St. Mark 5 - Ohiatonhseratokénti

Ȣisk-haton teioteriȣasonterakȣen tsini hoiaton Roiatatokenti Mark.

¹ Iahonneȣe isi nakaniatarati Katarenien-ronon raonatonȣentsiake.

² Akȣa neok Sontahatitako ne Iesos, Saiatat nʼotkon rotienni, tontahakȣirotkaȣe nok iathoterate.

³ Iah teȣatonskȣe nahonȣanerenke neseȣahonni karhakonson ki thireskȣe.

⁴ Eso ioriȣake ne tehonȣarensteren oni tehonȣanenststerenne akȣekon tehoiakhon ne kati ahoriȣa iah teȣatonskȣe nahonȣanikonrarake.

⁵ Tiotkon onȣe karhakonson, onontoharakeson oni thires, tehohenretanes ohnenhia ratatientanionnes.

⁶ Akȣa kati neok iahoken ne Iesos, iatharatate ȣathononȣeron akȣa oni ȣathotontsotase.

⁷ Ȣathohenrete ȣahenron: Iesos, nahoten taskeniente ise ne Niio iaienha? Konnekennis rahosennakonne Niio tosa niare askeronhiakente.

⁸ Aseken ratonhakȣe ne Iesos: Satkonseraksen, tontatsiakenn ne raonhake.

⁹ Iesos ȣahoriȣanontonse ȣahenron nahoten iesaiasts? Kentiokȣa ȣahenron ionkiasts, aseken ionkȣentiokoȣanen.

¹⁰ Ronekenniskȣe ne tosa aonsahotekȣate neh nonȣe niȣatonȣentsiate.

¹¹ Iah ihnon teken tionontahere, ionentiokoȣanen eh nonȣe tkonȣatinonnhakȣe kȣiskȣis.

¹² Akȣekon ok ronȣanekennihakȣe rontonhakȣe: eh iatontakȣatori kenh ihken tkonnes kȣiskȣis neh iahonsaiakiiataȣeiaten. Oksaok ȣasakaon ne Iesos, netho niiakonne.

¹³ Oksaok kati Sakontiiakenne, nok eh niiakonne tsi tkonnes ne Kȣiskȣis, kaȣenniio ok neneh ȣahotihiation nensok ȣakonteko kaniatarake iakontiatonti, akȣekon ehȣakonniheie ne teȣenniaȣehetserasen nikonti.

¹⁴ Nok ne Sakotinonnhakȣe ȣahonteko, sahatiriȣaienhna kanatakon, nok tehonateriȣareniatonhatie tsi niiahonne.

¹⁵ Akȣekon ok ȣaheiakenne ȣaontkensera tsinontaiaȣenne, iahonȣaiatoronne ne Iesos, nok ȣahonȣaken ne Kentiokȣa rotiennine, renstskȣahere rotseronni akȣa oni tetkariȣaieri: akȣekon ok ȣahakoteronhienten.

¹⁶ Nok nakȣa ronatkathon ȣasakotirori tsiniiaȣenhon nʼotkon rotienni raiatatake nok oni tsini iotiiataȣenhon ne Kȣiskȣis.

¹⁷ Ne kati ȣaonni ȣahonȣaneken nahonsahateratako ne raonatonȣentsiake.

¹⁸ Nonen-Shiionsahatita kaonȣakon, eh ȣahoketote nʼotkon rotiennine ȣahoneken nahaon nanesseke.

¹⁹ Iah tanon tehothontaton ne Iesos, ok eken ȣahaȣenhase; ȣahenron: ȣas saȣatsirake niionsase nok sherori tsini ioriȣanerakȣat tsinaiatierase ne Raȣenniio, tsi oni naientenre.

²⁰ Sahatenti neneh, nok ethoʼkʼ iahatasaȣen ȣahatroriate, rorihoȣanatonhatie oni tsini koȣanen rotenron ne Iesos akȣekon ok taiontonnekhon, ȣahakohnerakȣenhaton oni ne Decaporisronon.

²¹ Iotiokȣatsani are saionteroroke nonen siionsaraȣe ne Iesos nʼisi nakaniatarati.

