Psalms 67 - Ohiatonhseratokénti

Nonkweshón꞉a waontaʼteriwanónhtonshe ne thahonwanonweráton ne Rawenni꞉io

Ne Raterenhnathentsátha: né áhonste né karenshó꞉taron waterenhnót꞉tha. Ne karénhna.

¹ Aiáwenhs ne Rawenni꞉io aotanitenhratskónhake nontionháke tánon ashonkwahiatatériste tánon ahontahorihwaiérike tsi ashonkwatkátho. Selah

² ne ká꞉ti ohontsakwékon ahiakoterienhtárane tsi nisanikonhró꞉ten; ne ká꞉ti nahiakoterienhtáraʼne tsi sashaststenhseráien nasehnónsthate.

³ Ánion akahontsakwékon nónkwe teiesanonweráton, Ó Sewenní꞉io; ánion akahontsakwékon teiesanonweráton.

⁴ Ánion nakahontsakwékon nonkweshón꞉ha iakotsenhnonníhak tánon né teieríhwak natʼtsenhnonhniátshera, asèken né꞉ne tkarihwaiéri tsi ní꞉ioht tsi tesehiatorètha nonkweshónha tánon í꞉se ensehiasárihne akahontsakwékon nónkwe ne tsi ionwéntsaien. Selah

⁵ Ánion akahontsakwékon nónkwe teiesanonweráton, Ó Sewenní꞉io; ánion akahontsakwékon teiesanonweráton.

⁶ Nonhóntsa wé꞉so takáhawe ne kaientʼthótshera; Né Ní꞉io, nónkwah Ní꞉io, waʼshonkwahiatatériste.

⁷ Aiáwenhs ne Rawenni꞉io iahakóntakwe tsi ashonkwahiatatéristake; ánion nonkweshón꞉has kwáh tsitnonwéson ne tsi ionwenhtsáte tehonwarénhsaron.