Revelation 22 - Ohiatonhseratokénti

Ne Kaniataratátse Ne Atónnhetst

¹ Eʼthó꞉ne ne raronhiakeró꞉non wahakenatónhase tsi kaniataratátie nonekanos ne natónnhest í꞉ken, thóh natehiostwá꞉te tsi ní꞉ioht ne teiostahrát꞉te otsishé꞉ra, thóh nontahionehnonhátse raohitskwáhrane ne Ní꞉io tánon ne teonakarontón꞉ha owí꞉ra

² thóh iotohéston asénhnon tsi tekanatokenhátse ne kanatowanénke. Ne skhatisonʼs ne tsikaniataratátse thóh iorón꞉thoʼte natonnhest né꞉ne kahá꞉we tékeni iawénhre niatewahiákes, nahohikshón꞉as sewenhnitatʼtionʼs tsi niwahianihniónktha; tánon nahonerathashón꞉ahs ne tsi ioronhthó꞉te né꞉ne tsakotsiéntha ne ronhnonhontsakeró꞉nons.

³ Iáh thaóthen ne iorihwahiesáhon shé꞉kon tahonsakát꞉tsenhrion ne thóh nón꞉we. Ók ne raonitskwáhra ne Ní꞉io tánon ne teonakarontónha owí꞉ra kwáh thóh nón꞉we nenhenteronhtáke, tánon ne raonhatsherashón꞉ahs kwáh enhonwasenhnaién꞉seke;

⁴ kwáh enhonwakonsáken, tánon ne raosén꞉na thóh enkahiatón꞉ke rathikenkwarákes.

⁵ Tánon ne nón꞉we iáh ó꞉nenh thatahonthaioraráhseke; iáh thateonatonhontsó꞉ni ne kaswathétshera khéhs ne iahaserotákwah khéhs ne karáhkwa, asè꞉ken né꞉ne Roiá꞉ner Ní꞉io ne raotiswaʼthétshera enkenhá꞉ke, tánon kwáh enhontkoraste tsi ní꞉ioht ne rotinontí꞉ios tsi nienhén꞉we tánon tsi nenhweh enkenhá꞉ke.

⁶ Tánon wahaʼkenhá꞉se, “Kíʼ owenhná꞉okons kwáh kariwatokentitshera ó꞉ni oriwí꞉io, asé꞉ken ne Roiá꞉ner, ne ne Ní꞉io tesakó꞉niaró꞉taron ne rotitokenhse, thó꞉tenieton ne raorón꞉hiakeró꞉non nashá꞉konatonhase ne raonhatsherá꞉okons tsi nahó꞉ten ó꞉nenh kwáh iostore ehtho nenhiá꞉wenhne.”

⁷ “Sát꞉kato, kwáh iostó꞉re tsi entkeiakotaskats ne tieiá꞉ta enhiontienawaste naowenhná꞉okons ne iekarí꞉wakens kí꞉ken kahiá꞉tonsera.”

⁸ Í꞉i, Sawatis, ne wakát꞉thonteon ó꞉ni wakát꞉kathoserons kíʼ naorihoténsons. Tánon nó꞉nenh shón꞉katʼthontene ó꞉ni wakát꞉kathoseron, Watiá꞉tienenhne naisenhná꞉ien tsi iateorá꞉shithate ne raronhiá꞉keró꞉non tsi nikaʼièn ne wahá꞉kenatonhnionhase;

⁹ ók wahá꞉kenhase, “Tó꞉sa thóh naʼtiereh! Í꞉i ne skát꞉ne ionkeniiote ní꞉se tánon ne sathá꞉tekenhseras ne rotitó꞉kense, ó꞉ni tsi niiá꞉kon nenhiontienawaste naowenhná꞉okons kí꞉ken kahiatónhsera. Ronwasenhná꞉ien Ní꞉io!”

¹⁰ Tánon wahaʼkenhá꞉se, “Tó꞉sa serí꞉waset naowenhná꞉okons ne iekarí꞉wakens kí꞉ken kahiatónhsera, asé꞉ken tsi nikawistá꞉hets ákta í꞉wes.

