꞉ka ó꞉ni ne thé꞉nen karihwáston ne káʼkhwas. Rathikwé꞉kon ne ronahthaténron kwáh Í꞉i akonkwè꞉ta enhónton tánon thó꞉nenh hióton tsi enhothitharahiénhtahke ne rahothitióhkwakon ne Judah. Ekron ó꞉ni Í꞉i akonkwè꞉ta enhónton, tsi ki ní꞉ioht ne Jebusites.

⁸ Kwáh enkahtenhnikónhraren nahkonhóntsa tánon enkheʼné꞉se ne ronterí꞉ios ne tahonhnonhontsí꞉iake. Iáh ó꞉nen tahonsaʼkherí꞉hon ne rathiniá꞉katste tahonshahonwahthiniaró꞉rhoke nakonkweʼtashón꞉ʼa. Khé꞉ken nakonkweʼtashón꞉ʼa tsi nihothironhiakén꞉en.”

Ne Roiá꞉ner Ratʼró꞉ris Ne Táhre Rononhtí꞉io

⁹ Sewatonhnhá꞉ren, sewatonhnhá꞉ren, tiónkwe ne Zion! Tesehwahén꞉ret naʼtsenhnonhniá꞉tshera ne Jerusalem nón꞉we! Iasehwatʼkáto, ne tsi Sewahnonhtí꞉io tiohá꞉ke nonhtahawenonhátie! Tsi táhre tekahrensáhron tánon rotʼkwenionhátie, ók eʼtà꞉ke rotahtón꞉ni tánon tewahòn꞉tes rohshaténtie— nitsioʼnaskwahiónha, né꞉ne tewahòn꞉tes akohiénʼa.

¹⁰ Ne Roiá꞉ner ráton, “Ahé꞉ren entʼkhá꞉wite ne otiónhkwas ne Israerʼró꞉nonhke ó꞉ni é꞉renh enkhehiatenhá꞉wite ne koshá꞉tens ne Jerusalem; ne ahén꞉nas wátstons ne tsi waterí꞉ios kwáh enkariwahthón꞉ton. Ne tsi Sehwanonhtí꞉io kwáh skén꞉nonh enrón꞉ni tsi natehontérons nonkweshón꞉ʼa. Kwáh raónha enthaniarotárohke tsi tiotáhsawe ne kaniatarakeʼkó꞉wa tsi nió꞉re iehiotókte, tsi tiotáhsawe ne Euphrates kaniataratátie tsi nió꞉re ne tsi iehiothonhontiókʼte.”

Tsi Sonwahthiriwahthakwén꞉ni Ne Rawenni꞉io Rahonkweʼtashón꞉ʼa

¹¹ Ne Roiá꞉ner ráton, “Ne aorì꞉wa ne tsi iontiateriwahserón꞉ni ne tehionehtorará꞉kon nonhekwénhsa ne karihwiiosehokón꞉as, kwáh ensetʼkhehiathatewenhní꞉ioste ne shonkweʼtahshón꞉ʼa— setʼkhehiakháwenh ne shonkweʼtahshón꞉ʼa ne tsi ronwathinhotónkwe nákʼthe nón꞉we tkanakerahserá꞉ien, ne tsi iontahtenhothónkwa thóh ní꞉ioht thónʼne tsi ní꞉ioht ne iáh tahkanhekóhkwe nhosonwáhkon.

¹² Thontáhsewe, ne ieʼtsinakerahkwáhthon ók ó꞉nen tsi sehwahrarahtierá꞉ien; thontáhsewe ne sewahtená꞉thake tsi nón꞉we ne sakʼthí꞉ken. Ó꞉nen ki enkwahró꞉ri tentiáhsere tsi enskwahkárhiaʼse ne enkenikwekónhake tsi ni wé꞉so sewahronhiakén꞉en.

¹³ Ne Judah thóh ní꞉ioht tsi enkhehiáste tsi ní꞉ioht ne ronhterí꞉ios raothihén꞉na. Tánon ne Israerʼró꞉nons tsi ne ní꞉ioht ne kaienhkwí꞉res. Ne ronónhkwe ne Zion thóh ne ní꞉ioht tsi enkhehiáste tsi ní꞉ioht nasahreʼkó꞉wa, nahonterí꞉io ne ronhnónhkwe ne Greece nón꞉we.”

¹⁴ Ne Roiá꞉ner enhathatenéstʼthe è꞉neken tsi ronahtenonhtsisthatón꞉nions nahonthashá꞉konhe; enharónhthate ne raoienkwí꞉res tsi ní꞉ioht ne tahonhninhekárahwe. Ne Rononhtí꞉io Roiá꞉ner enhahonráhwahte; enhanenhrahsherón꞉ni tsi tehiowerahtá꞉ses nenhtiekenhékha.

¹⁵ Ne Roiá꞉ner Roshatstenhserowá꞉nen kwáh enteshá꞉konhe ne rahonkweʼtashón꞉ʼa tsi ní꞉ioht ne iontrenhostáhkwa. Kwáh enhonahkástehke ó꞉ni enshakotishén꞉ni tsi nihá꞉ti ne ronwahtinenhʼhió꞉ias. Ethò꞉ne enhatinehkí꞉ra tsi nenhontenhnikonhró꞉ri, tánon tenhothihénrehte tsi shí꞉ken ní꞉ioht ne iakohnonhwahrathón꞉on. Kwáh thóh ní꞉ioht tsi enhothinekáthane tsi ní꞉ioht tsi ionahnónhon ne katʼtse tsi wahtenekwensaráhkwen ne konwatsatakʼtsaháton kaʼtshé꞉nen, kwáh thóh ní꞉ioht tsi tenhothinhokwensokó꞉tonke tsi ní꞉ioht ne ientsienharáhkwa tekahiosá꞉ien.

¹⁶ Nó꞉nenh enwáhwe né꞉tho enhní꞉sera, ne Roiá꞉ner enshakononhstháte ne rahonkweʼtashón꞉ʼa, tsi ní꞉ioht ne katʼtshé꞉nen shakonónhne ne rahotsenenhó꞉kon nó꞉nenh iò꞉teron. Kwáh tenhothitsirón꞉nionke ne raononhontsà꞉ke tsi ní꞉ioht ne owistanorons ne anowaroretsherá꞉ke.

¹⁷ O tsi nenhiohianeréhake ó꞉ni enwatʼkathotseriió꞉hake nonwénhtsa! Ne ken nithotihiónsah kwáh enhontehiá꞉ron enhatiʼshátsteke kwáh enhotihianerásten tsi nokwáh nonátsa ó꞉ni ne onenharataʼsehontsherákeri.