²² Saiatat ne Sakotatis Jairus ronȣaiats, eh ȣaraȣe nok ȣathotontsothase nonen sahoken,

²³ Rohnekennis, raton: Onen thoha aontaiahiheie keienha, konnekenni kati neh iase asheianisnonsaerhase nok aonsaieieȣentane.

²⁴ Ne se ȣaonni ionsanehtakȣe ki ne Iesos tsi sahatenti; iotiokȣatsanit are ronȣanonteratiene.

²⁵ Skaiatat tsiothonȣisen eh kaiataratieskȣe, onen tekeni iaȣenre niioserake siionnʼrakaionse.

²⁶ Niah othenon tohotikȣenion ne rontetsiens arahona oni onte neok nostonha akonȣatorissenthose, akȣa iekenhaok tsi konȣentenstetenni, okheken takanerakȣatasere tsiiononȣaktani.

²⁷ Ne kati sahosennaronke ne Iesos, ok tiiateȣatenenraȣeheste, rashonne nontaȣe nok rahotiataȣitne iakaiena.

²⁸ Teȣatonhakȣe naȣerientakon: enskieȣentanese naraona neok oni ne raotiataȣitne kenh niiakiere.

²⁹ Akȣa oni oksaok ȣatkatane tsi iohnonȣaktani, nok onttoke naonhake tsi onen sakaieȣentane.

³⁰ Nok ne Iesos ȣahattokatsi tsi ȣakaiakenne ne rahonhake ne rahotanitenrat, tontahatkarhateni, nok ȣahenron: onka kenh niiaheiere nakatseronniakȣake?

³¹ Nok ne raotiokȣa ȣahonniron: Akȣekon kik ȣahi nekenh tateiesaiatoraraks: tanon kenh seriȣa nontons onka kenh niiahesaienre?

³² Ȣathatkatonhnionȣe aktatie tsiniiot nahaiatisakseke neh nakaiere.

³³ Nese ȣaonni ȣahoteronhienten ne Tsiothonȣisen, oni ioterientaratsion tsi nahaȣenne naonhake, eh niiahahe nok ȣathotontsothase nok oriȣakȣekon ontrori noriȣiio.

³⁴ Nok ne Iesos tontahenron: neh sesatsiente kien tsi tisetakȣen, skennen kati sasatenti, oni tsi saieȣentaonhatie.

³⁵ Sekon ok nihotare, etho ȣahonneȣe ne Sakotatis raonkȣeta, ȣahonniron: Onen iakaȣenheion ne seienha, tosa kati senha ihsi nonȣe natetsenikonrharen ne Roianer.

³⁶ Akȣa neok sahariȣaronke ne Iesos neh nikarihoten, ȣahaȣenhase ne Sakotatis: Tosa othenon Sateronn, neok ne tasetakonhak.

³⁷ Ȣasakotiaȣenratse notiake naonȣasere neok ne Simon Tier, sak tanon San ne sak iatatekenha.

³⁸ Iahonneȣe tsi thononsote ne Sakotatis, eh ȣahontkatho koȣanen ronaterakareraston, otiake teionsenthos, nok otiake teiakohenretha.

³⁹ Iahataȣeiate nok ȣahenron: ohnontieren tsi seȣaterakareraston, oh ohni nahoten teseȣasenthota? Katiken iaȣenheion ne kenh kaiataseha neseok ne iotas.

⁴⁰ Akȣekon ok tihonȣaieronhakȣe; niarekȣe tanon akȣekon saieiakenne ethone eh niiahare ne Iesos tsi tkaiationni ne kaiataseha neok ronne ne konȣaienha tanon nakȣa raónha sakoiatenhaȣine.

⁴¹ Iahanentsa, nok ȣahenron: Talitha Cumi; sakat naiahiron: Tsiatase ii ȣakonrori satkestsko.

⁴² Ok eh karatie sontkestsko ne kaiatase nok sontentionko, onen tekeni iaȣenre sateiahoseriiakonhatie, ȣahotinerakohaton.

⁴³ Ȣasakotiaȣenratse niare naontrori, ethone ȣasakonnhane nakonȣanonte ne kaiatase.