St. Mark 1 - Ohiatonhseratokénti

Tiotasaȣakȣen tsini Roiaton nʼOriȣatokenti ne Roiatatokenti Mark.

¹ Tsiniiot tsi tiotasaȣe ne Iesos Keristos Niio Roienha Raiatatake.

² Ronen ne Rotitokensehakȣe: iahiiatori ne rakeriȣenhaȣe, raonha enhiahaaseronnien.

³ Kenh nihaȣennoten ne Karhakonson raȣennotaties; raton; Seȣahaaseronni ne Raȣenniio rahohaa, tsionniarakȣenhaton tsi rothate.

⁴ Karhakon sakohnekȣahestakȣe ne Saȣatis, nok Sakoretsiaronskȣe naonsaiontatreȣate oni aonsaiakoterakeȣase ne Kariȣaneren.

⁵ Akȣekon ne Judée tienakere oni ne Jerusalem-ronon ronȣaiatorenskȣe: Nok ne raónha akȣekon tasakohnekȣahestonhatie Kaihionhakon ne Jourdain

⁶ Kenh nihokȣenniotenne ne Saȣatis; Oniakȣaer ononȣerhon rotseronniatonne nok ohna rotiatannhenne, tsistarare tanon otsinakontakȣane otsikheta rahotennatsera kenhne.

⁷ Ratonhakȣe tsi sakotatiskȣe: iah teȣakerihonte nʼahiiennikatsienanerensi tsini haiatanoron ne tenhiatiatasonterako.

⁸ Onekanos nii kierata tsi kȣanekȣahesta; nok tanon ne raonha, Rotkon Ronikonratokenton entsiseȣanekȣahestakȣe.

⁹ Akȣa taiotokentane ethone nʼaraȣe ne Iesos, Nazaretke tahaientakȣe, nok kaihionhakon oni nehne ȣahatenekȣaheste.

¹⁰ Nok akȣa neok sonsahateskoko, iahatkato ne Saȣatis tontonteronhiakhasi nok eh tahaiakenne ne Rotkon-Ronikonratokenti, Orite kenraken rotiatontakȣenhatie tsi ȣahotienhase ne Iesos.

¹¹ Ehoni takaȣenninekenne, ȣakenron: ise konhienha akȣekon ishaȣe nakenonȣesera.

¹² Nok oksaok karhakon iahotori nʼOnikonra.

¹³ Kaieri niȣasontasen nikariȣes kontirio rohnariskonhonhaties, nok ronȣaiatanonstatonhaties ne rahoronhiakeronon okon, eh oni nahe ȣatenientenseronnes nʼotkon nahonikonrotako.

¹⁴ Onen sihonȣannhoton ne Saȣatis, Kalilene sonsaraȣe ne Iesos Sakorihonniennihatie ne Niio rahonakerasera.

¹⁵ Ratonne: Onen ieiotenniserihe, akta oni onen ihȣe ne Niio rahonakerasera: saseȣatatreȣat, nok taseȣetak ne Kariȣiio.

¹⁶ Onen kaniataraktatie sire ne Iesos, ȣasakoken iatatekenhaa, Simon tanon Antré iataharos, aseken nitsiakȣaskȣe.

¹⁷ Ȣasakaȣenhase ne Iesos: takehninonteratiesek nok ii enkenirihonnien Onkȣe hentsetsiiataharosseke.

¹⁸ Ok eh taiatsiakȣarisi ne rahonahahre nok ȣahonȣasere.

¹⁹ Iah sotsi ihnon tiieshaȣenon, eh are ionsasakoken iatatekenhaa, Sak tanon San nene Zebedé Sakoienhokonha, kaonȣakon niiatit iataharaseronni.

²⁰ Iasakohnonke oni neneh: Ok oni neneh ehtaonȣatsiakȣarisi ne ronȣaniha oni ne kannhatsera nok ȣahonȣasere.

²¹ Kafarnaim iahontenatorenne; tsi ȣahorhenne iaȣentatokenton, Ononsatokentike iahataȣeiate nok ȣasakorihonnien.

²² Akȣekon ok iakohnerakȣenhatonskȣe tsinihattokhakoȣa, aseken iah eh tohaierhakȣe tsi Sakotatis tsinihatiierha ne Ratiiatons, neh tanon raierathakȣe tsinihokȣeniatseroten.

