St. Mark 15 - Ohiatonhseratokénti

Ȣisk-haton iaȣenre teioteriȣasonterakȣen tsini hoiaton Roiatatokenti Mark.

¹ Akȣa neok saorhenne, Sahatitsienhaientakȣentho ne ratitsihenstatsi, ratiianerenseronni nok oni ne ratiiatons, ȣahonȣanerenke ne Iesos nok Pilat ne niiahonȣasarine.

² Nok ne Pilat tahoriȣanontonse, ȣahenron: iseken ne Sitaeronon Iesanontiio? tontahenron ne Iesos akȣa neok ne tasierite.

³ Tanon niateioriȣake ronȣanoȣentanionniskȣe ne ratitsihenstakȣeniios, iah ki othenon tahontahatati.

⁴ Sekon ne Pilat sahoriȣanontonse ȣahenron: iah kenh othenon tataontaseriȣaserako? Satkatto toh niiesaierha.

⁵ Nok tanon ne Iesos iah othenon tatethaȣen, nese ȣaonni oriȣiio tsi ȣahonerako ne Pilat.

⁶ Enskat tsinihotirannhaonne neh nonȣe nikahaȣis tsi Shatonnhethe: Kanenrakȣekonʼsʼ ens ȣaheriȣanonton nok tenhonȣaiatatokente kah nikaien tsinihati ratinnhoton enshonȣannhotonko.

⁷ Saiatat kati rannhotonkȣe nethone Barabas ronȣaiasts onkȣe Sakorio.

⁸ Akȣekon ok ȣathotihenrete ȣahonniron: eh ki natakȣaieras oni takȣatesennon tsiniiorannhaon.

⁹ Tontahenron ne Pilat: enseȣatontate kati ken nahonsahiiatkaȣe ne Sitaeronon Ronȣanontiio?

¹⁰ Roterientaratsion se tsi akȣa neok tsini honȣanossas ne ratitsihenstakȣeniios ronȣaienastonhatie.

¹¹ Nok ki tanon ne ratitsihenstakȣeniios, ȣasakotinikonrata nʼonkȣeokon Barabas hahatiriȣanonton ahonsahonȣatkaȣe.

¹² Tontahenron ne Pilat: oh kati nekenh neneh nenhoiataȣen ne Hetsiseȣanatonkȣa Sitaeronon Ronȣanontiio?

¹³ Nok tontahotihenrete: teshtsientannharen.

¹⁴ Pilat tontahenron: oh nekenh nahoten ronnhikon? nok onen senha tahonkȣisron ȣathotihenrete: teshtsientannharen.

¹⁵ Etho kati nahaiere ne Pilat tsinihatiriȣanontons, sahotkaȣe ne Barabas: nok ȣahatennhane ȣahonȣasokȣaȣesson ne Iesos, ethone onen ȣasakotsiakȣarisien ne tahonȣaientannharen.

¹⁶ Ethone onen Atehenrakon tsi teieiatoretakȣa niiahonȣaiatenhaȣe ne Sotar eh oni nonȣe akȣekon iahonnitiokȣaroroke.

¹⁷ Tanon kanetarhon taonȣaiataȣite nok ohikta kakakȣentonni tahonȣanonȣaroroke.

¹⁸ Nok tahontasaȣen ok tahonȣaieron tehonȣanonȣeratons, ronton: ȣatkȣanonȣeraton Sitaeronon iesanontiio.

¹⁹ Atennists ens oni tehonȣanonȣarehekhons, ronȣanistskeroserahatons, tehonȣatontsotaniskȣe oni ronȣatiskȣentarhose.

²⁰ Sahonaterihonkoten tsi ronȣatentoriata sahonȣaiataȣitasi ne Kanetarhon nok neh ne rahotseronniat sahonȣaseronniate nok ȣahonȣatiatatentiate ne tahonȣaientannharen.

²¹ Simon Cyrenn-ronon Alexandre tanon Rufus ronȣaniha eh hisrehne kaehtake natontahaȣenonhatiene, neh ȣahonȣatonnioktakȣen ahatiasaketate ne Iesos raoiasa.

²² Nok Golgotha niiahonȣaiatenhaȣe, neh naiahiron Kakenkȣarake.

²³ Ehnonȣe nahonȣanekarhase otsitsia tanon (Myr) tekaieston iah tanon othenon tehonekiren.

²⁴ Nok nonen sahonȣaiasakestsko ethone ȣahatiȣastiakon ne raohȣensonha ahotitokense onka ahoȣenk enȣaton.

²⁵ Asenhaton siioȣistahehatie satonȣaientannharen.

