St. Mark 14 - Ohiatonhseratokénti

Kaieri-aton iaȣenre teioteriȣasonterakȣen tsini hoiaton Roiatatokenti Mark.

¹ ONEN sateseȣenniserake ok satetsiotatenron tsi enȣentanoronne ne Shotonnhestston, oni ne iah teȣattenkȣaton tsini ienataraks; Ok onen tsinithotiieren ne ratitsihenstakȣeniios oni ne ratiiatons rotiriȣisakon kah naontahatiierate ahonȣaiena ne Iesos nok ahonȣario.

² Rontonhakȣe ki neneh; tosa tsi niȣentanoron kenhak, onȣa kehiken etho entkaientakȣe othenon isinonȣe tsinenhiaȣenne tsinonkȣati nonkȣeokon.

³ Betani sistres ne Iesos Simon roststaȣis raononskon satehostskaon, Skaiatat ne tsiothonȣisen iahontaȣeiate katsetenhaȣi neh nakȣa ihken ȣenieniio oni ȣenienanoron karatie, nok Iesos ranontsine tonȣeron nok ȣahahokaȣe.

⁴ Otiake ohia nontahonatierase nok ȣahonniron ne raotinikonrakon: nahoten atonron enȣaton kehiken kenhnonȣe nakarho, akȣa ki oriȣakȣekon ȣakaiessa.

⁵ Iahontekenhsenha taioianerenhon, aontenninonke ne kenhie nok iakotent aiontatatitenraton: Etho niiot tsi konȣariȣahestennihakȣe ne tsiothonȣisen.

⁶ Iesos ȣahenron: iaȣeronhatie tosa othenon seȣaststerist, Oriȣiiose naha tsi takaierite nii kiatatake.

⁷ Aseken tiotkon tenhseȣatiestonhatieseke ne iakotent, tiotkon oni Seȣatesennaien naietsitenre; nok iah nii tiotkon tataskȣakanerake.

⁸ Aonha aokȣeniat tsi nakaiere: tahonenne taioiatokaȣe nakieronta neh iaȣet nonen enhionkiatata.

⁹ Oriȣiio tsi kȣarori: Kakiok nonȣe tsini ionȣen tsia nenkonȣaȣennanoton ne kenh Kariȣiio; ok oni neneh etho niioriȣake tenskonȣarensaronseke tsi nakaiere nonȣa.

¹⁰ Ethone ne Sitas Iskariot enskat ne tekeni iaȣenre nihati ȣasakoiatisakha ne ratitsihenstatsi nasakotenninon ne Iesos.

¹¹ Iah tiiaieriȣaheȣe tsinontahontsennonni; ȣahonȣarharaststen oni oȣista enhonȣakariakse; eh nontahatasaȣen onen neok saresake oh naiaȣenne aontiesenne ahoiena nok iasakotsiakȣarisien.

¹² Noneh tiotenniseratierenton tsini ienataraks neiah teȣattenkȣaton etho oni nonȣe nenkonȣario ne teiotinakarontonha neneh Shotonnhestston, ȣahonȣariȣanontonse ne raotiokȣa, kah ȣaonniron nonȣe: nenhiakȣakȣatako tsi oni nahoten aeteȣake ne Shotonnhestston?

¹³ Ethone teniiase ne raotiokȣa iasakotori nok ȣahenron; ȣasene kehiken tkanataien, tenseȣaterane ne ronkȣe onekanos enhatsetenhaȣi; hetsiseniser.

¹⁴ Nok tsinonȣe ienhataȣeiate hetsisenirori ne ranonsakȣeniio enseniron: Roianer roteriȣanietonhatie, kah iaken nonȣe niionaktahien tsinonȣe nataiakȣastskaon nakitiokȣa ne shotonnhestston?

¹⁵ Kanonsoharake tionaktoȣanon tkanaktaien eh niienhtsiseniiatenhaȣe; etho nonȣe nasenikȣatako tsiniiot tsi teiotonȣentsiohon.

¹⁶ Kanatakon niiahane, akȣekon eh nahaȣenne tsiniiot tsi tesakorori; nok ȣanikȣatako ne Shotonnhestston.

¹⁷ Okarasneha nonkȣati onen etho ȣaraȣe ronne ne tekeni iaȣenre nihati.

¹⁸ Nok onen satehonastskaon, ȣahenron ne Iesos; Oriȣiio tsi kȣarori tsi saiatat nonȣa kenh teiatiatonts enhakatenninon.

¹⁹ Akȣekon ok tahontonneke nok ȣahotinikonranonȣake; ȣahonȣariȣanontonse ronton: II onteken?

²⁰ Tontahenron saiatat tsinitsion nonȣa kenh teiakiatonts.

²¹ Oriȣiio onkeken tsi satentionhe nonkȣe Roienha, tsi ki niiot tsi kaiaton neraonha raiatatake; nok ki tanon rotentasere netho ronkȣe nenhotenninon nonkȣe Roienha; senha aioianerenhon ne tosa nonȣenton ahonakeraton.