¹¹ Shé꞉rion ne karí꞉wahetkens tsi niontiera shé꞉kon kíʼ thóh nihá꞉tiierak, tánon ne teotiiá꞉thations shé꞉kon kíʼ teotiiá꞉tationtonhak, tánon ne tionkweʼtá꞉ieri shé꞉kon kíʼ ne roʼtiió꞉ten ne ioiá꞉nere, tánon ne rotiiá꞉tatokentis shé꞉kon kíʼ roʼtiiá꞉tatokentisek.”

¹² “Sát꞉kato, kwáh iostó꞉reh tsi entke; ne kaʼrhiá꞉ke í꞉se í꞉sawe, ne naʼkahkarhiát꞉ton tsi nenhtsó꞉ianenhá꞉we ne tionkweʼtát꞉tions akoió꞉tenhsera.

¹³ Í꞉ih ne Alpha ó꞉ni ne Omega, ne ne tsiotserentá꞉kwen ó꞉ni noná꞉kenkha, ne ne tsiotá꞉sawahkwen tánon ne tsi ieiotót꞉te.”

¹⁴ Iakotaskáts ne tsi niiakon ne ienó꞉hares nakotewehiá꞉ra, ne káti ne kwáh enhó꞉tiianerenhserá꞉ièn꞉take nahón꞉hiake tsi iorón꞉tote natón꞉nhets tánon enwá꞉ton niahontá꞉weiate ne kanaʼtowá꞉nenhke thóh enhón꞉toheste tsi iotenhenrá꞉karonhtes.

¹⁵ Akste ne kanaʼtó꞉wanenhke thóh ronhnes érhar tánon rontenhenhná꞉ras tánon ne tihó꞉thiteha tánon sakoná꞉sehthas tánon ne rontená꞉kwahiesathas, tánon tsi niiakon ne ienón꞉wes ó꞉ni ne ahiakoioten nonhó꞉nenhs.

¹⁶ “Kwáh Í꞉ih, Ié꞉sos, iehí꞉hiatenieton naʼkeronhiá꞉keró꞉non ne tionhá꞉ke ne naʼsakó꞉rihowahnhaten tsi ionterenhná꞉ientakwas. Í꞉ih notera í꞉ken ó꞉ni thóh nitewaʼká꞉tenekwenhsinon rahón꞉hake ne Táwit, ne ne teioswát꞉te tewenhtenhawí꞉tha otsisto.”

¹⁷ Ne Roʼnikonrí꞉ioston tánon ne ioniát꞉ke iá꞉ton, “Káts.” Tánon ahnion onkwé꞉takweʼkon nón꞉ka enhiakó꞉tonhtene ieron, “Káts.” Tánon ahnion ón꞉ka ne iakó꞉niatatʼtens káts. Ahnion ón꞉ka ne ionská꞉neks nahieiena noneká꞉nos ne ionnheón꞉we tsi enhionthá꞉ton.

¹⁸ Waʼkheiá꞉ronhkaten onkweʼtakwé꞉kon ón꞉ka eniaʼkó꞉tonhtene naʼó꞉wenhnaokons ne ieká꞉riwakens kí꞉ken kahiá꞉tonhsera: tó꞉ka ón꞉ka iahieseste, Ní꞉io kwáh ienhá꞉ieste akaʼón꞉hake ne kanhras tsi niká꞉nikonraientá꞉tha neh kenʼen kahiá꞉tonhsera.

¹⁹ Tó꞉ka ón꞉ka éhren enhiehá꞉wite nahowenhnahó꞉kons ne kahiatónhsera ne kén꞉en iekariwákens, Ní꞉io kwáh éhren ensakohawitháse tsi naiakoién꞉take ne tsi iorón꞉tote naʼtón꞉nhets ó꞉ni noná꞉tatokentike, ne tsi niwák꞉ró꞉ris ne kenʼen kahiá꞉tonhsera.

²⁰ Tsi niká꞉ien nón꞉ka enhariowánate ne kí꞉ken owenhnaó꞉kons, “Oriwihioʼón꞉we tsi iostó꞉re entʼke.” Eʼtho nenhá꞉wenhne. Káts, Saiá꞉ner Ié꞉sos!

²¹ Ne raoténrat ne Roiá꞉ner Ié꞉sos tsi kwáh ratikwekónhak ratikwé꞉kon ne rotiiatatokéntis. Eʼthó niiá꞉wenh.