²⁶ Kenh kaien kaiatonkȣen tsinahoten ronȣariȣentakȣen: Sitaeronon Ronȣanontiio.

²⁷ Teniiase teninenskȣaskȣe ȣahonȣariskonte tsi ȣathonȣatiientannharen, Saiatat tsi raȣeientetakon nok saiatat sanekȣati.

²⁸ Onen are nehne Iakaierine tsi ȣaton tsi Kaiaton: eh nontahonȣatate tsiniiot nonkȣetaksenskȣa.

²⁹ Nok tsiniiakon neh nonȣe niiontoheststakȣe ronȣenratonnihakȣe, akȣaʼsʼ enʼsʼ teionnonkarenrons tsi ionton: Astskȣi! ise ne sesenonsarisions Nʼononsatokenti nok asen nonta sesenonsonni.

³⁰ Satatiatakennha tanon nonȣa onen tontasastsnent ne Kaiasake.

³¹ Tihonȣaieronhakȣe oni neneh ne Ratitsihenstakȣeniios oni ne ratiiatons rontonhakȣe: Akȣa kenh neneh iehakȣenies nakoren asakoiatakennha, nok iah tehakȣenies ne raonha ahatatiatakennha.

³² Tethastsnent tanisa nonȣa onen Nisraelonon Ronȣanontiio ne Kaiasake, aiakȣatkatto, nok aontaiakȣetak. Ronȣariȣakȣennihakȣe oni neneh ne ronariskonhon.

³³ Iaiakhaton siioȣistahehatie onȣentsiakȣekon taiokaraȣe, tsiniiore ne tioton-haton.

³⁴ Nok tiotonhaton siioȣistahehatie ethone nathohenrete ne Iesos Sahenron: Eloï, Eloï lamma sabacthani? neh sakat naiahiron: AkeNiio, AkeNiio, ohnontieren takateȣenteton?

³⁵ Nok otiake netho ronnes ȣaharonke tsinahoten ȣahenron; ȣahenron: onen Elie iehononks.

³⁶ Saiatat iatharatate tekanekakȣa iotsitsiatkenne iaharoȣe nok kanakarakenhiate iaroharen nok ȣahonnhontho nahanekira akȣa ratonne; Teȣaterharat katesiken entre kenh ne Elie nok aonsahoiatanentasi ne kaiasake.

³⁷ Sekon tonsahohenrete ne Iesos nok ȣahatonniseraton.

³⁸ Nok nononsatokentike teȣasontotakȣenne ohniataraha ehneken tontasaȣen tsi onteratsion tsiniiore nʼehtake.

³⁹ Nok ne Rasennoȣanen nakta ratakȣe, ȣahatkatho tsi raȣenheion oni tsiniiot tsi ȣathohonrete, ȣahenron: Oriȣiio onȣe kehiken ronkȣe tsi Niio Roienkenha.

⁴⁰ Tsionathonȣisen oni isih niiore tetkontikanerakȣe, neh eh kontiiatarakȣe Onȣari-ȣatere, nok Onȣari Sak niraha ronistenha tanon ne Sose, nok Salome.

⁴¹ Nehne ronȣanonteratieskȣe nok ronȣaseronniennihatieskȣe Galile Shitres; nok ionentiokoȣanen sekon notiake nehne ronnene Jerusalem Shontarete.

⁴² Tsi onen niiokara, nok neh ȣenniserate tsinonȣe oriȣakȣekon niiekȣatakȣas, neh tsi entakta kenhne tsi ȣentanoron.

⁴³ Sose Arimaté-aka enskat ne ratsienhahiens oni tronkȣetaieri rorhakȣe oni tsinonkȣati ne Niio raonakerasera, tahatetsanite Pilatne ȣarete nok ȣahoriȣanontonse, Iesos raoieronta.

⁴⁴ Ȣahonerako ne Pilat tsi onen ok ahaȣenheion, iahononke ne Rasennoȣanen ȣahoriȣanontonse onen kenh ȣaonnise thaȣenheion?

⁴⁵ Nok nonen sahatrori ne Rasennoȣanen, oksaok Sose ȣahotsiakȣarisien ne Iesos raoieronta.

⁴⁶ Nok ne Sose kaniataroȣanen ȣahaninon, sahoiatanentahsi ne kaiasake, nok neh noniataraha ȣathaȣaȣenhekte, nok kenststenrarakonne etho ȣahateȣeienton nok kenststenroȣanen ȣahanontekte tsi iokaronte.

⁴⁷ Nok nʼOnȣari-ȣaritere tanon Onȣari Sose ronistenha tekenikaneratie tsinonȣe iahahien.