²² Nok tsini kariȣes tehonastskaonkȣe, Iesos ȣatrakȣe kanatarok, ȣahaterennaienhase, ȣathaiakon, tasakon ne raotiokȣa, ȣahenron: Seȣaiena nok iseȣak; neh nakeȣaronk.

²³ Ȣahatsetarako nok ȣahaiatateriste, nok iashakaon; nok akȣekon ȣahatinekira.

²⁴ Nok ȣahenron: neh kehiken nakenekȣensa, neh noriȣase onekȣensa skakȣatakȣaton, oni kentiokoȣanen iontatenekȣensarise.

²⁵ Oriȣiio tsi kȣarori: tsi iah sekon teseknekirane nonenharakeri ohenton tsiniiore ienȣatenniseriheȣe Rakenineha ienseknekira.

²⁶ Nok nonen sahatirennokten, onontoharake Olivier niiaonne.

²⁷ Ethone onen ȣahenron: onȣa kenh ȣasontate akȣekon enseȣariȣanoron nii akeriȣake; aseken ȣaton tsi kaiaton: henhiiente ne rahnonne, nok tenkonreni ne teiotinakarontonha.

²⁸ Nok tanon nonen enseȣakatonnheton, enkȣahenteste tsiniiore Galile.

²⁹ Tier tahatati, ȣahenron: ok oni nakȣekon notiake ahotiriȣanoron iah ki nii nonȣenton.

³⁰ Iesos tontahoȣennaȣeron ȣahenron: oriȣiio tsi konrori onȣa kenh ȣenniserate tsi enhiokaraȣe, ohenton tekeni tahontontati ne kitkit asen niioriȣake enskatonnhiiase.

³¹ Nok ne tier, tahariȣareke tsi raton: ok onte oni naionkhiiariskontane aionkhiriosere iah ki nonȣenton tiiakonhiatonnhiiase. Akȣekon ok etho nahatiiere.

³² Ethone onen iaonneȣe Getsemane konȣanatonkȣa; ȣasakaȣenhase ne raotiokȣa: kentho seȣatien, niare katerennaienna.

³³ Tier ok tanon Sak oni San iasakoiatenhaȣe ethone onen tontasaȣen tsiniiot nahoteronhienten oni ȣahoiatishonkȣe.

³⁴ Nok ȣahenron: Skanorons akiheiate tsiniioteronhientenni nakatonnhest; kentho seȣenterontak, nok seȣatieȣaton.

³⁵ Ostonha ihsinonh niiahare, ehtake ȣahatiskȣentare, raterennaienskȣe naontonseke skennen tatahatonkote.

³⁶ Ratonhakȣe; Rakeni? oriȣakȣekon tiskȣeniese; ehren ashaȣite ne kanikonraksensera; eh ki sane niiaȣenn tsini sanikonroten.

³⁷ Eh saraȣes tsi ratiteron, rotitas; nok ȣahaȣenhase Tier: Simon, sentas kenh? iah kenh taesakȣenion arahona enskat aioȣistahe aesatieȣatake?

³⁸ Satieȣaten, nok saterennaien, tosa aesasenni ne kanikonrotakȣen: Aseken kaiatastore ne kanikonra, nok noȣaron ioiatakenheion,

³⁹ Ehren sarete, nok ok neh tontarate tsi sahaterennaien.

⁴⁰ Sekon etho saraȣe shotitas are (akȣa se aniot ok tithonanontonse tehotironȣeks) iah oni othenon tatethonȣaȣennaȣerons.

⁴¹ Onen neh nasenhaton etho sonsahakȣatho, ȣasakaȣenhase: Seȣentaf onen oni seȣatorissen; onen iaonteriȣiheȣe: iatekakonte nonkȣe Roienha tsi enhonȣatienaȣaste nionkȣetaksen.

⁴² Hennioh niha teseȣatann onen ken ihre ne rakatenninonre.

⁴³ Sekon ok nihaȣennatatie ne Iesos, eh ȣahoketote ne Sitas Iskariot; rotiokȣine, ronsharenhaȣinontie, ratinnienhaȣinontie oni ne neh ratitsihenstatsi oni ratiiatons sakotinnhaonhatie.

⁴⁴ Sakoteniententseraȣi ne rotenninonre raȣen nehne tenhinoronkȣanion neh hetsiseȣaiena oni iahtsiseȣaiatenhaf.

⁴⁵ Kaȣenniiok ȣaraȣe akta niiahare nok ȣahenron; Saianer, Saianer; nok ȣathonoronkȣanion.

⁴⁶ Ethone onen oksaok oni ȣahonȣaiena.

⁴⁷ Nok saiatat tsinihati netho ronneskȣe tahasharotsiate ne raosharekoȣa nok ȣahoiente enskat ne Ratsihenstatsikoȣa raonnhatsera akȣa neok ne iahohontiakte.

⁴⁸ Ethone ne Iesos tahatati ȣahenron: eh niseȣaierenhatie tsi takȣaienasere tsiniiot nonkȣetaksenskȣa atsiseȣaienasere Seȣasharenhaȣinontie, oni seȣannhienhaȣinontie.