²³ Saiatat eh raiatare notkonseraksen rotienni, tontahohenrete.

²⁴ Sahenron: Ah! Iesos Nasaretronon toh natetiattihen? neh kenh taseniente naskȣatonte? ȣakaterientase onka nise: Ise ne Niio Iaienha.

²⁵ Nok tanon ne Iesos tahoteȣennakȣisronhase, ȣahaȣenhase: tastotek, satsiakenn oni tsinonȣe nisiteron.

²⁶ Nese ȣaonni ȣaharonhiaken oni ȣathohenrete tsi sakaiakenne ne rotiennine Otkonseraksen.

²⁷ Akȣekon ok iakohnerakȣaskȣe, iontonnionskȣe: oh nahaiatotenkoȣa ne kenh ronkȣe? ok tisakoȣenniio nʼonatkonseraksen, ronȣaȣennarakȣa oni.

²⁸ Nese ȣaonni ȣahasennoȣannha ne Kalilerononke.

²⁹ Nok nonen sonsakaiakenne. Sak tanon San ȣaonne eh ȣahonnete tsi thotinonsote ne Simon tanon nʼAntre.

³⁰ Ethone niiotonkȣarhoskȣe ne Simon ronȣennhonsa, kanaktake kaiationni; neh niare taontierente ȣatkonȣarensaronnion.

³¹ Ethone akta niiahare, ȣahanentsa nok ȣahakestsko, iokontatie Sakenton-kȣanoste; nok saioiohten.

³² Okarahane nonkȣati, onen siiateiotsothon eh ȣaontatiataroroke nʼiakononȣaktanionni niatekannrotenson,

³³ Iotiokȣatsanit tsi kannhokaronte iakoteroronne.

³⁴ Eso oni eh sasakotsiente niatekannrotenson iakononȣaktanitakȣe; nok sasakoiatinekenseron oni notkonseraksen iakonatiennine, nok sakotinhesehakȣe nonatkonseraksen nakontrori tsi ronȣaienteri.

³⁵ Nok, sekon ok tetiokaras ȣahatkestsko, tsinonȣe shatitken niiahare eh iahaterennaien.

³⁶ Nok ne Simon, oni ne rontenrotiene ȣathonȣakarenhaȣe, nok ȣahonȣasere.

³⁷ Nok nonen Siiahonȣaiatorenne, ȣahonniron: akȣekon ok ise iesaiatisaks.

³⁸ Tontahenron: hennioh neh noiah tetkanataien niieheteȣe iakeiatati oni neneh; aseken neh teȣakenienton tsi teȣakenon.

³⁹ Nese ȣaonni akȣekon niiehataȣeiatakȣe, nok Sakotatiatakȣe tsi ronterennaientakȣa ne Kalile-ronon, nok sesakoiatinekenskȣe notkonseraksen iakohnatiennine.

⁴⁰ Saiatat roststaȣis ȣahoiatorenne, ȣattotontsothase tsi ȣahoneken, Sahenron: askȣeni nasere sitsient.

⁴¹ Ȣathoniatasiharane ne Iesos tsi ȣahotkatho, iathonisnonsaerhase, nok ȣahenron; neh ikere satsieȣentann.

⁴² Akȣa neok iahateȣennokten ok eh tonhton tsi roststarakȣe nok sahaton.

⁴³ Ȣahotiaȣenratse nahatrori, nok sahotekȣate.

⁴⁴ ȣahenron: senikonrarak tosa onka sherori; ȣas tanon shenatonnira ne ratitsihenstatsi nok ashenikonrasenniete tsi aseriȣaierite tsini hotenienten ne Moïs tsi tokenske sasaton.

⁴⁵ Nok tanon ne rahonha: ethok iahatasaȣen ȣathateriȣareniate oni ȣaharihoȣanate tsi nahaȣenne. Nese ȣaonni iah teseȣatonskȣe ne ȣene akenhatie tsi ratenatorenskȣe; tiotkon ok ihnon, tsi oni nonȣe sahtitken itreskȣe, sekonkiʼsʼ sane ok kenh titiaȣenskȣe ronȣaiatorenskȣe.