St. Mark 13 - Ohiatonhseratokénti

Asenhaton iaȣenre teioteriȣasonterakȣen tsini hoiaton Roiatatokenti Mark.

¹ NONEN sishoiakenhonhatie ne Iesos, saiatat ne raotiokȣa, ȣahenron: Saianer! Skaenhion tsiniio ianere tsi tekanenhiasere oni tsini kanonsiio!

² Iesos tontahoȣennaȣeron, ȣahenron: teskanere ȣahi kenh nonȣa kehiken nikanonsa? iah oni nenskat tataonsakanenhiaserake niah takarision.

³ Nok nonen Olivier onontoharake siiehatiteron, teiotokenton tsi tkanonsote nononsatokenti, Tier, Sak, San tanon Antre ȣahonȣariȣanontonse ȣahonniron:

⁴ Takȣarori katke eh niienhiaȣenne, oh oni nahoten enhiakȣaienterestakȣe nonen eh nenhiaȣensere?

⁵ Ethone are ne Iesos, tontahenron: Seȣatatenikonrarak tosa onka aietsinikonrasenni.

⁶ Aseken ronentiokoȣanen nentionksennenhaȣi, enhontonne: II ne Keristos, nok kentiokoȣanen ensakotinikonrakarhatho.

⁷ Tosa seȣateronn nonen enseȣariȣaronke. Ȣateriio, ionteriiosere, aseken iatekakonte neneh eh nenhiaȣenne, nok iah ki neh teken ne tsi iotokte.

⁸ Aseken ok neneh teiontonȣentsianekhanion tenhiakoriȣarheseron, tenhiaonȣentsishonkȣanion, enhiontonkariakhon, tenhinkoriȣarheseron; akȣa neok neneh nenkontihente naiakonikonranonȣake.

⁹ Seȣatatenikonrarak kati nise: aseken enhietsiiena enhietsiiatenhaȣison oni tsi teieiatoretakȣa, oni isi ionterennaientakȣa, enhietsisokȣaȣessonnion; ienhietsiiateȣe oni rahotihenton ne Ratikorasson oni Rotinontiiosson nii akerihonniat, neok oni nahontkathote.

¹⁰ Kenh tanon kaien ne Kariȣiio, iatekakonte tsi akȣekon nonkȣe enhiontataronkaten.

¹¹ Nok nonen ionkaeȣe, enhietsiiena, oni enhietsiiasarineson, tosa teseȣatatenikonrharen ne tahonenne ahonteseȣaterientisake tsi nahoten enseȣenron, etho ok nikon taseȣatati tsinikon enhtsiseȣanikonrata ne Ronikonriioston neh nonȣe nenkahaȣi; iah se ise taeseȣatati nethone Ronikonriioston se enhatati.

¹² Ienkaheȣe iatatekenha enhoriȣente kenheiatne, Roienha oni enhoriȣente ratiksaokonha ensakotiriȣente ne ronȣatiienha.

¹³ Nok enhiotsisȣenseron nonkȣeokon nii akeriȣake; nok ki tanon onka iatenrokten neh tohiken enhaniakenne tsi niienhense.

¹⁴ Neh kati nonen enseȣatkatto Kariȣaiesasera iakokaronniatta eh naioton tsiniiot tsi rotrori ne Rotokensehakȣe Daniel eh nonȣe nakakȣatakȣen tsinonȣe iah teionakte (ratennikonraren onka roȣennanotta ne kenh Rotokense); ethone ne Judé nonȣe niienakere Onontoharake enhiontekȣassen.

¹⁵ Tosa tethastnent ne kanonsake iehahrates niaonsahako othenon akenhake ne kanonskon,

¹⁶ Oni ne kaehtakon iehres tosa Sahket naonsahakoha raotseronniat.

¹⁷ Ne tanon iotitentasere noianenkontiiatoten oni nonkonststaronthake neh nonȣe niȣenniseratenion.

¹⁸ Hetsiseȣaneken ne Niio aiaȣens tosa koserake akenhake nonen ienseȣaiatheȣe naeseȣateko.

¹⁹ Aseken tsini kententetseroȣanen ȣenniserontakȣen nehnonȣe nenkaȣi, areko nonȣenton eh tetiaȣenhon tsinahe tiotonȣentsiatasaȣe, iah oni nonȣenton nonakenke etho tataonsontenonhianite.

²⁰ Sekon oni ne iah tahaȣenniserokeri ne Roianer neh niȣenniserotens iah onka taioniakenhon; nok ki tanon nonȣa neneh Sakoiatarakȣen Ahorionniat tsi taȣenniserokeri.

²¹ Ethone oni enhiesarori nenhiaihron; Kentho renteron ne Keristos; ok ne ens kentho itres; tosa tasetak.

²² Aseken enhontiatontakȣe ne Keristos oni Rotitokense, ioriȣanerakȣatenion tsinenhatiieranion natahatiierekenha asakotinikonrakarhatto ne iakohianere.

²³ Seȣanikonrarak kati; onense ȣahi tahonenne oriȣakȣekon kȣarori.

²⁴ Nonen enȣatennisorohestste, enȣaterakȣaton, oni nasonrekha.

²⁵ Entkatsistokȣaniserenne ne karonhiake, nok tenȣatkarenron naosastensera tsi karonhiate.

²⁶ Ethone enhonȣaken nonkȣe Roienha otsikerakeson natentre, enthosastenseroȣanenhatie enthoiatanerakȣatonhatie oni.

²⁷ Entesakotori ne raoronhiakerononokon ensesakotiiataroroke ne raonkȣeta onȣentsiakȣekon teiakorenion.

²⁸ Kenh kaien Seȣakaenhion, tsionionȣarontonhake tekariȣakentonkȣen, nonen enkaskȣeionten oni enkaranaȣen, ok naha seȣatons ohnen toha taiokennhonti.

²⁹ Neh kati oni nise enseȣaienteristakȣe nonen enseȣatkatoseron eh oni nenhiaȣenseron kehiken, seȣerhek onen akta iȣe, onen oni onȣe.

³⁰ Oriȣiio tsi kȣarori, tsi iah teȣatoheststane ne kenh kaȣatsirate ohenton neh naiaȣenne.

³¹ Ȣatohestane tsi karonhiate oni ionȣentsiate, nok nakeȣenna iah neneh nonȣenton tiiakontohestste.

³² Kenh kaien kah nonȣe teȣenniserate, oni tsinenhioȣistahe iah onka teioterientare, iah oni nʼEron-hiakeronon, sekon oni iah ne Roienha, Akȣaki raonhatsiȣaok ne Rakeniha.

³³ Seȣatatenikonrarak kati seȣatieȣaton Seȣaterennaien oni aseken iah teseȣaterientare katke niienkaheȣe.

³⁴ Eh naseȣaier tsiniiot ne ronkȣe ratentionhe, ȣasakorionten ne raonnhatseraokon nahatinikonrarake tsini hoien, akȣekon niiasakotenienthase, nok saiatat ȣahohonkariake nasakonikonrarake.

³⁵ Seȣarharek kati, iah se ȣahi teseȣaterientare katke natentre ne ranonsakȣeniio; toka okarasneha, toka asonthen, toka tsini tkontatis ne kitkit, ok ne ens orhonkene;

³⁶ Tosa onȣar ok akȣa aesentaseke ahonsaraȣe.

³⁷ Tsinikon kȣaroris akȣekon sateseȣariȣake: Seȣarharek.