⁴⁹ Ok tiiateȣenniserake iteȣeskȣe ononsatokentitserakon kherionniennihaties nok iah teskȣaiena; neh ki neneh ȣaonni eh nahaȣenne nakanane tsini kaiaton.

⁵⁰ Ethone akȣekon ne raotiokȣa ȣahonȣateȣentete nok ȣahonteko.

⁵¹ Saiatat ranekenteron eh raiataratie raonekon akȣa neok ne iontenaktoroksta ehneken tithotion, otiake ne ratinekenterontsonha iahonȣaiena.

⁵² Ok eh tahatsiakȣarisi ne rahoniataraha rahonekon tsi sahatotarisi nok ȣahateko.

⁵³ Ethone onen Ratsihenstatsi koȣane niiahonȣaiatenhaȣe ne Iesos, ethononȣe akȣekon nahontkennisa ne ratiriȣakȣeniios.

⁵⁴ Ih si niiore thontarene ne Tier tsi rononteratie ne Iesos, iahonneȣe rahotehenrakon ne ratsihenstatsikoȣa, ethooni tikaraties tsi ronnes ne Kannhatsera, etho oni rotenhien tsi iotekha.

⁵⁵ Ratiriȣisakskȣe ne Ratitsihenstakȣeniios oni ne ratiiatons oh nahoten ahonsahoteriȣateȣaton ne Iesos, nahonȣariȣentakȣe, iah teȣatetsenrieskȣe naioȣeienston.

⁵⁶ Kentiokoȣanen ronȣanoȣentanionniskȣe; iah ki othenon ohriȣa teȣatonskȣe.

⁵⁷ Kare onen otiake tontahatitane, ȣahonȣariȣarho, ȣahonniron:

⁵⁸ Sakȣaȣennaronken kehiken raȣen: enkenonsarisi kehiken kanonsote Ononsatokenti nonkȣe iakoson, nok asen nenȣata oia enskenonsisa nʼiah Onkȣe taiakonni.

⁵⁹ Sekon are neneh iah teiotonhon nakȣa skariȣat ahontahonastston.

⁶⁰ Ethone onen tontahatane ne Ratsihenstatsikoȣa kanonsihen tsi katsienhaien eh ȣathatane, ȣahoriȣanontonse ne Iesos, ȣahenron: Oh niiotieren tsi iah othenon tetesaton niiaȣeta iesariȣarhos?

⁶¹ Ok tatehotote ne Iesos iah othenon tahenron. Sekon ne Ratsihenstatsikoȣa Sahoriȣanontonse, ȣahenron: Ise ken ne Keristos Niio Iaienha?

⁶² Tahenron ne Iesos: II; nok henstsken nonkȣe Roienha tsi raȣeientetakon ne Niio henhenstskȣarake, oni nonen otsikerakeson natenthaȣenonhatie.

⁶³ Ethone ne Ratsihenstatsikoȣa ȣaharatsionko ne raotiataȣi, nok ȣahenron; nahoten sekon noia aonseteȣariȣisaktake?

⁶⁴ Akȣekon onte ȣahi seȣathonte tsini ioriȣatsanit ne tahaȣenninekenne: nahoten iseȣere? Ethone onen akȣekon ȣahonȣariȣente tehotentson narenheie.

⁶⁵ Onen oni tahontasaȣen otiake ȣahonȣanistskeroseraȣe, ȣathonȣakarannhake, ȣahonȣakonrekhon; nok rontonhakȣe: Iatsienterenn onka ȣaesakonreke, nok ne ratiriton ok neneh ne rahotihnia ronȣaienthakȣe.

⁶⁶ Nok tsinikariȣes rotenhientakȣe ne Tier, skaiatat kannhatsera eh onȣe.

⁶⁷ Ȣahokahonhionnion ne Tier, nok ethone ȣakenron: oriȣiio oni nise tsi senikȣekonhatieskȣe ne Iesos Nazaretronon.

⁶⁸ Nok Sahatonnhiie, Sahenron: iah tehiienteri, iah oni othenon tekeriȣaienteri tsinahoten saton, nok sahaiakenne, akȣa neok tonsahatennhohaȣenrate tontati ne kitkit.

⁶⁹ Sekon ok neh sakaiatat ionsahokon, nok ȣahakororianion netho ronnes, ȣakenron neh sahatiiata kehiken ihrate.

⁷⁰ Sekon are sahatonnhiie, iahtekariȣes tsinahe, ȣahonniron netho ronnes; Oriȣiio onte oni nise tsi Galile-ronon nasiatoten aseken eh oni nise niseȣennoten.

⁷¹ Ethone onen akȣa tahonakȣen nok ȣahariȣanirate, ȣahenron: Oriȣiio tsi iah tehiienteri neh ehtsiton.

⁷² Ethone onen noneh tekenihaton tontati ne kitkit; ok sisreiaratie ne Tier tsinahoten thaȣen ne Iesos: Asen nenskatonnhiiase ohenton ne tekeni tenteȣatati ne kitkit: ȣathosterihen sahaiakenhne nok ȣahaststaren.