Psalms 76 - Ohiatonhseratokénti

Israel Ahoni꞉io—ne Rariwénta Nohontsakwé꞉kon

Ne Raterenhnathentsátha: né áhonste né karenshó꞉taron waterenhnót꞉tha. Né꞉ne Asaph raorénhna.

¹ Né Judah nón꞉we ronhwaʼientérih ne Rawenni꞉io, tánon tsi nihasenhnowánen ne Israeronónke.

² Tsi ionón꞉te ne Zion ne Jerusalem nón꞉we nihénteron.

³ Thóh nón꞉we nathahiákon ne kaiénkwires né꞉ne ronhwaʼtíshons raotiʼiénkwires, ne rontrenhosthákwas tánon ne raonasarekówa, hén, akwékon ne tsi nihonterihiosthákwas. Selah

⁴ Tsi nisahiatanerákwat, Ó Sewenní꞉io! Tsi ní꞉ioht ne kwáh rashástste ronhnontí꞉io tsi nathontáse ne tsi tsonón꞉te tsi nón꞉we iasehsénhni ne iesáhshons.

⁵ Né rotinikonratʼtsáni ronterí꞉ios akwékon ronwatíkwen ne ronhteriʼiosthákwa; tánon ó꞉nen ronenhéion; akwékon ne raotishaststénhsera tánon tsi nihotirenhnáhon iáh othènen tehiorihontákwen.

⁶ Nó꞉nen sasehterónkwen, Ó tse Ní꞉io í꞉ken ne Jacob, ne kosáhtens tánon ne rotisáhtens waʼhatihiatsénenhne waʼhonhníheie.

⁷ Ók í꞉se Saiá꞉ner ne onhkwetakwé꞉kon iesatʼtsánis! Iáh ónka taiekwéni naiétake ne sahénton nó꞉nen sanakwénhen?

⁸ Karonhiáke nón꞉we nontasehríhwenhte ne iesáshons; ne ronhnonhontsakerónons waʼhonateronhiénhten tánon sakʼthahontatónhni,

⁹ Nó꞉nen ne Rawenni꞉io sahthá꞉tane naharihwaʼsehrón꞉ni ne kahiatorethátshera, nasahkonónsthate ratikwékon ne ronhwaʼtironhiakéntha ne tsi ionwenhtsáte. Selah

¹⁰ Sewenní꞉io Nónkwe akonakwáhtshera nék khók nenhnéʼe karihonthákwas ne sénha taiesanonweráton, kwáh eniesahsénhnaien ne wenniseraráhkwen tsi nisakwáhere.

¹¹ Tátion ne Roiá꞉ner Rawenni꞉io tsi nahó꞉ten tsiarahratsténhni; iatsawí꞉ten natathawí꞉tsheras, ne ákta ratinakeréhnion nonkweshón꞉has. Né Rawenni꞉io sakahonniénhnis nonkweshón꞉has nahonwatsánike;

¹² rahónha sakononhwaʼrhiákons ne ronhtinontí꞉ios, tánon tesakahonhnarítkons ne ratisháststes ronhtinontí꞉ios.