St. Mark 16 - Ohiatonhseratokénti

Iaiak haton iaȣenre teioteriȣasonterakȣen tsini hoiaton Roiatatokenti Mark.

¹ Tsi ȣahententane, Onȣari-ȣatere, Onȣari Sak ronistenha tanon Salome ȣakonhnenhiehnaninon ȣenhienakon ahonȣaiatokaste ne Iesos.

² Akȣa onȣar ok sontakarakȣinekenne aȣententaonke iakonneȣe tsi thaiatatakȣe.

³ Tekontateriȣanontonnionnire kontonne: Onka naha enhionkhinenhiarakȣase ne kanontekton?

⁴ Nok nonen siiakontkatho, ȣakontierentsi ok ehren kanenhiakȣiton: akȣa ihken tsi kanenhioȣanenne.

⁵ Nok nonen siiakonneȣe tsi iokaronte, ȣahonȣaken ranekenteron tsi kaȣeientetakon nahosonȣati renstskȣahere, kenrakenseroskon rostston, nok ȣahonatoronhienten.

⁶ Tahenron ne rahonha: Tosa seȣateronn, Iesos ȣahi Nazaretronon hetsiseȣahiatisaks ne tehonȣaientannhare: Onen Shotonnheton, iah kentho teshenteron: kentho ȣahi ronȣaiatatenhenne.

⁷ Ȣasene tanon saietsiroriana ne raotiokȣa oni ne Tier, tsi Galile ȣare etho oni nonȣe iensetsiseȣaken, tsiki niiot tsi thotrori.

⁸ Oksaok tontakontonneke, nok sakonteko Akȣa tokenske tsi ȣahonateronhienten: iah neneh onka teiakotirori tsini ionateronhientenni.

⁹ Aȣententaonke kati shotonnheton ne Iesos: Onȣariȣatere neh ne tsiatak nishatekȣatenni nʼotkon neh tontierente sahoken.

¹⁰ Sontenti saiakororiana ne ratikȣekonhatiene, rotinikonraksenskȣe oni tehonsenthoskȣe neh sikahaȣi.

¹¹ Ȣahontennohȣente neneh tsi saiakorori tsi sronnhe, nok oni tsi ȣakenron sahiken.

¹² Sekon are ohia natontahaierate tsi sasakototasiase, teniiase kaehtakeson ihnene.

¹³ Sekon are neneh sahontennoȣente sonsahonȣatirori.

¹⁴ Khare onen neh nenskat iaȣenre nihati enskatne ratiteron etho sasakototasiase, nok ȣasakotteten tsini honatennoȣentastskon tsi iah tetesakonetakon neh sonȣaken.

¹⁵ Nok ȣasakaȣenhase: ȣasene onȣentsiakȣekon teseȣareni ietsirionniennira akȣekon nonkȣe ne Kariȣiio.

¹⁶ Enhiontsennonni nentiaketakȣe, nok enhiontkaronni nenhiontennoȣente.

¹⁷ Nok kenh kaien enkaieronniststakon nentiaketakȣe: Aksennakon enskonȣanatekȣate nʼonatkon-seraksen; nʼiate kaȣennake enhionronkhake.

¹⁸ Enkonȣatiiena noniare; iah othenon taiakoiataȣen nenhienekira ne iakoriotha, entsieieȣentane nʼia-kononȣaktani nensakonanisnonsaerhase.

¹⁹ Nonen saharihokten ne Roianer, ȣahattaratate Karonhiake niionsare nok tsi thaȣeientetakon ne Niio ionsahatien.

²⁰ Nok ne rononha, Sahontenti ȣasakotirionniennira oktiȣakȣekon, nok ne Roianer sakohienaȣasehaties, nok ioriȣanerakȣatenions rariȣanirastakȣe ne raotiȣenna. Amen!